سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
هیومان ڕایتس وۆچ: داعش بە ئەنقەست لە كۆبانێ كۆمەڵكوژی ئەنجامداوە
هیومان ڕایتس وۆچ:
داعش بە ئەنقەست لە كۆبانێ كۆمەڵكوژی ئەنجامداوە
ئەنفالستان – سلێمانی: لەدواین ڕاپۆرتیدا ڕێكخراوی چاودێری مافەكانی مرۆڤ (هیومان ڕایتس وۆچ)، لە بارەی کۆمەڵکوژیەکەی ئەم دواییەی شاری کۆبانێ ڕایگەیاند: چەكدارانی ڕێكخراوی دەوڵەتی ئیسلامی (داعش) لەشاری كۆبانێ كۆمەڵكوژییان ئەنجامداوەو بەئەنقەست چەندین هاوڵاتیان كوشتووە.
هیومان ڕایتس وۆچ، لە ڕاپۆرتێكدا سەبارەت بەكۆمەڵكوژیی هاوڵاتیانی كۆبانێ لەلایەن چەكدارەكانی ڕێكخراوی دەوڵەتی ئیسلامی، ئاماژەی بەوەداوە: چەكدارەكانی داعش كۆمەڵێك كەسیان كوشتووە، كە دڵنیا بوون كەسانی مەدەنی بوون.
ڕاپۆرتەکەی هێومان ڕایتس ۆچ ئەوەی ڕونکردووەتەوە کە چەكدارانی داعش جلوبەرگی شەڕڤانانی یەپەگەیان پۆشیوەو ئەو فێڵەیان بەكارهێناوە بۆ دزەكردنە ناو شارەكەو لەسەربانەكانەوە بەچەكی قەناس هاوڵاتیانی مەدەنییان كردووەتە ئامانج.
بەپێی ڕاپۆرتەكەی هیومان ڕایتس وۆچ كە تێیدا وتە لەچەند شایەتحاڵێك وەرگیراوە: چەند چەكدارێكی ڕێكخراوی دەوڵەتی ئیسلامی ماڵ بە ماڵ گەڕاون و چەند خێزانێكیان كۆمەڵكوژ كردووەو لەهێرشەكەدا ژن، منداڵ و پیر كراونەتە ئامانج و جیاوازییان لەنێوان كەسدا نەكردووە.
