تاوانبارێکی تری هۆلۆکۆست ڕاپێچی دادگاکرا .
تاوانبارێکی تری هۆلۆکۆست ڕاپێچی دادگاکرا .
تاهیر رەحیم
هەرئەوەندەی دەرفەتیان بۆڕەخسابێ جووەکان، بەبێ دواکەوتن تۆمەتبارانی تاوانی هۆلۆلکۆستیان رادەستی دادگاکردووە،ئەوان لەتاوانی هۆڵۆکۆست خۆش نابن و هەتا ئێستاش بەردەوامن لە گەران بەدوای تاوانباران و گومانلێکراوانداو دادگایکردنی تاوانبارانی هۆڵۆکۆست *بووەتە یەکێک لەئەرکە سیاسی وئەخلاقیەکانیان .
لەم رۆژانەدا دیسان تاوانبارێکی تری کۆمەڵکوژی جووەکان کە بە هۆڵۆکۆست ناسراوە لە ئەڵمانیا لە شاری ( Neubrandenburg نۆی براند بۆرگ) گیراو راپێچی دادگاکرا.
هۆبەرت تسێت Hubert Zتەمن 95 ساڵ لەسەر عارەبانەی خاوەن پێداویستی تایبەتە، بەڵام ئەمە نەبووە هۆی ئەوەی جووەکان دەستبەرداری بن بەڵکو بەتۆمەتی ئەوەی کە لە سەربازگەی بەناوبانگی کۆمەڵکوژی جووەکان ئاوس شڤایتس/ بیرکناو Auschwitz-Birkenau وەک کارمەندی تەندرووستی بۆ ماوەیەک (مانگێک) لەوێ کاریکردووە، لەو ماوەیەدا ٣٦٨١ جوولەکەی تێداکوژرا.
لەدوای کۆتایی جەنگی جیهانی دووەم و کۆتایهاتنی دەسەڵاتی نازیەکان لە ئەڵمانیا جوولەکەکان بەردەوام تاوانباران راپێچی دادگاکان دەکەن ، راچاوی ئەوە ناکەن تاوانباران نەخۆش یان پیربن. لە هەر شوێنکێ ئەم دونیاییە بن راپێچی دادگای دەکەن،.
حەفتا ساڵ بەسەر تاوانی کۆمەڵکوژی جووەکان تێدەپەڕێت بەڵام جوولەکەکان ئەو تاوانە لەبیرناکەن ، دەوڵەتی ئەڵمانیا هەموو ساڵێک لە یادی کۆمەڵکوژی جووەکان داوای لێوردن دەکات و بەردەوامە لە قەربووکردنەوەی دەوڵەتی ئیسرائیل بە پێچوانەی کۆمەڵکوژیەکانی کورد وەک کۆمەڵکوژی بەرزانیەکان یان ئەنفال و کیمیاوبارانی هەڵبجە کە تاوەکو ئێستا هیچ وڵاتێکی عارەبی یان ئیسلامی داوای لێبوردنی لەگەلی کورد نەکردووە هەروەها کوردش نەک تاوانبارانی داواوە بە دادگا بەڵکو زۆربەی تاوانباران لە کوردستان دەحەسێنەوە یان کاتی دادگایکردنی هەندێک لە تاوانباران سەرکردە کوردەکان دەرمانیان بۆ تەها یاسین و عەلی حەسەن مەجید دەنارد. تەنانەت یەکێک لەو فرۆکەوانەی بەشداربوو لە بۆردومانکردنی هەڵبجە بەناوی تاریق رەمەزان لە گرتووخانەی سلێمانی ئازادکرا.
ئەمە یەکەم جار نییە جووەکان کەسانی پیر یان نەخۆش راپێچی دادگا دەکەن بەڵکو پێشترش تاوانبارێکی تری هۆلۆکۆست بەناوی جۆن دیمیانوک تەمەن 91 ساڵ لەنێوان خانەی پیران و دادگا لە 17/3/2012 گیانی دەرچوو
هتلر زیاتر لە شەش ملیۆن جوولەکەی بە شێوازی جۆراو جۆر کۆشت .
سەرچاوە/ ماڵپەڕی دێر شپیگل
http://www.spiegel.de/panorama/justiz/auschwitz-prozess-in-neubrandenburg-unwuerdiges-schauspiel-a-1111945.html
