مێژووی بێ دۆکۆمێنتی قارەمانەکان ! ……………….. لەیادی لەیلا قاسم وهاوڕێکانی دا
مێژووی بێ دۆکۆمێنتی قارەمانەکان
لەیادی لەیلا قاسم وهاوڕێکانی دا
عومەر محەمەد
خوێنەری بەرێز : ئەم نوسینەی بەردەستت باس لەهەڵوێست وئازایەتی ژنێک دەکات لە رۆژگارێکی سەخت و جیاوازدا، گیانبازی کردووە، رۆژگارێک کەژن تیایدا یەکسان بوو، بە مەخلوقێکی شەرمن و کابانی ماڵ، بەڵام ئەو کارەکتەرە تەواوجیاوازبوو، جیاوازییەک کەهەتا ئەو سەردەمە عێراق بەخۆیەوە نەدیبوو، تەنانەت پەتی سیدارەکانی عێراق بەخۆیانەوە نەدیبوو، وەک چۆن چەتەکانی داعش لەژێر لولەی تفەنگی کیژەئازاکانی کورد غرورییان شکا، ئەو سەردەمەش جەلادەکانی بەعس لەبەردەم ئازایەتی ژنێکی کورددا لوتیان شکا، ئەوسا لەیلاقاسم تەنیا ژن بوو، دەبێت لێرەدا پۆزشێکیش بهێنمەوە، چونکە نامەوێ هیچ کات جیاوازی رەگەزی بەگفتارو کردارمەوە دیار بێت، بۆیە خۆم بەقەرزداری هاوڕێیانی (تێکۆشان ومەرگی) لەیلاقاسم دەزانم چونکە زانیارییەکی ئەوتۆم دەربارەیان چنگ نەکەوت، ئەگەرچی کەمتەرخەمیم نەنواند بەڵام چەندی کۆشام هەرهێندەم پێکرا کە لێرەدا دەیخەمە بەردیدەتان، بەهیوام لەداهاتوودا ئەم نوسینە سەربکێشێت بۆ کتێبێک و زانیاری پێویستم لەبارەی هەریەک لەم قارەمانانە چنگ بکەوێت .
ماوەتەوە بڵێم سودم لەهەموو ئەو سەرچاوانە وەرگرتووە کە لەبارەی لەیلای مرۆڤ ولەیلای تێکۆشەر نوسراون ولەخوارەوە ئاماژەم پێکردوون، بەڵام هەندێک زانیاری نوێشم خستووەتە سەر کەپێشتر باس نەکراون یان بەپێویست نەزانراون باس بکرێن . بەداخەوە چەندی کۆشام پەیوەندی بە(سەبیحەخان)ی خوشکیەوە بکەم بەڵام تەلەفۆنەکە بەردەست نەبوو.
خۆناشێت سوپاسی مامۆستا ئاوات نامیق ئاغاش لەبیر بکەم کە بەپرسیارێک دەربارەی مەرگ وژیانی ئەم ژنە قارەمانە ڕایچڵەکاندم و بە پیشاندانی فیلمێکی سینەمایی وای لێکردم کە بێ هەست دانەنیشم و لەبری زۆر کەس تەریق ببمەوە، ئیدی ئەو کەسانە هەرچی وهەرکێ بن لە سیاسی ودەوڵەمەندو سینەماکارو زۆرشتی تری کورد . درێژەی بابەت
