سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
بریندارێکی تری چەکی کیمیایی گیانی لەدەستدا .
بریندارێکی تری چەکی کیمیایی گیانی لەدەستدا .
مستەفا قادر ئیسماعیل، لە دایكبووی ساڵی١٩٧١و بریندارێکی بۆمبارانی کیمیایی ئەمرۆ گیانی لەدەستدا. ئێوارەی ٣ی ئایاری ساڵی (١٩٨٨)ی گوندی گۆپتەپەیە، بەجەکی کیمیایی پەلاماردراو هەر ئەو ئێوارەیە ١٠ كەس لە خانەوادەكەی بەگازی بەعسیان گیانیان لەدەستداو خۆشی بەسەختی برینداربوو. كەسە نزیكەكانی بریتی بوون لە(٣) براو (٥) خوشك ودایكی‌و نەنكی، هەمان ئێوارە ماڵی مامیشی هەموویان بە چەكی كیمیایی گیانیان لەدەستدا، مستەفاو پیرەمێردی باوکی و برایەکی بچوکی بەبێ كەسی مانەوە، براکەی لەدوای کیمیابارانەوە ڕۆیشتو بووە شوانی شێخە عەرەبەکانی ناوەراست وهەتا ئێستا لەوێ نیشتەجیەو دەتوانین بڵێن ناسنامەی نەتەوەیی لەدەستداو بووبە عەرەب لە دوای كیمیابارانەكەی ئێوارەی ٣ی ئایاری ١٩٨٨ مستەفا ماوەی (٥٠)رۆژ تەنگەنەفەسی حاڵی پەرێشانكردبو، كاریگەری ئەو گازە بەتوندی بەسەرجەستەیەوە دیاربوو، دەنگی تێكچوبوو زوو ماندودەبو‌و هەمیشە هەناسەی سواربوو، بەتایبەتی لەوەرزی بەهاراندا حاڵی زۆر خراپ دەبوو، لە دوارابۆرتی پزیشكی دا ئەویان پی راگەیاند بووكە لە50% سیەكانی بەهۆی كاریگەری ئەو كیمیاییەوە لەدەست دابوو، هەتا ئەوکاتەی ڕێکخراوی وادی و ڕێکخراوی سپی بەهانایەوە نەچوون لە ماوەی ئەو ٢٥ ساڵەدا هیچ دكتۆرێكی تایبەتی نەبینیبوو سەردانی هەردكتۆرێكی كردبێ نەبووەتە مایەی ئەوەی چارەسەری بكات، لە راستیدا ئەو دكتۆرانەی مستەفا سەردانی كردبوون، تایبەتمەند نەبوون‌و هیچیان دەربارەی نەخۆشیەكەی ئەونەزانیوە، بەزۆریش سەردانی دكتۆری ناوچەكەی خۆیانی كردووە لە تەكیەو چەمچەماڵ . کەچی بەو حاڵەشەوە مستەفا پێشمەرگە بوو !
کۆچکردوو یەكیك بوولەشایەتحاڵەکانی دۆسێی ئەنفال لە دادگای باڵای تاوانەکانی عێراق، بەڵام وەک لەدیدارێکدا بەرۆژنامەنوس هێمن عەبدوڵای راگەیاندووە پاشئەوەی بگاتە نیوهۆڵی دادگا گێراویانەتەوە تەنها لەبەرئەوەی گوتویەتی : لەبەردەمی دادوەر هەمووشتیك لەبارەی ئەوانەوە باس دەکەم کە دەستیان لەئەنفال و كیمیابارانی گۆپتەپەدا هەبووە،دوای وتنی ئەم راستیانە نەیان هیشتووە بچێتە نیوهۆڵی دادگا ئەو خەونەی نەهاتەدی لەبەردەمی دادوەر راستیەکان بڵێت،بۆیە دوای هێشتنەوەی بۆ ماوەی هەفتەیەك لەشاری بەغداد ئینجا ڕەوانەی شاری سلیمانیان كردبووەوە.
ئەفسوس ئەمرۆ ١٧ی شوباتی ٢٠١٦ کاتژمێر ١ی پاش نیوەڕۆ گیانی لەدەستداوە ..
تیبینی: مامۆستا هێمن عەبدوڵا دیداری ڤیدیویی لەگەڵدا سازکردووەووێنەی گرتووە.
ئەنفالستان ساڵی ٢٠١٢ دیداری ڤیدیویی لەگەڵدا کردووەو لەژمارە ٨ی گۆڤاری ئەنفالستاندا راپۆرتیکی هێمن عەبدوڵا لەبارەیەوە بڵاوکراوەتەوە .
