سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
من و دایکێکی ئەنفال
من و دایکێکی ئەنفال
ئاسۆ بیارەیی
١٩ی ئۆکتۆبەر سوێد
لە دوێنێوە ڕەنگی بەفری وڵاتی شەختە لە پرچی سپی دایکێکی ئەنفال دەچێ. لە دوێنێوە کپی ئەو گەڵا بەفرانە کە بە کپی دنیا سپی دەکەن، وێنای دوا هەناسەی مامەیەکی گەرمیان و گوندەکانی (داوێ)م بۆ دەنخشێنین، کە چۆن پێشتر و ئەمڕۆ لە ژێر بەزەیی دوکەڵ و ئاگردا، خەریکە دەخنکێن.
دووبەشی تەمەنم پتر تێپەڕیوە، کەچی من هێشتا لە هەردەکانی گەرمیانم و سیمای ڕاکردوانی (بناری گل) ڕامدەچڵەکێنن، سۆتوی (قەواڵی و کانی قادر) چاوەکانم دەکزێننەوە. نوقمی ئەنگوستەی دوا وڵاتی ئەمپەڕی گۆی زەویم و هەڵای(هێشتا) لە سەر تولە ڕێگەیەکی لیتاوی، پایەکانم بە نیشتمانەوە چەقیوون و لەوێدا بزوتیان بڕاوە، کەورگێکی بن چۆڕاوگەی هەردێ لانەمە. لەگەڵ گرمەی هەموو هەورە پروسکەیەکدا دەبمە زارۆکیکی وێندەرێ و تەزوویکی خوێناوی لێدانی دڵم تووشی هەڵپەهەڵپە دەکا، هاکا وەستا و منیش وەک لاپەڕەیەکی خاک سڕامەوە..
کێویم ناو دەنێن بنێن!
خۆشم نازانم لە کوێم و ئەو هەنسکە وشکانەم بۆ کۆتاییان ناێت!
تەرمی پێشمەرگەیەکەم لە پاڵدایە و ئەو دایکە گەرمیانیە پرسی ئەو هەڵۆیەم لێدەکا؟
وشەکان بە ئاستەم لە زارمەوە دەیانەوێ لە دایک بن، بەشەرمەوە،خۆیان تێکەڵی شەختە و بەفر و ئەنگوستە دەکەن:
– دایە! ئەو پێشمەرگەیە لە داستانی هەژاریدا، دوا فیشەکەی بۆ خۆی دانا، نەبا منداڵەکانی بببینێ چۆن دزی خۆیی گەداکوژیانکا..
– دایە! ئەو هەڵۆیە دەستەمۆ نەدەبوو، دەهای وامان هەس..
بەرکوڵێك لە بەرهەمی چاپنەکراوی
{هەسارەکانی یادەوریم}
