سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ئازارەکانی ئەنفال لە یاداشتەکانی شێخ عەتا تاڵەبانی قیژەو هاواری منداڵان
ئازارەکانی ئەنفال
لە یاداشتەکانی شێخ عەتا تاڵەبانی قیژەو هاواری منداڵان
شێخ عەتا تاڵەبانی
وەرگێڕانی لە عەرەبییەوە ئاسۆ بیارەیی
ڕۆژیكیان لە فەرمانگە بووم، گوێم لە گریەو هاواری منداڵان بوو کە لە لە ناو تەلاری قائماقامیەت و داداگاوە دەهات(کفری)، گریەو هاوارەکان بەردەوام بوون، لەبەر ئەوە فەڕاشی فەرمانگەکەم نارد تا سۆراخێ بکا. هێندەی پێ نەچوو هاتەوە و ووتی خێزانێک لەوێیە و بریاری ئەوەیان پێدراوە کە دەبێ دەستبەسەر بکرێن و بۆ باقوبە بگوازرێنەوە و دوو زارۆکیان ، کچ و کوڕێکیان هەیە. هه‌ردوو منداڵەکە توند کراس و جلەکانی باوک و دایکیان گرتووە وپۆلیسەکانیش دەیانەوێت بە تۆپزی لێکیان بکەنەوە، پارێزگاریش (محمد حمدان) لەوێیە. چووم بۆ دەرگای سەرەکی فەرمانگەکە تاکو ئەگەر بۆم بکرێ کارێک بکەم، لەو کاتەدا پارێزگار محمد حمدان لە دەرگا سەرەکییەوە هاتە دەرەوە. پێم ووت: خوا قەوتت بدا ئەبو جاسم. ووتی: ئەهلا یا شێخ. پرسیم: ئەو هاوارە چیە؟ ووتی: نازانم کوردەکان چییان دەوێت؟ ئۆتۆنۆمیمان بۆ چێکردن و سنوورمان بۆ دیاری کردن، لەبری ئەوە ڕادەبن ودۆخی جێگیر تێک دەدەن. ووتم: ئایا ئەوە چارەسەرە؟ ئایا جیاکردنەوەی منداڵان لە دایکوباوبابیان چارەسەری کێشەکەدەکا؟ ئایا کەسانی ژیرمان تیا نیە کە بتوانن بە دانیشن کێشەکانی نێوانیان چارەسەر بکەن؟ ئایا باوباپیرانمان ئەو شێوازە چارەسەریان تاقی نەکردوەتەو؟ سەرکەوتووتنیان بەدەستهێنا؟ کێشە سیاسیەکان لەگەڵ نەتەوەگەلێک سەلماندیان کە بە ڕێگەی زۆر و تیرور چارەسەر ناکرێن. کە گوێی لە هاوارو گریەی منداڵەکان بوو چاوەکانی پڕفرمێسک بووبوون و ووتی: وەڵلا یا شیخ هیچ ناتوانم بکەم، دواجار ئۆتۆمبێلەکەی لێخوری و دیار نەما. دواجار بۆم دەرکەوت کە ئەوە خێزانی محمد شاکلی بوو و تاماوەیەک کە وێستگەیەکی پۆلیس دەستبەسەربوو و دواتر ئازاد کرا. سەرچاوە سەرچاوە شیخ عطا طالبانی(١٩٢٥- ٢٠٠٠): ذکریات ایام النضال في کوردستان. ٢٠١٠ چاپخانەی ئارا: باشووری کوردستان. سلێمانی. لاپەڕە .٤١٨
