سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
(قزلر) نیە (قزڵو)ە ڕاستکردنەوەی هەڵەکانی کتێبێک
(قزلر) نیە (قزڵو)ە
ڕاستکردنەوەی هەڵەکانی کتێبێک
ڕاستکردنەوەی ناوی گوندەکان کەنوسەری بواری ئەنفال تەها سلێمان . لەکاتێبەکانیدا بەهەڵە نوسیونی و بەبێ ئەوەی بەخۆی زانیبێ یان ویستبێتی شێواندونی.
عومەرمحەمەد
٢٩/١/٢٠١٧ – سلێمانی
لە پێشەکی ئەو بەشەیدا کەتایبەتە بە ئاماری گوندەکان لەکتێبەکەیدا نوسیوێتی : ( ژێدەرو سەرچاوەی جیا جیا ژمارەو سنووری جوگرافی گوندە بەركەوتوەكانی هەشت قۆناغەكەی تاوان وپەلاماری ئەنفالیان تۆماركردوەو باسكراوە، لە هەمویان داپیانراوتر لیستێكی دادگای باڵای تاوانەكانی عێراق، كە ئەویش پشتی بە چەندین سەرچاوە بەستوە. ) ئەوەی ناوکەوانەکە قسەی کاک تەها سلێمانە، وەک دەردەکەوێ لێرەدا بەهەموو هەڵەکانیەوە دادگا دەکاتە سەنتەری هەموو هەموو ڕاستیەکان ! بەداخەوە ئەمە لە کاتێکدایە کەوا دادگاکەش هەڵەی کردووە، نەک هەموو گوندەکان کەبەر پرۆسەی ئەنفال کەوتوون، بەڵکو ئەوانەش کە لە کۆنوسەکانیدا یاداشت ودۆکۆمێنتی کردون بەهەڵە ناوەکانی نوسیون، ئەگەر نەڵێم هەموویان ئەوا زۆربەی هەرە زۆریان بەهەڵەو شێواوی ناویان لەبەڵگەونوسراوەکانی دادگادا هاتووەو هەر بەو هەڵەو کەموو کوڕیانەشی یەوە لە کتێبێکدا بەناوی (قرار محکمة الانفال لە پێشکەش کردنی دادوەر محمەد عورێبی و ئامادەکردنی مافناس بەهزاد عەلی ئادەم بڵاوکراونەتەوە ! کاک تەها سڵێمانیش بەهەمان هەڵەکانیەوە بڵاوی کردوونەتەوە.
سەیرە .. ! هەرچەندە سێ سەرنجی خستووەتە ڕوو، گوایە ناوی گوندەکانی راستکردوونەتەوە، بەڵام بەداخەوە هیچی وای بۆ ڕاستنەکراوەتەوە هەروەک نوسیوێتی : ( لێرەدا سێ سەرنجی ورد هەیە دەبێت باس بكرێت، یەكەمیان ئەوەیە زۆربەی ناوی گوندەكان بە هەڵە تۆماركراوەو ئێمە لێرەدا هەوڵدەدەین راستیان بكەینەوەو بە هەڵە دایان نەنێیینەوە. دووەمیش ئەوەیە ریزبەندی شارۆچكەو گوندەكان چۆن لە دادگاو بەڵگەنامەكان دانراوە، ئێمە وەك خۆیان دایان دەنێینەوە، سێیەم هەندێ گوند ناویان نەهاتوەو ئێمەش زیادمان كردوە، ئەمەش لە بەر ئەوەی ئەگەر كەسێك ویستی راستی و دروستی ئەم زانیاریەو بەڵگەنامەكانی دادگا بەراورد بكات، بۆ ئەوەی تووشی بەدگومانی نەبێت و زووتر راستیەكەی بۆ دەربكەوێ. ) ئەوەی ناوکەوانەکە پێشەکی نوسەربوو بۆ ئاماری گوندەکان – بروانە کتێبەکە – جینۆسایدی کورد تاوانی ئەنفال- لاپەرە ٨٣
جابریا وابوایەو ناوی گوندەکانی ڕاست بکردایەتەوە بەڵام بەداخەوە هەندێک ناوی گوندەکان لەکۆنوسی دادگاکاندا راست نوسراون بەڵام کاک تەها شێواندوونی وەک ناوی (مالومە) کەچی کاک تەها کردوویەتی بە مالمۆ بەهەرحاڵ من لێرەدا بەئەرکی خۆمم زانیوەو لەم خشتەیەدا هەم ناوەهەڵەکانم وەک خۆی داناوەتەوەو هەم ئەوناوانەش کە راستمکردونەتەوە، بەهیوام سودی بۆ هەموولایەک هەبێت و هاوکاریەکیش بێت بۆکارەکانی داهاتووی نوسەر. درێژەی بابەت
