سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
گەرمیان، یەكەمین كۆنفرانسی زانستی ئەكادیمی بۆ پرسی جینۆساید و ئەنفال سازدەكرێ
گەرمیان، یەكەمین كۆنفرانسی زانستی ئەكادیمی بۆ پرسی جینۆساید و ئەنفال سازدەكرێ
ئەنفالستان – سلێمانی: وابڕیارە لە ناوەڕاستی مانگی ئابی ئەم ساڵ یەكەمین كۆنفرانسی زانستی ئەكادیمی بۆ پرسی جینۆسایدو ئەنفال لە گەرمیان سازبكرێ، بەچاودێری سەرۆكایەتی پەرلەمانی كوردستان، دەزگای لێكۆڵینەوە بۆجینۆساید و ئەنفال بەهاوكاری بەڕێو‌بەرایەتی گشتی ڕۆشنبیری و هونەری گەرمیان، سازدەكرێت.”
لەبارەی ئامانجی كۆنفرانسەكەوە تەها سلێمان، بەرپرسی دەزگای لێكۆڵینەوە بۆ جینۆسایدو ئەنفال، بۆ ئەنفالستان وتی:” ئێمە مەبەستمانە لە ڕێگای ئەم كۆنفرانسەوە خوێندنەوە و راڤەكردنی جینۆساید و ئەنفالی گەلەكەمان بكەینە كلتووری تێگەیشتن لەتاوانەكانی كە لەدژی گەلەكەمان كراوە، هەروەك دەشمانەوێ بەخوێندنەوه و ڕاڤەكردنەكان ڕێگا لە دووبارە بوونەوەیان بگیرێت، ئەمە پرس و پڕۆژەیەكە پێویستی بە هۆشیاری میلی و كۆدەنگی تەواوی ناوەندەكانە بۆ كاركردن لەسەری و چەسپاندنی.”
ئاماژەی بۆ ئەوەش كرد:” لە كۆنفرانسەكەدا زیاتر لە 17 لێكۆڵینەوە وبابەت لەلایەن نوسەرو لێكۆڵەری شارەزای بواری جینۆساید و ئەنفال پێشكەش دەكرێن، كە رەهەند و لایەنی جیاجیا لەخۆدەگرن.”
هەروەها تەها سلێمان وتیشی: لەچوارچێوەی كۆنفرانسەكەدا، مۆنۆمێنتی ئەنفالكراوەكانی هەردوو گوندی زینانەی “خواروو، ژوورو”ش دەكرێتەوە، كە بەشێوەیەكی شایستە درووستكراوەو خەرجی تێچوونەكەشی لەلایەن “گوڵناز عەزیز قادر” ناسراو بە گوڵاڵەی گەرمیان دابین كراوە. وتییشی لەسەرئاستی كوردستان چەندین میوانی تایبەت و شارەزا لە بواری جینۆسایدو ئەنفال بەشداری كۆنفرانسەكە دەكەن و لەنزیكترین كاتدا ئەجێنداو بەرنامەی كۆنفرانسەكە بۆ هەمووان بڵاو دەكەینەوە.
