سبەی ٣ی ئایار یادی کیمیابارانی گۆپتەپەو عەسکەرە.
سبەی ٣ی ئایار یادی کیمیابارانی گۆپتەپەو عەسکەرە.
سەرنوسەر
وەرن با ئەم یادانە بکەینە رۆژی خۆشەویستی و یەکتر قبوڵ کردن و لێبوردەیی، رۆژی بە خۆداچوونەوەو توردانی رق و دردۆنگی و چاککردنی کەموو کوڕییەکانمان، دڵنیام ئەوە باشترین وجوانترین رێزگرتنە لە شەهیدان و ئەنفالکراوان و مسۆگەرترین رێگاشە بۆ ئایندەی خۆمان .
لە بیرمە کە بۆ یەکەمجار چووم بۆ یادی کیمایابارانی عەسکەرو گۆپتە، تەنانەت هەتا ژمارە ٢ی ئەنفالستانیش کە بۆ یادی ئەو تاوانە لە چاپ دەرچوو هەمان رۆژ گەیاندمانە ناو گوند، هیچ کەسێکم لەو گوندە نەدەناسی و ئەوانیش منیان نەدەناسی . وەلێ ئێستا ئەوانەی منیش نایان ناسم ئەوان دەمناسن، ئەگەر هەموویان دۆست و هاوڕێم نەبن ئەوا زۆربەی هەرە زۆریان دۆست وخۆشەویستمن، ئەوە بۆ من شانازییە گەورەکەیە، کاتێک گۆپتەپەییەکان جەخت دەکەنەوە دەبێ سبەی لە یادی قوربانیەکانیاندا ئامادەبم ..
بەرێز بێت یادی کیمیابارانی گۆپتەپەو عەسکەر یادی ئەو مرۆڤانەی لەئێوارەیەکدا بەنیازی پشووی سەر سەکۆی ماڵە هەژارەکانی گوند بوون بەڵام بەگازی کیمیایی خنکان و کۆمەڵگەی مرۆڤایەتیش لێی بێدەنگ بوو !
