سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
سبەی ١٤/٤/٢٠١٦ یادی ئەنفال ناکرێتەوە
سبەی ١٤/٤/٢٠١٦ یادی ئەنفال ناکرێتەوە .
ئەنفالستان – سلێمانی : وەزارەتی کاروباری شەهیدان وئەنفالکراوانی حکومەتی هەرێمی کوردستان ویەکەی کارگێڕی قەزای چەمچەماڵ، ئامادەکارییان کردبوو کە ڕۆژی ١٤|٤\٢٠١٦ یادی قوربانیانی ئەنفال،لە مۆنۆمێنتی ئەنفال لە شاری چەمچەماڵ بکەن
ەوە! بەڵام لەژێر هەرەشەی کەسوکاری شەهیدان و ئەنفالکراوان ولەبەرانبەر پێنەدانی موچەکانیاندا، یادەکە ناکەنەوە بەپێی قسەی پەرلەمانتار د.شێرکۆ سەرباری داهاتی بەردەستیش،کە لەسایتی وەزارەتی سامانە سروشتییەکان بڵاوکراوەتەوە،کەچی موچەی مانگی شوباتی ٢٠١٦ کەسوکاری شەهیدان و ئەنفالکراوانی دابەشنەکراوە.
کەمێک لەمەوبەر رێکخراوەکانی تایبەت بە ئەنفال لە کۆبوونەوەیان لەگەڵ ئیدارە و ئەندامانی پەرلەمان و ئەنجومەنی پارێزگا بڕیاریاندا یادی ئەنفال نه‌كرێته‌وه‌و راگەیەندراوێکیان بڵاوکردەوە و تیایدا هاتووە “بەهۆی پشتگوێخستنی داواکاری کەسوکاری شەهیدان و ئەنفالکراوان بڕیاردرا هیچ جۆرە مەراسیمێک بەهۆی یادی ئەنفالەوە لە چەمچەماڵ بەڕێوەنەچێت و دەرگای مۆنۆمێنت دابخرێت لەو رۆژەدا.”شێرزاد حه‌سه‌ن ئه‌ندامی بۆردی رێكخراوی عه‌رعه‌ر به(تۆری میدیایی رووداو)ی راگه‌یاندووە: “رێكخراوه‌كانی عه‌رعه‌ر، ژیانه‌وه، سه‌ڵباتوو، دۆز، چاك ، سپی ، شه‌هید سیروان تاڵه‌بانی و ئه‌مه‌ك و نوێنه‌رانی ئه‌نجوومه‌نی پارێزگای سلێمانی و نوێنه‌رانی په‌رله‌مانی كوردستان له مۆنۆمێنتی ئه‌نفال له چه‌مچه‌ماڵ كۆبوونه‌وه‌و بڕیاریاندا هیچ مه‌راسیمێك به‌بۆنه‌ی یادی ئه‌نفاله‌وه له رۆژی 14-4 نه‌كرێته‌وه و ده‌رگای مۆنۆمێنتەکەش دابخه‌ن”. بەثێی زانیارییەکانی ئەنفالستان بە کۆدەنگی رێکخراوەکان و ئیدارەو ئەندامانی پەرلەمان و ئەنجومەنی پارێزگا بڕیاردرا یادەکە نەکرێتەوە .
ئامانج محەمەد، قائیمقامی چەمچەمچەماڵ بە ماڵپەری خەندانی راگەیاند “ئەگەرچی هەموو ئامادەکارییەکان تەواوکرابوو بۆ کردنەوەی یادی ئەنفال، بەڵام لەسەر داوای کەسوکاری ئەنفالکراوان و رێکخراوەکان و نوێنەری چەمچەماڵ لە پەرلەمان و ئەنجومەنی پارێزگا بڕیاردرا یادەکە نەکرێتەوە لەبەرامبەر دواکەوتنی مووچەی کەسوکاری ئەنفالکراوان بۆ ماوەی چەند مانگێک و پێشتریش بڕانی ١٥٠ هەزار دینار لە مووچەکانیان .”
وتیشی: “داوا لە حکومەتی هەرێم و وەزارەتی شەهیدان و وەزارەتی دارایی دەکەین کاری جدی بکەن بەمەبەستی پێدانی مووچەی کەسوکاری شەهیدان.” بەپێی زانیاریی ئەنفالستان وەزیری کاروباری شەهیدان وئەنفالکراوان،لە هەوڵی بەردەوام دابوو،بۆئەوەی بەرلە رۆژی یادکردنەوەی ئەنفال موچەی شەهیدان وئەنفالکراوان دەستەبەر بکات، بەڵام سەرکەوتوو نەبوو . لەلایەکی تریشەوە ڕون نیە کەوا لیژنەی باڵای مەراسیم لەژێر فشاروهەڕەشەی کەسوکاری شەهیدان وئەنفالکراواندا یادەکە ناکەنەوە یان لەسەرداوای ڕێکخراوەکان .
بڕیاربوو سبەی ١٤ی نیسان یادی ٢٨ ساڵەی مەرگەساتی ئەنفال لە مۆنۆمێنتی ئەنفال لە چەمچەماڵ بکرێتەوە. بەڵام یادەکە ناکارێتەوەو بەهۆیەوە کۆچەر عەرەب سەعیدیش کە بریار بوو پێشانگایەکی جلوبەرگی ئەنفالکراوان نمایش بکات داوای لێبوردنی بلاوکردەوە کە پێشانگاکەی ناکرێتەوە .
