سه‌ردێره‌كان
- رەنگە ڕۆژێک بیابان ببێت بەگوڵزار …………………………….هۆمەر محەمەد
- لەمێژە لەم ڕۆژە ترساوم هۆمەر محەمەد
- في حضرة الفناء… الإبادة الجماعية منذ آلاف السنين وحتى اليوم! إعداد المحامية: رولا باش إمام
- دووەمین كۆنفرانسی “جینۆساید ڕەنگدانەوەی لە ئەدەب و هونەرومیدیادا” لەشاری سلێمانی بەڕێوەچوو.
- خەڵکی ئەنفال کردووەو بێباکانە لە بۆنەکاندا دەردەكەوێت. ……………زانا یادگار
دوێنێ (هاشم) لە کۆنفرانس بوو، بەڵام
دوێنێ (هاشم) لە کۆنفرانسی جینۆساید بوو، بەڵام !
عومەر محەمەد
MEDION Digital Camera
دوێنێ ٢٨/٨/٢٠١٦ کۆنفرانسی زانستی بەشی یاسای زانکۆی هەلەبجە بۆ جینۆساید بوو، هاوکات یادی کۆمەڵکوژی گوندی کورێمی بوو لە قۆناغی هەشتی ناوچەی بادینان، بەڵام کۆنفرانسەکە هیچ گرنگیان بەو یادە نەدابوو، چونکە لێی بێ ئاگابوون، بەڵام تەواو مایەی سەرسوڕمانم بوو دوای ئەوەی بەموداخەلەیەک ئاگادارم کردنەوە کە ئەمرۆ یادی تراژیدیای ئەو کۆمەڵکوژییەیەو دەربازبوویەکی ئەوتاوانە (بەناوی هاشم محەمەد ڕەشید) ئێستا لەهۆڵی کۆنفرانس ئامادەیە ! لیژنەی ئامادەکار هێندەیان پێ رەوا نەبینی بڵێن بەخێربێیت !!
من تەنها یەک پرسیارم هەیە ئەگەر هاشم دەربازبوویەکی تاوانی جینۆسایدی ئەرمەن یان هی هۆلۆکۆست بوایە پارێزگارو وەزیرو سەرۆکی زانکۆش بەرەوپیری نەدەچوون ؟
جێگەی ئاماژەیە کۆمەڵکوژی کورێمێ رۆژی ٢٨ی ئابی ساڵی ١٩٨٨ لەمیانەی ئەنفالی بادیناندا رویدا، دوای ئەوەی ژن وپیاویان لەیەکتر جیاکردەوە، ٣٣ پیاو کە ٩ کەسیان خەڵکی گوندی چەلکێ بوون درانە بەردەستدرێژی گوللەو ٢٧ کەسیان هەرلەجێدا گیانی لەدەستداو ٦ کەسیشیان بەبرینداری دەربازبوون یەکێک لەو شەش کەسە هاشم محەمەد رەشید بوو. لەبارەی ئەنفالی بادینان و چیرۆکی هاشمەوە کتێبێکم بەناوی هاشم نوسیوەو سەنتەری مارگرێت و دەزگای رۆشنبیری جەمال عیرفان ساڵی ٢٠١٢ چاپ وبڵاویان کردووەتەوە .
