گەورە تاوانباری ئەنفال سولتان هاشم ئەحمەد تائی ئازاد نەکراوە .
گەورە تاوانباری ئەنفال سولتان هاشم ئەحمەد ئازاد نەکراوە .
ئەنفالستان – سلێمانی : ماڵپەری خەندان هەواڵێكی ناراستی 
لەبارەی ئازادکردنی سولتان هاشم گەورە تاوانباری ئەنفال بەناوی رەغدی كچی سەدام سەرۆک کۆماری پێشوی لەسێدارەدراوی عێراق بلاو كردۆتەوە، خەندان نوسیوێتی (رەغەد سەدام حسێن، كە ئێستا لە وڵاتی ئوردن دادەنیشێت، رایدەگەیەنێت، كە سوڵتان هاشم وەزیری بەرگری رژێمی بەعس، كە بەئەنجامدانی تاوانی ئەنفال حوكمی لەسێدارەدانی بۆ دەرچووە، ئازاد كرا). پاش بەدواداچوونی ماڵپەری ئەنفالستان دەرکەوت هەواڵەکە دورە لەڕاستیەوەو سوڵتان هاشمی تاوانبار هێشتا لە زینداندایە.
پەرلەمانتاری کورد لە پەرلەمانی عێراق رێبوار تەها بە ماڵپەڕی (ئەنفالستان)ی راگەیاند بە دڵنیاییەوە هەواڵەکە راستنیە.
بەپێی هەواڵێک کە کۆمەڵەی قوربانیانی ئەنفالکراوانی گەرمیان لە ثێگەی خۆیاندا بڵاویان کردووەتەوە د. فرهاد قادر ئەندامی بەرلەمانی عیراق راگەیاندووە، کە بەیوەندیان بەچەند سەرچاوەیەكی عیراقیەوە كردوە بۆدڵنیا بوون لەو هەواڵە، بەڵام دەرکەوت راست نیەو هەواڵەکە هیچ بنەمایەکی نیە. لەلایەکی تریشەوە پەرلەمانتاری عێراق و ئەندامی لیژنەی ئاشتەوایی نیشتمانی خالد شوانی هەواڵەکە بەدرۆدەخاتەوە .
سوڵتان هاشم ئەحمە الطائی ساڵی ١٩٨٨ بە پلەی عەمید روکن فەرماندەیی وپێشەوایەتی پرۆسە سەربازییەکانی ئەنفالی قۆناغی یەکەمی پێسپێردراو دواتریش سەرپەرشتی پرۆسەکانی تری ئەنفالی کردو بەهۆیەوە چەندین پۆست و پاداشتی لەلایەن سەرۆک کۆماری عێراق سەدام حوسێنەوە پێبەخشرا، ماوەیەک کرایە پارێزگاری موصل ودواترکرایە وەزیری بەرگری عێراق .. ساڵی ٢٠٠٣ دەستگیرکراو دواتر لەلایەن دادگای باڵای تاوانەکانی عێراقەوە چەندین سزای تاوانە گەورەکانی بۆ دیاری کرا لەوانە چوار سزای لەسێدارەدان و چەندین سزای زیندانی کردن لە نێیوان ٧ ساڵ بۆ ١٥ ساڵ و زیندانی هەتاهەتایی . ماوەیەکە بە پاساوی ئاشتەوایی نیشتمانیەوە باس لە ئازادکردنی دەکرێ .
