سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
سبەینێ ساڵیادی مەرگی هونەرمەندی گەورە تەها کەریمییە
سبەینێ ساڵیادی مەرگی هونەرمەندی گەورە تەها کەریمیە
بۆ رێزگرتن و یادکردنەوەی سینەماکاری گەورەی کورد تەها 
کەریمی کاتژمێر ٤ی ئێوارەی سبەینی ٣٠ /٥/٢٠١٥ کتیبفرۆشی غەزەلنوس مەراسیمێک رێک دەخات، له میانەی مه‌راسیمه‌کەدا کە هەر له كتێبخانه‌ی غه‌زه‌لنووس لە شاری سلێمانی به‌ڕێوه‌بچێت، كورته فلمێکی دۆكیۆمێنتاری هه‌ردی قادر كه بۆ یادی هونەرمەندی کۆچکردوو به‌رهه‌مهاتووه نمایش ده‌كرێت،هه‌روه‌ها « حه‌مه قادر «و « شاهۆ مەحموودی»یش قسه له‌سه‌ر ته‌های كه‌ریمی و فیلمه‌كانی ده‌كه‌ن، هاوکات هونه‌رمه‌ند نه‌جمه‌ی غوڵامی به‌شداریی مەراسیمەکە ده‌كات‌و چه‌ند گۆرانییه‌ك پێشكه‌ش ده‌كات، جگه له‌مانه‌ش پۆسته‌رێكی ته‌های كه‌ریمی وه‌ك دیاریی غـه‌زه‌لنووس به‌سه‌ر ئاماده‌بوواندا دابه‌ش ده‌كرێت.
- ته‌ها كه‌ریمی ساڵی 1976 له‌گوندی بۆیەنی شاری بانه‌ی ڕۆژهەڵات له دایكبووه.
- خوێندنی سەرەتایی هەر لە بۆیەن تەواوکردووەو لە سه‌ره‌تاوە به نووسینی چیرۆك چووەتە دنیای ئەدەب وهونەرەوە.
- ساڵی 2004 له زانكۆی هونه‌ری تاران سینەمای خوێندووەو به‌كالۆریۆسی له‌بواری ده‌رهێناندا بەدەستهێناوە.
- چه‌ندین فیلمی دۆكیۆمێنتاری بەرهەمهێناوە: 4 فیلمی كورتی داستانیی «سنووری ژین»، «زریان»، «سه‌مای مروارییه‌كان»و «كوێستانی سپی» دواتریش فیلمی سینه‌مایی «كوێستانی قه‌ندیل»ی دەرهێناوە کە یه‌كه‌م فیلمی درێژی تەهای جوانەمەرگە.
- دواتر بەهاوکاری و راویژکاری سەرنوسەری گۆڤاری ئەنفالستان فیلمی من (بەکرێگیرای سپیم)ی دەرهێناوە و هەر زوو دوای ئەو کارەهونەرییە پێشنیاری فیلمێکی تری بۆ کردووە دەربارەی ( دەربازبوانی گۆڕی بەکۆمەڵی ئەنفال) دوای گفتوگۆیەکی چەند هەفتەیی دەست بەکاربوون و لەماوەیەکی زۆرکەمدا بە ئازایەتییەکی زۆرەوە دەستی بۆ هەستیارترین و گرنگتر چیرۆک بردووە ئەویش فیلمی درێژی هەزارویەک سێو بوو، کە سەرئەنجام دەنگدانەوەیەکی ناوخۆیی وجیهانی بەدوای خۆیدا هێنا .
- دوای ئەویش چەند کارێکی هونەری بەرزو بایەخداری کرد لەوانە ( باخەوانی نێرگزەجار ، خۆیی بوون ، دەستنوس ).
ئەفسوس ئێوارەی 29/05/2013 له سەرشەقامی ئیبراهیم پاشای شاری سلێمانی مەرگ یەخەی ئەم هونەرمەندە بەتوانایەو کوڕی هەژارێکی گرت و بەهۆی روداوی ئۆتۆمبیلەوە لە پێکدادانێکدا تەهای مەزن و شۆفێرەکەش گیانیان لە دەستداو كۆچی دواییان کرد .
لێرەوە بەناوی گۆڤارو ماڵپەری ئەنفالستانەوە هاوخەمی هەمیشەیی بۆ هاوسەرو خانەوادەکەی تەهای کەریمی و ئەو شۆفێری کۆچکردووش دەردەبرین.
