سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
مه‌ریه‌م باروتجیان بێ تاقه‌ت و په‌شیمانه
مه‌ریه‌م باروتجیان بێ تاقه‌ت و په‌شیمانه
رۆژی ٨ی تەموزی ساڵی
٢٠١٥ ماڵپەری سنور میدیا بلاوی کردەوە کە كچه هه‌ڵه‌بجه‌ییەکە بێتاقەت وپەشیمانە. مه‌ریه‌م بارتوچیان، کە ئێستا خوێنداکاری زانکۆیە لە ئێران، ناوی منداڵێکە پروپاگەندەی ئەوە دەکات کە هەلەبجەییەو لە کیمیابارانی رۆژی ١٦ی ئازاری ساڵی ١٩٨٨ ونبووەو خانەوادەیەکی ئێرانی بەرەگەز فارس گرتوویانەتە خۆۆیان و بەخێویانکردووە دوای گەرانەوەی بۆ هەڵەبجەو دوای شیکاری (دی ئێن ئەی) و سێ مانگ چاوەروانی هێشتا ئەنجامی بەدواداچون وشیکارییەکان رانەگەیەندراون. بۆیە مرییەم دەڵێت : من زۆر بێتاقه‌ت و دڵ ته‌نگم، چونكه وا هه‌ست ده‌كه‌م هیچ كه‌س لەلای گرنگ نیه كه من كچی هه‌ڵەبجه‌م، ئاماژە بە کەمتەرخەمی بەرپرسانی حکومەت دەکات و دەڵێت : تـــا ئێستا وه‌زاره‌تــی كاروبـاری شه‌هیدان، هه‌واڵێكــی منی نه‌پرسیــوه! یه‌ك ژووری پێ نه‌داوم تا تێیــدا بژیم و نه‌بمــه ئه‌رك بەسەر ماڵانەوە، من ماومه‌تـه‌وه‌و لە خه‌مـی بینیــنی خێزانه‌كه‌ی خۆمم، لــه ئێران غه‌ریب بووم و له شاره‌كه‌ی خۆشــم هەر غه‌ریبــم، سێ مانگه من له چاوه‌ڕوانیدا ماومه‌ته‌وه‌و هه‌موو شت ئاشكرا بووه، ئیستا ٩٨% ڕون بوه‌ته‌وه كه من كچی كێم به‌ڵام هیچ به من ناڵێن !! سەرچاوەکانی هەواڵ ئەوەیان بلاوکردووەتەوەو مه‌ریه‌م پشتراستی دەکاتەوە کەوا ئەنجامی ” فه‌حسی(D.N.A) ئه‌وەی ڕونکردووە‌ته‌وه كه من كچی خێزانه ئێرانیه‌كه‌م نیم و كوردم، به‌ڵام تا ئێستاش هه‌ر به چاوه‌ڕوانی ماومه‌ته‌وه. لە لاپەرە ٧ی ژمارە ٢١٤٩ی رۆژی ٢/٦/٢٠١٥ رۆژنامەی هەولێردا مرییەم دەڵێت ( من ٢٧ ساڵ لەمەوپێش قوربانی جەنگی ئێران عێراق بووم، ئێستاش قوربانی ململانێی سیاسی کوردستانم، دەبێت من هەمیشە قوربانی دەربم، لەیەکەم ڕۆژی گەرانەوەم بۆ هەڵەبجە کۆمەڵێک هیوام هەبوو، بەڵام دیاری نەکردنی چارەنوسم خەریکە هیواکانم بەرەو لە ناوچوون دەچن) .
لوقمان عەبدولقادر رۆژی ٥/٧/٢٠١٥ لەکەناڵی کەی ئێن ئێن رایگەیاند کە بۆ جەژنی رەمەزان بەخانەوادەکەی شاد دەبێتەوە ئەم قسەیە زیاتر لە بەکالاکردن نزیکە دەنا جەژنی مرییەم وخانەوادەکەی ئەو چرکەساتەیە کە بەیەک شاددەبنەوە ئیتر خێرە بۆ جەژن ئەم مەراسیمە هەڵدەگرن ؟ ڕۆژنامەی کوردستانی نوێ ژمارە ٦٧٣١ ی رۆژی ١٤ی تەموزی ٢٠١٥ لەبارەی مرییەمەوە نوسیوێتی ( ئێستا هەست بە غەریبی دەکات، مرییەم هەڵەبجەیی تاقانەیەو کەسی نەماوە، لەراپۆرتێکدا قسەی دکتۆر فەرهاد مارف بەرێوەبەری سەنتەری مایکرۆجینی ئەهلی لەسلێمانی بڵاوکردووەتەوە کە پشکنینی ((D.N.A بۆ مرییەم باردوجیان کردووە گەیشتوونەتە ئەوبروایەی مرییەم هەلەبجەییە بەڵام تاقانەیەو کەسوکاری نەماوە) مرییەم خۆزگــه دەخوازێت نەگەرایەتەوەو نەیزانیبایە هەڵەبجەییە وەک بەمیدیاکارانی راگەیاندووە خۆزگە هه‌رگیز نه‌مزانــیبایە کە خه‌ڵكــی هه‌ڵه‌بجــه‌م. ئێستا ئه‌زانم به‌ڵام په‌شیمانیــان كردمــه‌وه، چونكه ڕۆڵــه‌كانــی هه‌ڵـه‌بجــه دوای ٢٧ساڵیش سته‌م لێكرا و غه‌ریبن، هیچ كه‌س ئاگای له حاڵــی ئێمــه نییــه وه‌ك ئه‌وه‌ی ئێمـه مردبین به‌ڵام ئێمــه زیندوین!. هەمان ژمارەی کوردستانی نوێ نائومێدی مرییەمی بڵاوکردووەتەوە کە مرییەم ئێستا گەیشتووەتە ئەو بڕوایەی کوردستان بەجێبهێڵێت و بگەڕێتەوە بۆ ئێران . ئیتر کەماڵ لەهەڵەبجەو گۆپتەپە بەو ئەندازەیە وێرانبێت گەران بەدوای کچانی ئەنفالکراو لەدەرەوەی هەرێم لەمەحاڵیش مەحاڵترە .
