سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ئەنوەرئەحمەد دانیشتووی گوندی عەسکەر : ئەگەر ئەوە حاڵی من بێ، كوا كەسوكاری شەهیدان تاجی سەرن..؟
ئەنوەرئەحمەد دانیشتووی گوندی عەسکەر :
ئەگەر ئەوە حاڵی من بێ، كوا كەسوكاری شەهیدان تاجی سەرن..؟
عومەرمحەمەد
لە دایكبووی ساڵی ١٩٧٧ ی گوندی عەسكەری كیمیابارانكراوی سەربەناحێی ئاغجەلەرو ناوچەی قەڵاسێوکەیە.
لەپەلاماری ئەنفالی چواردا دوو رۆژ دوای تاوانی پەلامارە كیمیاویەكەی هەردوو گوندی گۆپتەپەو عەسكەر، كەرۆژی سێی ئایاری ساڵی ١٩٨٨ ئەنجامدرا، هێرشی پیادەی جەیش‌و جاشیش بەسەرپەرشتی ڕاستەوخۆی سوپا سالار نزارعەبدالكەریم خەزرەجی ئەو پیاوە توندرەفتارەی سەركردایەتی سیاسی كورد داكۆكیان لێكرد، گەیشتە ناوچەكەو تەواوی خەڵكە شپرزەكەی ناوچەی قەڵاسێوكەش كەكۆمەڵكوژییەكەی گوندی گۆپتەپەو عەسكەر زەندەقی بردبوون،بە شپرزەیی كەوتنە بەردەستی جەیش‌وجاشەوەو هەرلەو گوندەدا ١٨٦ كەس ئەنفالكران، كەلەناویاندا دایكی ئەوەر بەناوی (مەلیحە نەجم) و دوبراو خوشكێكی بەناوەكانی (داراو بەشدار‌و شیلان ) گیران و هەتا ئێستا بێسەرو شوێنن، ئەو كاتە ئەنوەر تەمەنی ١١ ساڵان بوو، ئیتر مەینەتیەكانی ژیانی ئەم كوڕە زیاتر تاویان سەندو پەژارەكانیشی بەگورتر دەستیان پێكرد، ئەویش وەك هەر لێقەوماوێكی تری لەئەنفال بەجیماو ەبوایە سەرپەنایەك بیگرێتەخۆ، بۆیە نەكی بەناوی عائیشە ئەمین ئامێزی بۆكردووەتەوەو هەرلەگەڵ ئەودا دەژیا.
باوكی ئەنوەر كە بەئەحمەد بڕنەو ناسرابوو هەرلەسەرەتای هەشتاكانەوە لە تیپی ٢١ ی كەركوك پێشمەرگە بووە‌و هەمیشە خۆی بۆ بەرپەرچدانەوەی بەعس تەرخانكردووە،لەدوای ئەوەی بێئومید دەبێت لەسۆراخی خێزانە ئەنفالكراوەكەی جارێكی تر هاوسەرگیری دەكاتەوەو خێزانی پێكەوە ناوەتەوەو لەو هاوسەرەشی دومنداڵی تریان دەبێت بەناوەكانی (جیگرو لانە) بەڵام مەرگ دەرفەتی نەدا جیگرولانە لەئامیزیدا گەورەبن لەرۆژی ١٨ی ئابی ساڵی ١٩٩٤ لەشەری ناوخۆدا كوژرا. بۆیە ئەوانیش وەكو خوشك‌و براكانی تریان بوونە قوربانی شەڕێكی تر، شەڕێك كەدەبوایە كورد لەدوای ئەنفالەوە شەرمی لێبكات‌و هەرگیز پیادەی نەكاتەوە‌وجارێكی تر رێگەنەداتەوە منداڵانی كورد بێ باوك بن لەسۆنگەی شەرە نەگریسەكانی ناوخۆوە.
ئەنوەر ئێستاش لەگوندی عەسكەر بەمەینەتیەكی زۆرەوە دەژی خێزانی پێكەوە ناوەو كورێك‌و دوكچی هەیە‌و دوان لە منداڵەكانی لەقوتابخانەن ،ئەم پیاوە هەر بەتەنها خەمی دایك‌و براو خوشكەكانی نیە، بەڵكو خەمی بەخێوكردنی منداڵەكانیشی هەیە، چونكە بۆخۆی نەخۆشی رەبۆی درێژخایەن تەنگی پێ هەڵچنیووەو بەهۆیەوە حاڵی پەرێشانەو ناتوانێ كارێكی ئەوتۆ بكا، هەمیشە پەمپێكی تەنگە نەفەسی لەگیرفاندایەو وەكو خۆی دەڵێت: لەهەفتەیەكدا دوو (بەخاخ)م پێویستە، بۆیە نان‌و ئاوم لێببرێت نابێ ئەو پەمپە بەخاخانەم لێببڕێت، لەوەتای تەمەنی چووەتە سەروی بیست‌و چوارساڵ حەمێكی تریشی بۆدروستبووە، خەمی ئەوەی هیچ موچەیەكی شەهیدانە نایگرێتەوە نە هی خوشك‌و دایكی‌و برائەنفالكراوەكانی‌و نەهی باوكیشی كە شەهیدی سەنگەرە نایگرێتەوە، وەكو خۆی دەلێت: كوا ئەوە ڕەوایە نەلەهی بەشی دایكم‌و خوشكەكەم‌و براكانم نەلەهی باوكیشم كەبەشەهیدی سەنگەر لەوەزارەتی شەهیدان‌و ئەنفالكراوان تۆماركراون، جا كەمن هیچ نەیگرتمەوە ئیتر بۆچی دەڵێن كەسوكاری شەهیدان تاجی سەرن..؟!
ئەنوەر دەلێت : من هەقی خوێنی شەهیدەكانم ناوێ ژیانم دەوێ، مەبەستم ئەوەیەكە نەخۆشم‌و توانای كاسبی‌وكاركردنم نیە..؟ ئەنوەر ئێستا وێنەیەكی مرۆڤە دڵشكاوەكانی گوندی عەسكەرە، ئەگەرچی خەڵكی ئەو گوندە شەهیدێكی زۆریان بەخشیوەتە ئەم وڵاتە ٦٠ شەهیدی سەنگەرو ٢٠ی كیمیابارانیان هەیە‌و ١٨٦ كەسیشیان ئەنفالكراوە، ئەمە ویرای ئەوەی خەڵكی ئەو گوندە هێشتا دەستیان لەچەك بەرنەداوەو زۆریان لەریزەكانی سوپاو پێشمەرگەدان. كەچی ئەوەش حاڵیانە..؟ بەراستی كێ دەیەوێ وێنەیەكی راستەقینەی مەینەتی‌و قوربانی دانی ئەم گەلە ببینێ بابچێت سەردانێكی ئەم گوندە بكات چونكەعەسكەری كیمیابارانكراوو ئەنفالكراو وێنەیەكی بچوككراوەی هەموو كوردستانە لەمەینەتی، تەنها جیاوازی ئەوەیە لەكوردستان چەندین سەرۆك جاش هەبوون، بەڵام لەو گوندە تەنانەت جاشێكی سوكەلەشی تیداهەڵنەكەوت كەچی ئەوەش پاداشتی دەسەڵاتی كوردی‌و ئەوەش حاڵی مرۆڤەكانی گوندی عەسكەرە ..!
