سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
پێشمەرگایەتی دوای ئەنفال – تاهیر ڕەحیم
پێشمەرگایەتی دوای ئەنفال
تاهیر رەحیم
كورد یەكێكە لەو نەتەوانەیە كە زۆرترین كارەساتی بەسەردا هاتووە، كۆمەڵكوژی. جەنگ. داگیركردن، گوێزانەوە، بەرامبەر بەمەش مێژووییەكی پرشنگداری هەیە لە بەرگریكردن لە پێناوی مانەوە. لەهەمانكاتدا یەكێكە لەو نەتەوانەی مێژووی خۆی بەتەواوی نەنووسیوە. تەنانەت زۆربەی ئەوانەی مێژووی كوردیان نووسیوە كورد نەبوون، بەڵكوو رۆژهەڵاتناسە بێگانەکانن لە روانگەی خۆیان‌و بەپێ تێگەیشتن‌و هەندێك بەرژەوەندی و ئاراستەی جیاوازەوە ئەو مێژووییان گێڕاوەتەوە.
هەڵبەت ئەوە بەو مانا نیە تا هەنووكە هیچ نەكرابێت، بەڵام پێویستە وەك كورد كاری زیاتر بۆ ناساندنی مێژووی پڕ لە كارەسات‌و خەبات‌وتێكۆشانمان بەشێوەی نوسراوە بكرێت.
كتێبی( گۆشەی پێشمەرگە پارتیزانیەكانی 93) شاعیرو هونەرمەند دڵشاد تاقانە نووسیویەتی یەکێک لەو هەوڵانەیە بۆ پڕكردنەوەی کونجێک لە ئاراستەیەكی تایبەتی ئەو مێژووە، كە وەك بۆشایەك ئێستاكە دیارە. گێڕانەوەیەكە لەرۆژە سەختەكان، جەنگ‌و بەرخۆدان لەپێناو مانەوەی هەمیشەیی.
مرۆڤ دوای ئەوەی لە كات و شوێنێكدا ژیانی بەسەر بردبێت، جا ئەو ژیانەش سەختی و ئازایەتی پێشمەرگایەتی بێت زۆر هیوا دەخوازێت جارێكی تر وەك چۆن منداڵێك چەند گەورەبێت تامەزرۆی ئەوە دەكات بگەڕێتەوە باوشی دایكی، بەهەمان شێوەش مرۆڤی کورد لەهەر شوێنێكی ئەم دونیاییە بێت حەزدەكات بۆچەند كاتژمێرێكش بێت سەردانی ئەو چیاو دۆڵ و نشێو، ئەشكەوت‌و جۆگەو رەزانە بكات كە پێشمەرگایەتی تێدا كردووە یان تێیدا ژیاوە.
بۆ كورتكردنەوەی رێگا تەنیا ئەوەندە بەسە كتێبی ( گۆشەی پێشمەرگە پارتیزانیەكانی 93) بخوێنیتەوە.
ئ
ەم كتێبە باس لە مێژووی ناوچەیەكی دیاریكراو دەكات ئەویش: دەشتی كۆییە، بنارەکانی هەیبەت سوڵتان،باواجی، کۆسرەت، بتوێن، دۆڵە رەقە و بناری قەندیل. بۆ ئەوەی خوێنەر زیاتر ئاوێتەی رووداوەكان بێت نووسەر بە زاراوەی ئەو ناوچەیە نووسیوێتی كە خەرمانێك لە وشەو دەستەواژەو شێوە دیالیكت‌و و زارەوەی ئەو ناوچەیەمان پێشان دەدات.
ئەم كتێبە بە شێوەی راپۆرتە رۆمان نووسراوە. لە هەندێك شوێن وەك لەبەشی ( سەری كۆسرەت) بە شێوەی پەخشانە شیعر نووسراوە.
هەروەها نووسەر كۆمەڵێك دەستەواژەی ئامرازەكانی شۆڕش و پێشمەرگایەتی بە نەوەی نوێ ئاشنا دەكات .
ئەم كتێبە باس لە سەختی ژیان و خەباتی ئەو پێشمەرگانە دەكات لە دوای پرۆسەی ئەنفال لەو شوێنانەدا بە شێوەی پارتیزانی ماوەنەتەوە. باس لە بارە دەرونییەكانی پێشمەرگە دەكات كە لە ناوچەیەكی وێرانكراوی بێ نان و ئاو ، لەناو ئەشكەوت و قامیشەڵان و زلكاو نزیك لە سوپاو جاش شەو و رۆژیانكردووەتەوە. ئەوەی گرنگە لێرەدا بوترێت، ئەم کتێبە دەکرێت بۆ دراما یان فلمێکدا بەکاربهێنرێت.
