سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
کۆبانێ و هەڵەبجە- عومەر محەمەد
کۆبانێ و هەڵەبجە
عومەرمحەمە – ٣١ /١/٢٠١٥ سلێمانی
ئەوکاتەی شاری هەڵەبجە گازبارانکرا، حکومەتی بەعس هەم وەک جەنگێکی سایکۆلۆژی لەگەڵ کوردو بەتایبەتیش لەگەڵ هەڵەبجەییەکان، هەڵەبجەیەکی تر یاخود (کۆمەڵگایەک)ی تری لەدەشتی شارەزوور بەناوی (حلبجە صدامیە) دروستکرد وناوی هەڵەبجەی سەدامی لێنا، هاوکات خەڵکیش وەک پەرچەکردار پێیان دەگوت هەڵەبجەی تازە. بێگومان رژێمی سەدام ئامانجێکی تریشی هەبوو، دەیویست تاوانەکە بە پشتیوانی ئەمریکا بخاتە ئەستۆی ئیران، بەلای کەمەوە تەمومژبخاتە سەرتاوانی گازبارانی هەڵەبجەو بەکۆمەڵگای نێودەوڵەتی بڵێت: ئەوە من نیم گازبارانی هەڵەبجەم کردووە ئەوەتا من شارێکی ترم وەک تەحەدایەک لەدەشتی شارەزوور بۆ هەڵەبجەییەکان دروستکردووەتەوە .
پێویستە ئێمە پەند لەرابوردوو وەربگرین، ساڵی ١٩٩١ دوای راپەرین سەرباری هەلومەرجی خراپی کوردستان و گەمارۆی ئابوری وماڵوێرانی خەڵک ئەوعەقڵیەتەش ئامادە نەبوو هەتا هەڵەبجە وەک سەرمایەکی رەمزی وەک دەکۆمێنت وشارێکی مێژوویی بهێڵینەوەو هەربەتەنیشت هەڵەبجەی شەهیدان و خانووە روخاوەکانی هەڵەبجەوە هەڵەبجەیەکی تازە دروست بکەینەوە، لەبری هەڵەبجەی شەهید ناوی (هەڵەبجەی نەمر یان هەڵەبجەی خۆراگری و..هتد )ی لێ بنێنین . وهەڵەبجەی تازەش بروخێندرێ وخەڵکەکەی بچنەوە زێدی خۆیان . ئەفسوس نەک هەر ئەوە نەکرا بەڵکو ئێستا هەلەبجە سەدامیە فراوانتر کراوە تەنها گۆرانکارییەک لێکردنەوەی ناوی سەدامی دکتاتۆرەو هەڵەبجەی شەهیدانیش لەسەر خانووەکۆنەکان بەدیزاینێک دروستکراونەتەوە کە هیچ سیمایەکی هەلەبجەی کۆنی پێوە نەماوە .
دەشیت ئەمرۆ ئیتر بۆ کۆبانی خەیاڵمان فراوانتربێت، هەمان ئەوەی لەهەڵەبجە کردمان دوبارەی نەکەینەوە، راستە ئێستا کۆبانێ لەپایتەختی هەموو وڵاتان سەربڵندترو بەکردەوەش خۆراگرترە، دڵنیام زۆر پایتەختی پۆشتەی وڵاتان ئێرەیی بەناوبانگ وخۆڕاگری کۆبانێ دەبەن، بەڵام کۆبانێ لە سەرزەمینەی واقع جگە لەشارێکی وێران و خانوی داروخاو بەبۆمبەکانی داعش شتێکی ترنیە.
پێویستە ئیتر کاربۆ بنیاتنانەوەی کۆبانێ بکەین کۆبانێ نەک وەک خانوو جادەو بان بەڵکو لەگەڵ ئەوەشدا وەک سیاسەت و رەمزی شکاندنی تیرۆرو درندەترین هێزی تیرۆرستی . بەڵام بنیاتنانەوەیەک لەسەرهەمان بناغەی خانووەکۆنەکان نا بەڵکو بەتەنیشت کۆبانێی قارەمانەوە (هەلبەت ئەوەندەی لەتواندایەو من شارەزای جوگرافیای شارەکە نیم) .
بەلای کەمەوە پێویستە بەچاوێکی ترەوەو بەبایەخەوە سەیری بنیاتنانەوەی کۆبانێ بکەین بێگومان نەک وەک شارێکی لێقەوماو بەڵکو وەک شارێکی خۆراگر کە نەک هەر چۆکی بۆ تیرۆر دانەدا بەڵکو ترس وسامی تیرۆرستانیشی شکاند.
١/٢/٢٠١٥ لەماڵپەری شارپرێس وجینۆسایدکورد بلاوکراوەتەوە
