سهردێرهكان
بەڕاستی کاریگەربوو .. کەمال ئەحمەد
بەڕاستی کاریگەربوو.
کەمال ئەحمەد
ڕۆژی 16ی 3 بوو، هەڵەبجە جمەی دەهات لە مەسول و قافڵەی سەیارەکانیان..
کچە قوتابییەک، سەرتاپا ڕەشپۆش و بە چاوی فرمێسکاوی و قوڕگی پڕ لە گریانەوە، لێدوانیـ بۆ کەناڵێک دا گوتی:” خزمەتگوزاریمان ناوێ، بەس یەک داواکاریم هەیە لە مەسئولەکان، تکایە بە سایەق و حیمایەکانتان بڵێن با سەیارە ئاخر مۆدێلەکانتان بە هێواشی لێبخوڕن لە ناو هەڵەبجەدا، چونکە خۆڵی گەڕەک و کۆڵانەکانی هەڵەبجە، هەمووی ئێسک و پروسکی کەسوکارە شەهیدبووەکانی ئێمەیە و ئازارمان پێ دەگات”
بەڕاستی کاریگەر بوو…
نازانم ئەم قوتابییە ئەمەی چۆن وت؟!
ئاخۆ ئاگاداری ئەو چوارینەی خەیامە کە دەڵێ:
دیــم گۆزەکەرێک، قوڕی دەشـێلا دوێنێ
دەنگێکم ئەبیست، باوکە، کوڕی ئەدوێنێ
“ڕۆڵەکەم، بەزەییت بە باب
ی خۆتـدا نایە؟
مەمشێلە بە لەقە، بە هێمنی پێم لێ نێ!”
ئەڵێ( دوێنێ گوێم لێ بوو وەستایەکی گۆزە دروستکەر قوڕی ئەشێلا، قوڕەکە هاتە قسەو وتی: ڕۆڵە بە لەقە مەمشێلە! چونکە من خۆڵی ئێسک و پروسکی باوباپیری خۆتم! چۆن بەزەییت بە بابی خۆتدا نایە؟)
خانوییەکی کۆنی شاری هەڵەبجە- لەئەکاونتی نوسەر وەرگیراوە
