سهردێرهكان
پێیانگوتم بچۆ وەرقەی جاش بۆ کورەکانت بکە، بەڵام من پێم عەیب بوو، حرسم نەیهێناو ئەوەمان بەسەرهات کەبەسەرمان هات .
پێیانگوتم بچۆ وەرقەی جاش بۆ کورەکانت بکە، بەڵام من پێم عەیب بوو، حرسم نەیهێناو ئەوەمان بەسەرهات کەبەسەرمان هات . دیدار : عومەر محەمەد
شوین هۆمەر قەوم
پاش ئەوەی دیداری فاتم تەواو بوو حەمە ئەمین حەمە سەعید هاتە پێشەوەو ووتی ئەگەر قسە لەمن وەردەگرن ئەوە باشە دەنا من دەچم بۆ نوێژی جەماعەت هەرچەند ئەو لەسەرەتای دیدارەکەمانەوە ئەوەی پێگوتین كە دایكی منداڵەكان زانیاری زیاتری لەلایەو من هێندەی لێنازانم، بەڵام لەكاتی دیدارەكەماندا لەگەڵ فاتمی هاوسەری خۆی پێرانە دەگیراو جارجار قسەی دەهێنایە پێشەوە، مام حەمە ئەمین پیرەمێردێکی روخۆش بوو، هاوسەری فاتمەیەو باوكی سێ کوڕی ئەنفالكراوە بەناوەكانی ( جەلال و جەمال و نورەدین) ئەویش قسەكەی فاتمی پشتراستكردەوەو ووتی كورەكانم دوانیان كوری ماڵ بوون و سەربازی هەڵاتوو بوون ، بەڵام ئەوەی راتی بێت كورە گەورەكەم مەیلی پێشمەرگایەتی هەبوو، دەیویست ببێ بە پێشمەرگە و ئێمەش نەماندەهێشت چونكە پیاوخراپ زۆر بوو، بەڵام هاوكاری دەكردن .
ئەفسوس مام محەمەد فریای لە چاپدانی گۆڤاری ئەنفالستان نەکەوت و بەهۆی نەخۆشییەوە کۆچی دوایی کرد. هەرچەندە لەگەڵ بەریز فەرەیدون کەهاوسەفەرمان بوو بۆ دیمانەسازییەکەی ئەم بنەماڵە بەرێزە چوینە پرسەکەی ولەکاتی خۆیدا بەشداری خەم وپەژارەیان بووین، بەڵام جێگەی خۆیەتی لێرەوە بەناوی بە سەرنوسەرو دەستەی هاوکارانی گۆڤاری ئەنفالستانەوە پرسەو سەرەخۆشی ئاراستەی حاجی فاتمەی هاوسەری وکچە بەریزەکانی وکەسوکاری دەکەین . درێژەی دیدار
