نامەیەک لە مریەم باروتچیان بۆ هاوناز ئەحمەد
نامەیەک لە مریەم باروتچیان بۆ هاوناز ئەحمەد
ئەم نامەیەی مریەم لە تۆری کۆمەڵایەتی خۆی لەفەیسبوک بڵاوی کردووەتەوە، بەلام لەبەرئەوەی مریەم هێشتا ناتوانێت بە کوردییەکی رەوان بنوسێت بەرەزامەندی خۆی سەرلەنوێ چاپکراوەتەوەو هەندێک لە هەڵەکانی لەلایەن ماڵپەڕی ئەنفالستان ڕاستکراونەتەوە. تکایە بۆ بینینی نامەکەی مریەم کلیک لەم لینکە بکەن
https://www.facebook.com/hawnaz.kader.7#
دەقی نامەکەی مرییەم باروتچیان .
سڵاو دڵەکەم ، سەرتا ببورە کە ئەم یەک ساڵە ناوە نازدارەکەت بووە موڵکی من،تەنیا تۆ هاونازی کچی شەهید سەید ئەحمەدی. من دەزانم چەند وێران بووی کاتێک ناوی تۆیان بەمن بەخشی، بەڵام دەنگت دەرنەدەهات هاورێک بکەی و بڵێت : من تۆ نیم وبەس غەدر لەمن وتۆش دەکەن، خۆزگە من دەبوومە خۆراکی کیمیاباران و لەبری تۆ شەهید دەبووم بۆئەوەی ئەم دنیایە بەم هەموو سەختی و وێرانییەوە نەبینم.
من کە تەمەنم کەمتر بوو لەساڵێک نەزمانم لەدەمدا بوو،نە پێم گرتبوو، هەتا ڕابکەم، ئەوکاتە لەباوەشی دایکم وباوکم دابڕێندرام، هەرلەم تەمەنەدا بەبێ نازی کەوتمە وڵاتی غەریبەوە هەرچی سەختی ودژواری بوو بەسەرمداهات، هەتا تەمەنم بوو بەحەڤدە ساڵ ئینجا زانیم کوردم، لەباوەشی گەرمی نیشتمان دابڕاوم .
هاوناز، نازدارەکەم، جەرگم سووتا بۆ ئەوهەموو نازونازدارییەی تۆ،کە لە دوای کیمیاباران دووساڵ و نۆمانگیدا لەتاران لە ژێرخاکی غەریباندا وەک ومن خەوتی .
هاوناز چاوكال گيان؛ تۆ دەزانی دایکت چۆن دڵی هات کچێکی ئەسمەرو چاوڕەش دووساڵ و سێ مانگ بچوکتر لە تۆ بەهاوارو فرمێسک لەبەرچاوی خەڵک و کامێراکانی ڕاگەیاندن لەباوەش بگرێت و بڵێت : هاوناز گيان هاوناز گيان. نازه گيان؛ توخودا کوا پرسياربكات له خودا؟ كەتۆ نزيكی لەخودا، ئەم قەدەرە چی بوو کە بەرسەرمنیاندا هێنا..! ساڵێک بەرلە ئێستا وەکو ئەمرۆ ١٨/٨/٢٠١٥ بەڕای ئەوان من بووم بەتۆو بووم بەکچی دایکی تۆ نەک دایکی خۆم لەکاتێکدا کە دایکت لە چاوەڕوانی پشکنینی (D.N.A) بوو برا بچکۆلەکەت (نیاز گیان) بەڵام لەبری كاكە نياز کە لەکاتی كيمياباراندا تەمەنی تەنها دوومانگ بووەو ئەویش وونبووە ئەوکاتە من کرام بەتۆ.
هاوناز كچی نازدار؛ دە پێمبڵێ گللەیی لەکێ بکەم لە (صدام) یان لە رۆژگارو قەدەر یان لەدایکت یان لەو دکتۆرە بەرێزەی کە وەک خۆی دەڵێت : چوار مانگ خۆبەخشانە خەریکی دۆزینەوەی خانەوادەو بنەماڵەی راستەقینەی من بووە، بەڵام ..!!)
هاوناز فريشته نازدارەکەی هەڵەبجە ئەمڕۆ کە بوو بەیەکساڵ من کرام بەتۆو کەچی تۆش نیم ! ئەم هەموو چاوەڕوانیە بۆچی و هەتا کەی ؟ خودا دەزانێ ئەمجارە ناوی کام پەپولەی هەڵەبجەم لێدەنێن و جارێکی تر لێم دەستێننەوەو جارێکی تر زیندووم دەکەنەوەو دەم مرێننەوە ؟ دەزانی من لەو ڕۆژەوە مردووم کە دایکت بەمنی گووت تۆ تاقانەیت وکەست نەماوە، دایکت پێی گوتم نەمن دایکتم و نەتۆش هاونازی بۆیە من جارێکی تر لەناو وڵاتی خۆم ونبوومەوە. بەڵام من ئێستاش کەسوکاری تۆ بەکەسوکاری خۆم دەزانم و ئەوانیش من بەهاونازە نازدارەکە دەزانن.
ئاخر ئازیز گیان، چۆن پشکنینی ( D.N.A) لە ٦٥/٩٩ من دەکات بەتۆ ؟ ئیتر سکاڵای من وتۆ دوای ٢٨ ساڵ نەهامەتی وژیانێکی سەخت و پڕلەچاوەڕوانی و حەسرەت وگەڕانەوەم بۆ باوەشی نیشتمانی دایک وباوکم لەلای خوای گەورە دەکەم، خۆم دەدەمەوە دەستی ئیلاهی .. چاوەکەم نازی گیان ببورە زمانی کوردەیەکەم باش نیە، ئاخر من بە نۆ مانگ فێری زمانی نەتەوەییم بووم .
١٨/٨/٢٠١٦
