سهردێرهكان
ئەنفالو ئەتەكیەتی وۆرك شۆپەكان……….. عومەر محەمەد
ئەنفالو ئەتەكیەتی وۆرك شۆپەكان.
عومەرمحەمەد
دوای 20ساڵ لەتاوانی ئەنفال خەریكە ئەنفالناسوخەمخۆری تازەی ئەنفال پەیدا دەبێ، هەڵبەت ئەمە لەلایەك مایەی دڵخۆشییەو لەلایەكی تریش مەترسیدار، مایەی دڵخۆشییە كە كورد بەنیازە لەتاوانە جینۆسایدیەكان بێدەنگ نەبێت، كە دەشسێت ئایندەی خۆی لەسەربنیات بنێتەوە، جێگەی مەترسیشە چونكە هەرئەوانەن هاتوونەتە پێشەوە كە 19ساڵە كەسوكاری ئەنفالەكان بەمرۆڤ نازانن..بەتەنیشت ئەنفالچیەكانەوە خەریكی پاساو هێنانەوەوخۆدەوڵمەندكردن بوون، تازە بەتازە بەپاشخانێكی نامەعریفیودەستی بەتاڵەوە هاتوونەپێشەوەو قسەی عەنتیكە لەسەرجینۆسایددەكەن. ئەوەش بالەولاوە بوەستێ كە هەركەسەو بەنەغمەیەك دەخوێنیو بێخەم لەحاڵی كەسوكاری ئەنفالكراوان، سەری بەئاوازی خۆی گەرمە.
كەم نین ئەو “ئەنفال”ناسانەی بەسەر ئەنفالەوە خەریكی بەرژەوەندی تایبەتی خۆیاننو كەسوكاری ئەنفالیش بەپێشچاویانەوە نامۆترین مەخلوقی سەروەختی دیموكارسیومافی مرۆڤن.
هەندێك لەئەنفالناسەكان! بەتایبەتی ئەوانەی شینیان بۆهەڵلوشینی مینحەیە، یان ئەوانەی لەبڵندگۆكانی دەسەڵاتەوە دەخوێننو قسەی حازربەدەستولەقوتونراو نەبێت، هەگبەیان بەتاڵە، لەهۆتیلە ڕاقیەكاندا نەبێت قایل نین قسەلەكێشەكانی ئەو مرۆڤ گەلە مەزلمَومە بكەن كەبەپاشماوەی ئەنفال ناودەبرێن.
بەڵێ.. ئەوجۆرە خەمخۆرانە هەتا ئاوی مەعدەنی لەبەردەمیاندا نەبێتو لەچێشتخانە گرانبەهاكان، كۆبوونەوەیان بۆسازنەكرێوبانگهێشتی سەرخوانی “بۆفیە”([1]) نەكرێن، ئیلهامی قسەكردنیان نیە، ئەگەرنا ووشەیان لەزمان ناگەڕیو هەشبێ لەگیانەڵادایەو هەرلەكۆبوونەوەكاندا مرداردەبنەوە، بەومەرجەنەبێت لەبارەی ئەنفالەوە مەیلی قسەكردنیان سازنییە، ئەوان ئاوا كاردەكەن ئینجاخوای دەكرد هەموو پیرەمێردو پیرەژنەكانی گەرمیانوبادینان، بەدەردی (میمكە فاتمومام والی)([2]) دەچونو لەتینوان دەخنكان، یان وەكو نەخۆشە هەڵەبجەییەكان كیمیایی جەستەی هەلا هەلادەكرنو لەپەراوێزی غەڵبەغەڵی مافی مرۆڤدا ڕۆحیان دەردەچوو..گرنگ ئەوەیە لەو كۆڕو” وۆرك شۆپ”انەدا جۆرە قسەیەك نەكرێت دڵیان برەنجێوئەونازونیعمەتەیان لێتێكبدات!!
ئەمەیە ئەونامۆبوونەی لەمرۆڤ بوون دەمانخاتە گومانەوەولەبەردەمی پرسیارێكی ئەخلاقی گەورەدا رامان دەگرێت، داخوا ئێمە هەین یان دەشێت ببین؟!
چۆن هەست بەنامۆبوون نەكەین؟ چما قوربانیەكانی ئەنفالوكیمیاباران، ئەو ئینسانانەی هەتا ئەمرۆش بەئاستەم هەناسە دەدەن ئاوهەیە بیخۆنەوە؟ تائێمە بەدەم باوێشكدانو هەڵقوڕاندنی ئاوی كەللە تەزێنی گرانبەهای ناوئەو هۆتیلو چێشتخانانەوە قسە لەپاككردنەوەی ئاوی خواردنەوەیان بكەین، چماژیانوگوزەرانیان هەیە هەتا بیر لەچاككردنی بكەینەوە؟! لەوەش خراپترئەتەكییەتی ئەو كۆبوونەوانە دەبێتە هەواڵی سەرشاشەی تەلەفزیونەكانو تڕومنەتیشیان بەسەردادەكرێت، بێئەوەی هیچ گرفتێكیان چارەسەربكرێت.
تۆبڵێی قوربانیان ئەدرەسی هیچكام لەوبەڕێزانە پێبزانن؟ ئاخۆ هیچ رێگایەك دەیانباتەوە سەرئەوهۆتێلەڕاقیانە، كە بەتێروتەسەلی قسە لەبرسێتی ئەوانی تێدادەكرێت؟ نازانم خەمو دەردونەخۆشی گەرمیانیەكانو هەڵەبجەییەكان لەكوێو ئەتەكییەتوخەیاڵی ئەنفالناسەكانی كورد لەكوێ؟ چما من غەشیمم یان دەبێت هەرلەوهۆتێلە باڵابەرزانەدا قسە لەمرۆڤەكانی ناو ئەو” ووشكە كەڵەك”ە كورتە باڵایانە بكرێت، كە بەناهەق ناوی خانویان لێنراوەو ئەومەخلوقانە بەناهەموارترین شێوە تێیدا دەژین ؟!!
[1] ئەو ژەمە خواردنە هەمە جۆرەیە كە لەهووتیلوچێشتخانە گرانبەهاكاندا ئامادەكراوەو میوان ئازادە هەرچی دڵیدەخوازێتو هەرچەندی دەتوانێ بەدەستی خۆی بیباتە سەرمێزەكەیونۆشی بكات.
[2] مام والی مامەلیو میمكە فاتم خوشكوبرایەكی پیروپەككەوتەی هەژاریگوندی قەلاچەرمەلەبوون دوای گەرانەوەیان لەنوگرە سەلمان لەئۆردوگای رزگاری پێكەوەدەژیانودواتری پێكەوە مردن
