سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
زوڵم لەتاقانەیەکی ئەنفال
زوڵم لە تاقانەیەکی ئەنفال
بۆ سەرجەم رێکخراوەکانی ئەنفال
عومەرمحەمەد
ئەگەر ئەو ستەمکارییە سەری گرت ئێوەش بارەگاکانتان داخەن و چیتر بەناوی ئەنفالەوە هیچ مەڵێن، چونکە تاقانەیەکی ئەنفال دەستدرێژی بکرێتە سەرو مافەکانی پێشێل بکرێن، بون ونەبونی ئێوە هیچ بەهایەکی نامێنێ، بەهیوام قایمقیمێتی چەمچەماڵ و ناحێی ئاغجەلەرو بەرێوەبەرایەتی کشتوکاڵی چەمچەماڵ و بەرێوەبەرایەتی گشتی کشتوکاڵ وئاودێری سلێمانی بەپێی یاسا مامەڵە لەگەڵ ئەو دۆسییەدا بکەن و ئەوەش لەبەرچاوبگرن کە سەوزە تاقەدەربازبووی خانەوادەکەیەتی .
سەوزە مەحمود حوسێن قادر لە دایکبوی ساڵی ١٩٧٠ یەو تاقە دەربازبووی خانەوادەکەیەتی لەتاوانی ئەنفالدا.
سەوزە دانیشتوی گوندی گردخەبەری سەربەناحێی ئاغجەلەر بووەو ئێستا لەکۆیە نیشتەجێیە، لەپەلاماری ئەنفالی چواردا کە ناوچەی قەڵاسێوکەو دەشتی کۆیەو ناوشوان وشێخ بزێنیشی گرتەوە، خەڵکێکی زۆری تیدا ئەنفالکرا، خانەوادەی مەحمود حوسێن کە بریتی بوون لە ١٥ سەر خێزان جگەلە سەوزە هەموویان ئەنفاکران کە بریتی بوون لە : ( دایکی خونچە عومەرو باوکی مەحمود حوسێن قادرو هەر شەش براکەی بەناوەکانی نادرو کەمال و ناسرو ناسیح و سەیفەدین و کامەران، خوشکەکانی بەناوەکانی فاتمەو لیمۆ، زوبیدەو ڕەوشەن) وهەرسێک خاڵەکانی ئەنفالکراون، جێگەی ئاماژەیە پێش ئەنفالیش خوشکێکی تری سەوزە بەناوی (تەنکە) بە بۆردومانی کۆپتەرەکانی رژێم گیانی لەدەستداوە.
پوختەی مەبەست :
لە سەروەختی رژێمی بەعس بە یاسای ژمارە (٩٠)ی چاککردنی زەوی وزاری کشتوکاڵی (قانون الاصلاح الزراعی) دەبوو زەوی بۆ ئەوکەسە بێت کەدەیکێلیت و لەوسۆنگەیەوە پارچەیەک زەوی دراوەتە هەریەک لە جوتیارەکانی گوندی گرد خەبەر، باوکی سەوزەش وەک هەرگوندنشینێک بەشی خۆی وەرگرێت، بەڵام بەهەر هۆیەکەوە بووە بریارەکە لەوناوجەیە نەچووەتە بواری جێبەجێکردنەوە، خۆشبەختانە لەسەرەتای هەشتاکانەوە کەئەو ناوچانە کەوتوونەتە ژێر دەسەڵاتی پێشمەرگەی یەکێتی نیشتمانی کوردستان، تەواوی یاساکەی جێبەجێکردووەو خەڵکی گردخەبەر هەریەکەو پارچەیەک زەوی کشتوکاڵییان وەرگرتووە. باوکی سەوزەش بەشی خۆی بەبڕیاری شۆڕش وەرگرتووە، بەلام لە دوای راپەرینەوە دیسان حەسەن ئاغا لە هەوڵدایە زەوییەکانی بگەرێنێتەوە بن دەستی خۆی، سەرباری ئەوەی ساڵی ١٩٩٤ قایمقایمێتی چەمچەمال و بەڕێوەبەرایەتی کشتوکاڵی چەمچەماڵ و ناحێی ئاغجەلەر پشتیوانیان لە سەوزەکردووەو زەوییەکەیان بۆ گێڕاوەتەوە، بەڵام دیسانەوە هەمان کەس چووە زەوییەکەی بۆخۆی کێلاوەتەوەو سکاڵای لەدژی سەوزە کردووەتەوە..ئەفسوس . لەبەرێوەبەرایەتی چەمچەماڵ بەزارەکی بەسەوزەی تاقانە دەربازبووی ئەنفالیان وتووە، کەوا لە بەرئەوەی تۆ براو باوکت نەماوە ئەو زەوییە نادەینەوە بەتۆو ناشیدەینەوە بەکۆنە ئاغاکە (١) !بەڵام سەوزە ئەوە بەراست نازانێ وپێیوایە ئاغا پشتی قایمەو دواجار مافی ئەم دەخۆن و زەوییەکە بۆ ئەو دەگێڕنەوە نەک بۆحکومەت . بەهیوام ئەمجارەش یاساو دەسەڵاتدارانی ناوچەکە پشتیوانی لە سەوزەی تاقانەی ئەنفال بکەن .
(١) ئاغاکە حەسەناغای گوندی گرد خەبەرە بەلام راستیەکەی ئەو هیچ دیوەخانێکی ئاغایانەی نیەو ئەو ناوە هی سەردەمی فیودالیزمە بۆی ماوەتەوە دەنا ئەویش هاوسەرەکەی ئەنفالکراوەو پیاوێکی هەژارە
