سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
کە بێدەنگین، بێ هەست نین
کە بێدەنگین، بێ هەست نین
دەبێت بڵێین ئەفسوس ! ئەم داخە ئەم ئەفسوسە بۆچی ؟
گۆڤاری ئەنفالستان بەبێ بەرانبەر دەکەوێتە بەردیدەی خوێنەران و لەسەر بەرگی پێشەوەی گۆڤارە کە نوسراوە “ئەنفالستان بۆ فرۆشتن نیە“، هەرسێک کارەکتەرە سەرەکیەکەی دەرچوونی ئەم گۆڤارە بە رەنج و شەونخونی و پارەو سەیارەو تەلەفۆنی خۆمان لەگەڕانی بەردەوامداین، هەتا ئێستاش هەر بەدوای چیرۆک و بەڵگەنامەکانی ئەنفالەوەین، زۆر کەسمان بەسەر کردووەتەوەو زۆر چیرۆکی نەبیستراومان کردووەتە بیستراو، هەندێکیشمان هێشتووەتەوە بۆ کات و ساتی خۆی.
بەڵام ئەفسوس کەسانێک هەن رێزلە رەنج وماندوبوونمان ناگرن ..! وەک رێز لەخەڵک وخوێنەری خۆیان ناگرن رێز لەخۆشیان ناگرن، بەڵکو هەڵدەستن بەبێ چاوڕووییەوە بابەتەکانمان کۆپی دەکەن و دەچن بەناوی خۆیانەوە چاپ وبڵاوی دەکەنەوە ! ئاخرا کاتێک زانیاری لەمەر ئەنفال و جینۆساید دەوەشێنین وبڵاوی دەکەینەوە، ئەگەر نەک بە پارەو پول وسەیارەو تەلەفۆنی خۆمان تەنانەت ئەگەر بە هاوکاری حکومەت و رێکخراوەکان و کۆمپانیاکانیش بوایە خاوەندارێتی کارەکان هەر هی ئێمەن نەک هی کەسانێکی تر ! کاتێک زانیارییە بەدەستهاتووەکان بڵاودەکەینەوەو بەبێ بەرانبەر خستومانەتە بەردەستی خوێنەران خۆ ئەوەیان مافی خۆمانە بابەتەکانمان پارێزراوبێت و لەکاتی سودوەرگرتن لە زانیارییەکانمان خاوەندارێتیمان بپارێزن.
بەداخەوە کەسانێک هەن، بەبێ رێزگرتن لە خۆیان و لەمافی خەڵک و پرەنسیپی نوسین و وەشاندن، بەبێ رێزگرتن لە مافی خەڵک و ئەرکی خۆیان، لەبری ئەوەی سود لە زانیارییەکانی ئێمەو کەسانی تر وەربگرن، دێن نابەرپرسیارانە زانیارییەکانمان نوسین و وێنەکانمان دەبەن و بەناوی خۆیانەوە بڵاوی دەکەنەوە ! بەمەش زیان بەخۆشیان و بە ئێمەش دەگەیەنن. ئاخر پەلاماردانی ماڵی خەڵک لە ( نوسین، وێنە، بیرۆکە، بەڵگەنامەو زانیاری بەدەستهاتوو) چ رێزێک بۆ خوێنەر و نوسین و بۆ ئەنفالکراوان و بۆ ئازادی دەهێڵێتەوە ؟.
با هەتا ئێرەبێ و بەس بێت !
لێرەوە رای دەگەیەنین کە چیدی چاو پۆشی لەکەس ناکەین کە پەلاماری نوسین و وێنەو بیرۆکەکانمان بداو بیبات بەناوی خۆیەوە بڵاوی بکاتەوە، ئیدی ناوی هەرکەسێک ئاشکرا دەکەین لەپێشەوە لەسەری دەنوسین و ئەگەر بێ سود بوو لەدادگاکانیش سکاڵای لەسەر تۆمار دەکەین، چیدی قایل نابین خەڵکانێک بچنە بەردەم قاپی کۆمپانیاکان و وەزارەتەکان و پارە وەرگرن و بە نوسین و دۆکۆمێنت و وێنەی ئێمە کتێبی قەبارە گەورە دەربکەن .. نازانین بۆچی بابەتەکانی ئێمە دەبەن بەبێ ئەوەی ناومان بهێنن ؟ ئەگەر شەرم لە ناوهێنانی خاوەنەکانیان دەکەن، ئەوا دزین شەرمە نەک دیاری کردنی سەرچاوە، ئەوەی دەنوسێت ئەرکێکی یاسایی و ئەخلاقی لەسەر شانە ئەویش بەرپرسیارێتی نوسین و پاراستنی مافی خەڵکە و دەبێت سەرچاوە دیاری بکرێت.
رایدەگەیەنین کە بێدەنگیمان نیشانەی بێ هەستیمان نییە .. تکایە وەک رێز لە رەنج و ماندوو بوونمان ناگرن رێز لە خۆتان بگرن ئەوەی نوسیومانەو بڵاومان کردووەتەوە بە رەنج و خەرج کردنی داهاتی خۆمان کۆمانکردووەوەتەو بەبێ بەرانبەر دەیبەخشینە خوێنەران، ئامانجمان زانیاری بەخشینە بە بە میللەتێک کە هەموو دنیا ستەمی لێکردووە، ناشێت چیتر لە خەڵکانێک بێدەنگ بین کەوا بێ وێژدانانەو نابەرپرسیارانە بیان بات ولە کتێبی خۆیاندا بڵاویان بکەنەوە. بەڵێ (وەک بێدەنگ بووین بێ هەست نەبووین) .
عومەر محەمەد – سمکۆ سابیر – هێمن عەبدوڵا
٤/٥/٢٠١٧
