سهردێرهكان
رازیە یوسف کریم: ئەی بۆمن تاقانەی ئەنفال نیم .؟
رازیە یوسف کریم:
ئەی بۆمن تاقانەی ئەنفال نیم .؟
ئەنفالستان – سلێمانی
پاشئەوەی پرۆژە یاسای مافی تاقانەکانی جینۆساید لەپەرلەمان دەرچوو، رازیە یوسف چیرۆکی ژیانی خۆی بۆئەنفالستان دەگێڕیتەوەو دەیەوێت دەنگی بگاتە پەرلەمان ودەڵێت بەهەموو یاسایەک منیش تاقانەی ئەنفالم .
رازیە یوسف کریم لەدایکبووی ساڵی ١٩٨٨ ئەو کاتەی گوندی وەرێ کیمیابارانکرا ڕازییە هێشتا لەسکی دایکیدابوو، کە یوسف کەریمی باوکی لە ئێوارەی ١٧/٥/١٩٨٨ بە بۆمبارانەکەی گوندی وەرێ گیانی لەدەستدا، هەروا چەند مانگێک دەبوو لەگەڵ دایکی رازییە هاوسەرگیرییان کردبوو، کە ماڵی لەگوندی توتمەی تەنیشت بالیسانەوە باری کرد بۆگوندێ وەرێ و لەوێ بەگازی کیمیایی گیانی لەدەستدا.
ئەوکاتەی یوسف گیانی سپارد پێشمەرگەیەکی کۆمەڵەی ڕەنجدەرانی کوردستان بوو، دایکی ڕازیە کە لێی قوماو بێ هاوسەر مایەوە دوگیان بوو بە راییەو سکی پێنج مانگ بوو، کچەش کە هاتەدنیاوە بەبێنازمایەوەورۆژگارێکی تاریک چاوەڕوانی بوو، دایکیی شوی کردەوەو رازیە کەوتە لای نەنکی و لە ئامێزی ئەودا گەورەبوو، رازییە تاقە منداڵی باوک ودایکی بوو، هەرچەندە رازییە ئیستا گەورەبووەو هاوسەرگیری کردووە، بەلام هەر هەست بە دڵتەنگی و بێباوکی دەکات و لە گوندی توتمەی سەربەناحیەی بالیسان دەژی.
پاشئەوەی پرۆژە یاسای تاقانەکانی ئەنفال لەپەرلەمانی کوردستان خوێندرایەوەو دەنگی لەسەردرا من وتارێکم لەبارەیەوە نوسی وکەموکوڕییەکانی ئەو پرۆژە یاسایەم رەخنە کرد، رازیە کە خۆی بەتاقانەی ئەنفال دەزانی لەنامەیەکدا بۆ ئەنفالستان دەڵێت: ئەگەر باوکم کیمایایی نەیکوشتباو ئێستا لەژیاندا مابایە دایکیشم میردی نەدەکردەوە و ڕەنگە براوخوشکیشم پەیدا بوونایەومن تاقانە نەدەبووم بەهۆی ئەوتاوانەی لەگوندی وەرێ رویداو باوکمی تێدا شەهید بوو، ئیستاش کاریگەری چەکی کیمیاویم لە سەرە لەوانەیە زووبمرم) پرسیار لەئەندامانی پەرلەمان دەکەم بۆچی من تاقانەی ئەنفال نیم؟ بۆدە بیت حاڵەتەکەی من لەبەرچاونەگیرێت. رازیە کە وێنەو سورەت قەیدی خۆی بۆئەنفالستان ناردووە دەیسەلمێنێت کە تەنیا ماوەتەوە و خۆی بەتاقانەی ئەنفال دەزانێت .
