کۆڕبەندی هەڵەبجە بۆ مناڵە ونبووەکانی هەڵەبجە
کۆڕبەندی هەڵەبجە بۆ مناڵە ونبووەکانی هەڵەبجە
ئەنفالستان- هەڵەبجە : لە ساڵڕۆژی جیهانی منالانی ونبوودا لە ڕێکەوتی 25/5/2016 یەکەم کۆڕبەند ی مناڵە ونبووەکانی تاوانی کیمیابارانی هەڵەبجە لە پارێزگای هەلەبجە بەرێخرا ئەم کۆڕبەندە لەلایەن زانکۆی ئەمریکی و زانکۆی هەڵەبجە و ڕێکخراوەکانی هەڵەبجە ،لەژیر دروشمی ” بەگەرانەوەی ونبووەکان بەشێک لەزامەکانمان ساڕێژ دەبێت بەرێوەچوو ” .
کۆڕبەندەکە لە چوار دیبەیت پێک هاتبوو، لەکات ژمێر ١٠ی سەر لە بەیانی دەستی پێ کرد،کاتژمێر ٥ ئێوارە کۆتایی بەکارەکانی هێنا.
سەرەتا پارێزگاری هەڵەبجە وتارێکی پێشکەش کردودواتر لیژنەی ئامادەکاری کۆڕبەندو کۆمەلەی قوربانیان وتاریان خوێندەوە ئینجا دیبەیتەکان پێشکەشکران .
یەکەمین بەشی کۆڕبەندەکە لەژێر ناوی (ئازاری ونبووەکان لەزاری خۆیانەوە ) بەرێوەچوو . کە بریتی بوون لە م بەرێزانە ( زمناکۆ هەلەبجەیی، مریەم – هاوناز – چیا کە 3 مناڵی ونبوی هەلەبجە گەراونەتەوە بۆ ناو کەسوکاریان بەسەرهاتی خۆیان گێرایەوە.
کۆڕبەندی دوەم بەناونیشانی ( ڕێگا بەرەو دۆزینەوەی مناڵە ونبووەکان ) بۆ هەریەک لە ( دکتۆر فەرهاد بەرزنجی /مامۆستای زانکۆ وپسپۆڕی بواری DNA ،تریڤۆر ولیەم نوینەری ونبووانی نێو دەولەتی ICMP ،عەلی عوسمان سەرۆکی لیژنەی مناڵە ونبووەکانی هەلەبجە، فاروق زەوارە بەرپرسی مانگی سوری شاری پاوە لە کاتی کیمیابارانی هەلەبجەدا )
هەرلەمیانەی کۆڕبەندەکەدا باخچەیەک بەناوی “باخچەی پەپولە ونبووەکان ” لەگەرەکی کیمیابارانی شاری هەلەبجەی شەهیدان کرایەوە .
کۆڕبەندی سێەم: لەژێر ناونیشانی ( گرفتە یاساییەکانی ونبووان ) بۆ هەریەک لە ( د. فەرهاد حاتەم داواکاری گشتی و پسپۆڕی یاسا لەبواری جینۆساید، مامۆستا ئاوارە حسین پسپۆڕ لەبواری جینۆساید- مامۆستا لە زانکۆی هەڵەبجە، فاروق حمە توفیق عارف دادنوسی یەکەم لەهەڵەبجە)
کۆڕبەندی چوارەم لە ژێر ناونیشانی ( بەهاناوە چونی بێ سەرو شوێنکراوەکان لە گوفتارەوە بۆ کردار بۆ بەڕێزان ” بۆ هەریەک لە بەرێزان تەها سڵێمان سەرۆکی دەزگای لێکۆڵینەوەی بۆ جینۆساید و ئەنفال، عەدالەت عومەر نوسەرو لێکۆڵەر لە بواری جینۆساید و ئەنفال، عومەر محەمەد سەرنوسەری ساڵنامەی ئەنفال، مامۆستا محەمەد حمەساڵح توفیق نوسەرو لێکۆڵەر لەبواری جینۆساید و ئەنفال . بەرێوەچوون .
جێگەی ئاماژەیە لە میانەی هەریەک لەم کۆربەندانەشدا گفتوگۆ وسەرنج و تیبینی ئامادەبووان هەبوون .
دوا بەش وکۆتایی کۆربەندەکش بریتی بوو لە راسپاردەکان کە لەلایەن د. سەروەر عەبدولرەحمان خوێنرانەوە .
