یه‌كه‌م دیداری جینۆساید لە کۆلێژی هونەری زانکۆی سلێمانی
یه‌كه‌م دیداری جینۆساید لە کۆلێژی هونەری زانکۆی سلێمانی
Anfalistan- sulemaney : بەبۆنەی یادی (٣٠)ساڵەی تاوانی ئەنفال ڕاگرایەتی کۆلێژی هونەر- زانکۆی سلێمانی یەکەمین ڕۆژی دیداری جێنۆسایدی بە کۆمەڵێک چالاکی سەرکەوتوانە بەرێکرد .
ئەمرۆ ٧ی ئایاری ٢٠١٨ بەشی شێوەکاری و بەشی فیلمسازی کۆلێژی هونەر دەستی بە چالاکیەکانی (فیلم، شێوەکاری، پیرفۆرمەنس،سیمنار) کرد،لە یەکەمین ڕۆژی دیدارەکەدا چالاکیەکان بەم شێوەیەی خوارەوە دەستی پێکرد :
１- نمایشی بەرهەمی (ئەنفال ٣٠) پ .یاریدەر د. رێبوارسەعیدو مامۆستا رەنجدەرمستەفا.
２- نمایشی تابلۆی شیعری خوێندکار( ساراجەعفەر) بەرێوبەری بەشێ فیلمسازی ئێواران بەهاوکاری خوێندکارانی بەشی شێوەکاری.
３- نمایشی بەرهەمی خوێندکارانی بەشی شیوەکاری.
４- نمایشی (بەرزەخ) تێکستی د.دڵشاد مستەفا- رێکخستنی مامۆستا رەنجدەرمستەفا و نمایشی خوێندکارانی بەشی فیلمسازی سۆما قاسم وشڤان رەشید.
５- وتاری هونەرمەند د. ریبوار سەعید راگری کۆلیژ
６- د. دڵشاد مستەفا سەرکی بەشی فیلمسازی
７- نمایشکردنی کاری فۆتۆگرافی (خەمی ئەنفال لەوێنەدا) بەسلایدی ڤیدیۆیی لەلایەن گروپی فۆتۆگرافەرانی گەرمیان .
８- نمایشی فیلمی (دەنگێک لەناو بێدەنگیدا) بەرهەمی بەشی فیلمسازی کۆلێژی هونەر.
توێژینەوەکان
دوابەدوای ئەم چالاکیە هونەرییانە سێ توێژینەوەی هونەری وکۆمەڵایەتی و فیکری لەلایەن د. دڵشاد مستەفا سەرۆکی بەشی فیلمسازی و خوێندکارانی بەش ڕۆژە حەسەن و هێمن بەهادین (هێمن قەرەداغی) پێشکەش کران بەم ناونیشانانەی خوارەوە :
１- یادەوەری برین ، هەوڵێک بۆ هێنانە گۆی پانتاییەکی نادیار .. د.دڵشادمستەفا .
２- بونیاد نانەوەی ژنان لەلای رزگاربووی ئەنفال … رۆژە حەسەن .
３- جینۆساید گەڕان بەدوای مانای تردا . هێمن قەرەداغی
جێگەی ئاماژەیە سبەی ٨ی ئایار بەچەند چالاکیەکی تری مامۆستایان و خوێندکاران دیدارەکە بەردەوام دەبێت.
