سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
چەکدارێکی داعش دانی پێدا دەنێ کچانی ئێزدی فرۆشتووە
چەکدارێکی داعش:
“چوار کچی پاکیزەی یەزیدی ببون بەبەشێك لەموچەکەم! بۆ شەوێك بە ٢٠٠دۆلار دەمفرۆشتن”
وەرگیڕانی لەئینگلیزییەوە
ڕەگەز کەمال حەمە عەلی
بەبۆنەی ساڵرۆژی تاوانە تراژیدیاکەی سەر کوردانی ئێزیدی و ڕادەستکردنی شەنگال پێمباش بوو ئەم بابەتەی دەیلی تێلیگرام وەربگیڕمە سەر زمانی کوردی کە باس لە مامەڵەی چەکدارێکی داعش دەکات لەگەڵ چوار کچی پاکیزەی ئێزیدی دا..
محمد ئەحمەد چەکدارێکی داعشە تەمەنی ٤٠ساڵە، لەکاتی چواردەورەگرتنی قوتابخانەیەکی سەرەتایی لە ناوچەی شەنگال کە بە دەیان ژن و پیاو و منداڵ لەناویدا خۆیان حەشاردابوو لەهاوینی ٢٠١٤، ناوبراو دەڵێت: “کاتێ لەناو هۆڵی قوتابخانەکە تەقەم لییان کرد ١٠ بۆ ١٢ پیاوم لێکوشتن و لەناویاندا منداڵ هەبوون، پاشان ئەمیرەکەمان فەرمانی پێدام کە کچە هەرە جوانەکان لەگەڵ خۆیان بگوازنەوە بۆ موصڵ ” . چەکدارەکەی داعش بەردەوام دەبێت و دەڵیت: “لەوێ کڕین و فرۆشتنیان پێوەدەکرا وەکو کۆیلە وە لەنیوان ئەمیرەکان ئاڵوگۆڕیان پێدەکرا”
هەروەها “ئەو ٤ کچانە تەمەنیان لە ٢٢-٣٠ ساڵ بوو، ببوون بەبەشێك لەموچەکەم چونکە خۆم تەنها ٦٠هەزار دیناری عێراقی موچەم بوو بەلام هەریەکێکیانم بە ٢٠٠ دۆلار دەفرۆشت بە چەکدارێکی تری داعش بەمەرجی گەڕاندنەوە”
ناوبراو دەڵیت: “چوار کچەکەم لە خانوویەکی دورەدەست دانابوون، هەرشەوەو بەجیا لەگەڵ یەکێکیان سێکسم دەکرد، ئەوکاتەی کە بەدەستم هێنان پاکیزەبوون وە هێندە جوان بوون ناتوانریت وەسف بکرێن”
لەئێستادا ئەم چەکدارەی داعش پەشیمانەو داوای لێبوردنی کردووە لەکوردانی ئیزیدی لە دادگا بەلام زۆر درەنگەو سزای خۆی وەردەگرێت و لەئێستادا بەهەزاران چەکدار و گومانلێکراوی داعش دەستگیرکراون و لێکۆلینەوەیان لەگەڵدا دەکرێت.
سەرچاوە:
١- دەیلی تێلیگرام
٢- مۆنتڕیال گازەتی
