سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
عەتیە سەعید: ئێستاش دڵم هەردەڵیت منداڵەكانم ماون تامردن هەر چاوەڕوانم بگەڕێنەوە”
عەتیە سعید عبدالرحمن
“ئێستاش دڵم هەردەڵیت منداڵەكانم ماون تامردن هەر چاوەڕوانم بگەڕێنەوە”
ئا: هێمن عبداللە
پورە عتیە پیرەدایكێكی تەنهای گۆپتەپەیە زۆربەی كاتەكانی ژیانی بەتەنهای بەسەردەبات بەچاوەروانی گەڕانەوەی منداڵەكانی شەوڕۆژدەكاتەوە هەناسەیەكی قوڵی هەڵكێشاو بەچاوێكی پڕلەحەسرەتەوە وتی:من ئێستاش دڵم هەردەڵێت منداڵەكانم ماون بەڵكوكەسێك لایدابێتە لاوەوخوابەمنی بداتەوە ئەوڕۆژە بێ تامردن هەرچاوەرێم.
لەسەرەتادا كەكەوتە گێڕانەوەی بەسەرهاتی كیمیاباران وئەنفالی گۆپتەپە ئاماژەی بەوەكرد بەشێكی زۆر لە شتەكانم بیرنەماوە وابزانم (17)مانگی ڕەمەزان بووخەریكی خۆئامادەكردن بووین بۆ بەربانگی ئێوارە كاتێكمان زانی چەندتەیارەیەك هاتنەسەرئاوای گۆپتەپەو لەچەند لایەكەوە گوندەكەیان دایە بەر كیمیاو توزودوكەڵێكی زۆریان لەچەندشوێنێك بڵاوكردەوە .ئێمەش لەچیگەكانی خۆمان چلەكانمان تەر كردو بەسەر خۆماندادا.دوكەڵەكەی مەیلەو سورو سپی بوو پاش ماوەیەك بۆنەكەی لەگۆپتەپەدا بڵاوبووەوە پاش ئەوەبەرەو ناوتاویر رۆِیشتین بەهۆی ئەوەی كیمیاكە تەئسیری زۆری لەچاومان كردبوو وەك كوێرمان لێ هات بوولەیەك بزربووین هەر هاواری كوڕو كچ وپیاوەكەم دەكردكەس بەكەسەوەنەبوو هەتا سەعات 12ی شەویەكترمان نەدۆزییەوەدواتر چوین بۆگوندی جەلەمۆرد كەهەمووخەڵكەكە لەدۆڵێكدا بوون پێیان دەگوت چەمی بابەڕوشە دەكەوێتە سەروی گوندی جەلەمۆرد لە گۆپتەوەوەچوین قادروحسۆ بە تەرەكتەرێكی بێ برێك بێ لایت درەنگانێك گەیشتین،پێشمەرگەیەكی جل ڕەش پێی وتین ئەوەی كیمیاكە كاری تێَكردوە ئاگری بۆبكەنەوە باش دەبێت پێشمەرگەیەكی زۆر لەگۆپتەپەوەنوچەكەدابوون زۆریشیان لێ كوژرا ،كاتێك گەیشتینە چوخلیجە ڕۆژ هەڵات تاوبان گەرم بووجەیش وجاش دەوریان داین وئێمەش بۆماوەی هەفتەیەك لەوێ ماینەوە دواتر چوار دەورمان گیرا .بەزیلی عەسكەری بەرەو تەققتەقیان بردین. لەوێ ناو نوس كراین وجیاكراینەوە بەرەو تۆپ زاوایان بردین پاشان بۆ نوگرەسەلمان گوازراینەوە بۆئەوەی ناخۆشیەكانی ئەوێش بچێژین لەسەرەتادا هیچ خواردن وئاوێكیان پێنەدەداین بەڵام پاش چەند رۆژێك یەك سەمونی ڕەق وپەرداخیك ئاوی گەرمیان پێدەداین .زۆربەی خەڵك لەبرسان دەمردن ،بەزۆری منداڵەكان دەمردن چونكە بەرگەی ئەو گەرمی و برسێتیەیان نەدەگرت ڕۆژانە 10تا 20كەس زیاتر دەمردن لەقاوشێكدابووین هەمووی پیسایی بوولەتۆپ زاوا بەتەواوی لەمنداڵەكانم دابڕم وچاوم پێیان نەكەوتەوە لەنوگرەسەلمان كاتێك مردویەكیان دەبردبۆ ناشتن دوای ئەوان سەگەڕەشەكە دەری دەهێناو دەی خوارد بەبەرچاوی ئەو هەموو خەڵكەوە ،پاش ئەوماوەیە دواتر ناو نوسكراین هێزما تێدانەمابووپیاوەكەشم نەخۆش بوو ،بەئێمەیان دەگوت منداڵو گەنجەكانیشتان بەردراون ،بەڵام درۆیان لەگەل كردینكەهاتینەوە زانیمان كەسیان نەماون بەڵام من ئێستاش دڵم هەلردەڵێت منداڵەكانم ماون بەڵكو كەسێك یەكێكیانی لادابێتەلاوە خوا بەمنی بداتەوە هەر چاوەڕێم ئەوڕۆژەبێ تادەمرم هەر لەچاوەڕوانی گەڕانەوەیاندام
كەسە نزیكەكانی كەلەپڕۆسەی ئەنفال و كیمیا بارانی گۆپتەپەدا شەهیدبوون ئەمانەن
- دووكچی بەناوەكانی(پەیمان وبەیان) .
- ناجیە سعید عبدالرحمن خوشكی
- پێنچ كچ وچواركوڕی ناجیە كەدەكاتە خوشكەزای پورەعتیە بەناوەكانی (هاوار، نەسرین ،ڕەنگین، تریفە، قەدرییە، سەلام، ستار، أبراهیم، دلێر )
- برایەكی بەناوی عەباس سەعیدعبدالرحمن
- برازایەكی بەناوی جەنگی عزیز عبدالرحمن
- دووخوشكەزای تریشی بەناوەكانی (عوسمان كەریم و رەسوڵ كەریم ) كەناسرابوو بە( دكتۆرئاسۆ)
