٢٨/٨/٢٠١٦ یادی ٢٨ هەمین ساڵەی تاوانی ئەنفال وکۆمەڵکوژی کورێمێ
٢٨/٨/٢٠١٦ یادی ٢٨ هەمین ساڵەی تاوانی ئەنفال وکۆمەڵکوژی کورێمێ
ئەنفالستان – سلێمانی : دوێنێ ٢٨/٨/٢٠١٦ یادی ٢٨ ساڵەی تاوانی کۆمەڵکوژی گوندی کورێمێ بوو، کۆمەڵکوژی ئەم گوندە 
لەمیانەی ئەنفالی کۆتایی (قۆناغی هەشتەمی ئەنفالی بادینان) دا، ٣٣ پیاوی گوندەکە پاش ئەوەی خەڵکی هەردوو گوندی کورێمێ و چەلکێی ئیسلام، کاتژمێر ٨:٣٠ی بەیانی خۆیان رادەستی سوپا کرد، هەرلە جێدا دوو ئەفسەر پیاوەکانیان لە ژن ومنداڵ جیاکردەوەو بردیاننە نزماییەکی ٢٠٠ مەتری خوار گوندی کورێمی و بەفەرمانی ئەفسە
لەمیانەی ئەنفالی کۆتایی (قۆناغی هەشتەمی ئەنفالی بادینان) دا، ٣٣ پیاوی گوندەکە پاش ئەوەی خەڵکی هەردوو گوندی کورێمێ و چەلکێی ئیسلام، کاتژمێر ٨:٣٠ی بەیانی خۆیان رادەستی سوپا کرد، هەرلە جێدا دوو ئەفسەر پیاوەکانیان لە ژن ومنداڵ جیاکردەوەو بردیاننە نزماییەکی ٢٠٠ مەتری خوار گوندی کورێمی و بەفەرمانی ئەفسەرەکان کەناویان محەمەد وعەباس بوو، هەردوکیان ملازم بوون فەرمانیان بە ١٠ سەربازکرد کە لەبەرانبەر پیاوانی دەستگیرکراو ریزبن، دوای ئەوەی ئەفسەرێکیان بە هۆکی تۆکی قسەی لەگەڵ سەروی خۆی کرد، لەگەڵ داخستنەوەی پەیوەندیەکە فەرمانی کرد گوللە بارانیان بکەن . ئیدی گوللە داباری وتراژیدیای گوندی کورێمی چووە نێومێژوی خوێناوی ئەنفالەوە، هەرلەجێدا ٢٧ کەسیان کوژران و ٦ کەسیشیان بەبرینداری رزگاریان بوو، بەلام دواتر یەکێکیان دەستگیرکرایەوەو لەقەلای نزارکێ بەعسیەکان بە لێدان شەهیدیان کرد، تکایە بروانە لینکەکە بۆ زانیاری زیاتر لەمەر تاوانی ئەنفالی بادینان و کۆمەڵکوژی کورێمێ . http://www.anfalistan.com/?p=3226
جێگەی ئاماژەیە ئەم تاوانە یاخود کۆمەڵکوژی لەبادینان حاڵەتیکی جێگەی سەرنجە لەتاوانی ئەنفالدا، چونکە لەکۆی حەوت قۆناغی ئەنفالدا بادینان تاکە شوێن بوو کە کۆمەڵکوژی تێدە ئەنجام بدرێت، بەپێچەوانەوە لەقۆناغەکانی تردا خەڵکەکە کۆدەکرانەوەو پۆلێندەکران و دواتر دەبرانە خواروی عێراق و لەگۆری بەکۆمەڵدا گوللە بارانی دەکردن .
بەداخەوە یادی کۆمەڵکوژی کورێمێ و قوربانیەکانی هێشتا لەلایەن ناوەندی رۆشنبیری وسیاسی و مێدیایی جێگەی سەرنج و گرنگی پێدان نیە، هەربۆیە دوێنێ کە کۆنفرانسی زانستی زانکۆی هەلەبجە بۆ جینۆسایدیش سەرباری ئەوەی ناوەندێکی زانیستیە و سەرباری ئەوەی کە هاشم محەمەد رەشید لە کۆنفرانسەکەیاندە میوان بوو، کەچی بەیەک دێریش ئاماژەیان بەم کۆمەڵکوژییەی ئەنفال نەدابوو تەنانەت دوای ئەوەی کە لەمداخەلەیەکدا زانیاری ئەوەشیان پێدرا کە دەربازبوویەکی ئەو کۆمەڵکوژییە لێرەیە ئامادەیە هەر بێدەنگ مانەوەو تەنانەت بەخێرهاتنیشیان نەکرد. لەکاتێکدا کە ئاماژە بەدەروەستی جولەکە دەدرێت لەمەر تاوانی هۆلۆکۆست ئەگەر هاشم دەربازبوویەکی ئاوشفیتس بووایەو بچوایەتە بۆنەیەکی یادی هۆلۆکۆستەوە هەموو ئامادە بوان لەبەری هەڵدەستان و لیژنەی ئامادەکاری بۆنەکەش بانگیان دەکردە سەر مایک بۆئەوەی چیرۆکی خۆی بگێرێتەوە بەداخەوە لەهەڵەبجە ئەوە روی نەدا . وێنەی یەکەم : سێ کەس لە دربازبوانی کۆمەڵکوژی کورێمێ
وێنەی دووەم : شەهیدانی کۆمەڵکوژی کورێمێ
