سهردێرهكان
گوندی جەلەمۆرد، پار قوتابخانەکەیان وئەمساڵیش نەخۆشخانەکەیان داخران
گوندی جەلەمۆرد لەبناری خاڵخاڵان کە زۆرترین قوربانی داوە، لەبری خزمەتکردنیان زۆر پشتگوێ خراون، بەداخەوە ساڵی پار قوتابخانەکەیان و ئەمساڵیش خەستەخانەکەیان داخرا، لەبەرانبەردا خەڵکی گوندەکە یاداشتێک بڵاودەکەنەوە .کەوێنەیەکی گەیشتووتە ئەنفالستان و داوادەکەن هاوکاری بکرێن .
دەقی سکاڵاکەی گوندی جەلەمۆرد
بەریز/باریزگاری سلێمانی
بەریز/بەرێوەبەری گشتی تەندروستی سلێمانی
بەریز/قایم قامی قەزای چەمچەماڵ
ئەم وینانەی دەیانخەینە روو لێتانەوە دیارە،هی بنكەی تەندروستی شەهید ستارم، گوندی جەلەمۆرد، ئەوگوندەی بەهەڵەبجەی دووەم ناسراوه، لەبەرئەوەی خاوەنی زۆرترین کەسی ئەنفالکراوە لەسەر ئاستی كوردستان، بەڵام بەداخەوه حكومەتی هەرێم بی ئاگالەوەی كە بۆماوەیەكی زۆره ئەم بنكه تەندروستیه بی دكتۆر و بێ پەرستاره، ئەوە سەرەڕای خەڵكی گوندەكه دانیشتوانی چەند گوندیكی تریدەوروبەری سەردانی ئەم بنكه تەندروستیه دەکەن بۆ چارەسەر، پرسیارەکە ئەوەیه ئاوها خزمەتی كەسوكاری ئەنفال دەكەن!؟ لەكاتێكدا ئەمه بچوكترین خزمەت و مافی سەرەتایی هەر ئاوەدانی وخەڵکی کوردستانە جا شەهیدو ئەنفالی هەبێت یان نا، بەلام جەلەمۆردو گوندەکانی دەوروبەری زۆرترین رێژەی ئەنفالکراوو شەهیدیان بۆ ئازادی 
بەخشیوە .
لەمیانەی پرۆسەکانی ئەنفالدا کەساڵی ١٩٨٨ رژێمی بەعس دژ بەگوندنشینەکانی کوردستان کردی لە رۆژی ١١مانگی ئایاری ئەوساڵەدا خەلکی گوندی جەلەمۆرد بەرپەلاماری ئەنفالکەوتن و ٤٧١ کەسیان ئەنفالکران
