بریندارێکی چەکی كیمیایی دۆڵی بالیسان کۆچی دوایی کرد
بریندارێکی چەکی كیمیایی دۆڵی بالیسان کۆچی دوایی کرد
ئەنفالستان : مام حسێن حمد شینكۆ، جوتیارێکی گوندی بالیسانی ناوچەی خۆشناوەتی بوو، هەرلەوێ لەدایک بووەولەوێش کۆچی دوایی کرد، یه‌كێك بوولە به‌ركه‌وتوانی ئەو چه‌كی كیمیاییەی کە ڕۆژی ١٦ی نیسانی ساڵی ١٩٨٧ لەلایەن فرۆکەکانی رژێمی بەعس هەردوگوندی شێخ وەسان و بالیسانیان بۆمبارانکرد. حسێن حەمەد شینکۆ بەر ئەوچەکە ژەهراویە کەوت .
سەرباری ئەوەی بریندار بوو، لەدوای کیمیابارانەکەی بالیسانەوە لەلایەن دائیرەی ئەمن وئاسایشی سلێمانیەوە بۆماوەی چەند مانگێک لەگەڵ عەلی مام شێخەو ئەسمەر شێخوەسانی لە دائیرەی ئاسایشی سلێمانی گیراوەو دواتر ئازاد بوون.
یەکێک بوو لە شایەتحاڵەکانی دۆسێی ئەنفال ودادگایی کردنی صدام ودارودەستەکەی، بەڵام لەبەرئەوەی نەخۆش بوو، نەیتوانی بچیتە بەغداو لەدادگا ئامادە بێت، کەچی لەبەرئەوەی لە کاتی شایەتیدانەکەیدا لە دادگا عەلی مام شێخە زۆر ناوی هێنا بوو صدام لەناو قەفەسی دادگا گومانی خستە سەرو داوای كردو گوتی: دەبێت ئەو پیاوە ئامادەبێت، لەبەرئەوە دادوەر (محەمەد عورێبی) بۆخۆی هات بۆ بالیسان و ئیفاده‌ی لێوەرگرت .
بەداخەوە ٢٨ ساڵی تەواو بەدەم ئازارو تەنگە نەفەسیەوە ناڵاندی ئەویش وەک زۆربەی بریندارانی چەکی کیمیایی گوندو ناوچەکەیان به‌رده‌وام به ئێش وئازارەوە رۆژگاری بەرێدەکرد، بەهۆی ئاڵودەبوونی سیەکانیەوە هەمیشە بەدەست ته‌نگه نه‌فه‌سییەوە ده‌یناڵاند بەداخەوە ماوه‌یه‌كی زۆرله سه‌رجیگه مایەوە . هەتا رۆژی ١٩/٩/٢٠١٦ کۆچی دوایی کرد.
مامۆستا هەندرێن بالیسانی لەبارەی کۆچکردووەوە دەڵێت : كه‌سێكی مه‌جلیس خۆش و به گفتوگۆ بوو بەڵام ئه‌م چه‌كه كوشنده‌یه هیزو توانای لێ بڕیبوو”
زانیاری زیاتر : برایەكی به ناوی عبدالله حمدو خوشکەزایەکی به ناوی ئیسماعیل ئەبووبەکر، براژنی بەناوی سەلما بەچەکی کیمیایی شه‌هید بوون و حلیمه حەسەنی خێزانیشی برینداری چەکی کیمیایی بوو، دوای چەند ساڵێک كوچی دوایی کرد” بەڵام هدلەی پلکی و ته‌های كوری هه‌دله ئەنفالكران مام قادری زاوای و بلكه خەجیجی خوشكی ئەوانیش بەركیمیایی كەوتن و بەبرینداری مردن.
مامۆستا هەندرێن بالیسانی دەڵێت : حسین حەمەد شینكۆ ئەرشیفێکی دەوڵەمەندی زانیاری بوو.
مامۆستا مەجروم بالیسانی خوشکەزای مام حوسێن شینکۆی کۆچکردووگلەیی لە رێکخراوەکانی کیمیاباران وئەنفال دەکات و دەڵێت : رێکخراوەکان کەمتەرخەم وبێباکن لەبەرانبەر دۆسێی شەهیدوبریندارەکانیان” گه‌ر هیچیان لەدەست نەهاتایە دەیانتوانی لەراگەیاندن گرنگیان پێبدایە هیچ نه بئ باله راگه یاندن گرنگی پێبدەن، دەشڵێت: ڕێکخراوی کیمیابارانی بالیسان تەنانەت یەک لافیتەشیان بەمام حوسێن حەمەد شێنکۆ ره‌وا نەبینی و تاقە قسەیەکیان نەبوو .
وێنەکە مام حسین بالیسانیە لە م. هەندرێن بالیسانی وەرگیراوە
بەناوی ماڵپەرو گۆڤاری ئەنفالستانەوە پرسەو سەرەخۆشی خۆمان ئاراستەی کەسوکاروخانەوادەی کۆچکردوو دەکەین بەهیواین دواکۆست وناخۆشیان بێت
