ماڵئاوا هونەرمەندی مەزن، هاوخەمی دەربازبوانی کۆمەڵکوژی ئەنفال

مارس 29, 2015 Omer هه‌واڵ لێدوان نووسین ناچالاککراوە لە ماڵئاوا هونەرمەندی مەزن، هاوخەمی دەربازبوانی کۆمەڵکوژی ئەنفال

---

ماڵئاوا هونەرمەندی مەزن

 بە ناوی خۆمان‌و خانەوادەكانمانەوە نیگەرانی و پرسەوسەرەخۆشی لە خانەوادەوكەسوكار‌وهاورێیانی هونەرمەندی سینەماكاروسەرجەم خەڵكی كوردستان ڕادەگەیەنین، لەراستیدا مەرگی ناوەختی هونەرمەند تەهای كەریمی بەرلەهەموو كەس كۆستێكی گەورەیە بۆ ئێمە، چونكە لەماوەی 25 ساڵی رابوردوودا هونەرمەند تەهای كەریمی تاكە كەس بووە كە لەبواری سینەمادا هاتووەتە مەیدان‌و ئاوری لە ئێمەی دەربازبووی كۆمەڵكوژی ئەنفال داوەتەوە راستە مردنی ئەو هونەرمەندە زەرەرێكی گەورەیە لەگەلی كوردوهونەری سینەمای كوردی كەوت، بەڵام زەرەرێكی گەورەش بوو لە ئێمەكەوت .

لەماوەی كاركردنماندا لە ( فیلمی هەزارویەك سێو ) زیاتر لە رۆڵی سنەما تێگەیشتین ‌وهەرلەو میانەیەشدا زانیمان كە هونەرمەندێكی گەورەوبەئەزمونمان ناسیوە، دڵخۆش بووین بەوەی بەرلەوەی ماڵئاوایی یەكجاری لەژیان بكەین‌ودنیا بەجێبهێلین كە جارێك تیایدا براینە ناگۆڕەوەوقەدەر بۆ شایەتی دان لەسەر كۆمەڵكوژی نەتەوەكەمان بەزیندوویی هێشتینیەوە، هەربۆیەش بوینە كارەكتەری فیلمی (هەزارو یەك سێو) هەتا لەرێگەی سەلیقەی هونەرمەند تەهای كەریمیو شارەزایی سەرنوسەری گۆفاری ئەنفالستان ولەرێگەی شاشەی سینەماكانی كوردستان وجیهانەوە بەدنیا بلێین ئیمە لە دۆزەخی ئەنفال گەراوینەتەوەو ئێمە دەزانین كورد چ دۆزەخێكی بۆداخرابوو  ؟.. مەخابن خۆشی تەواوبوونی فیلمەكەمان زۆری نەكێشا كە مەرگی برای دەرهێنەر خۆشی لێكردین بەشین بەداخەوەین كە مەرگی ئەو پێش مەرگی ئێمە كەوت‌و لەرێ و رەسمی ناردنەوەوەو پرسەكەیدا بەشداربووین .

جارێكی تر نیگەرانی‌و دڵتەنگی خۆمان بۆهەموولایەك رادەگەیەنین‌و بەشداری خەم‌و پرسەی كەسوكاروهاورێیانی هونەرمەند تەهای كەریمین  ..

1-       حاجی فەرەج محمد عەزیز ……………………دەربازبووی كۆمەڵكوژی رومادی . کارەکتەری فیلمی هەزارویەک سێو

2-       عوزێر محمد وەهاب ناسراو بەعوزیر …. …..دەربازبووی كۆمەڵكوژی رومادی کارەکتەری فیلمی هەزارویەک سێو لە رێگەی سکایپەوە

3-       واحید حەمە سەعید عەبدول ………… …. …..دەربازبووی كۆمەڵكوژی رومادی کارەکتەری فیلمی هەزارویەک سێو لە رێگەی سکایپەوە

 4-      رەمەزان عەلی سلێمان …………………….دەربازبووی كۆمەڵكوژی رومادی کارەکتەری فیلمی هەزارویەک سێو لە رێگەی سکایپەوە

5-       هاشم محمد رەشید …………….. …….دەربازبووی كۆمەڵ كوژی گوندی كورێمێ‌ کارەکتەری فیلمی هەزارویەک سێو

6-       عەبدلقهار خلیل ……………………..دەربازبووی كۆمەڵكوژی گوندی كورێمێ‌ کارەکتەری فیلمی هەزارویەک سێو .

7-       ئەبابكر عەلی سەعید ……………..دەربازبووی كۆمەڵكوژی گوندی كورێمێ‌ کارەکتەری فیلمی هەزارویەک سێو .

8-       عەبدالكەریم نایف حسن …… ……دەربازبووی كۆمەڵكوژی گوندی كورێمێ‌ کارەکتەری فیلمی هەزارویەک سێو .

9-       صدقی عبدالقادرفتاح ……….. دەربازبووی كۆمەڵكوژی گوندی كورێمێ‌

سه‌رنجه‌كان

---