سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
بە وێنەی ئازیزانیان شاد بوونەوەو وێنەکان ڕوناکی یان دیتەوە کارێکی گرنگ و دۆکۆمێنتێکی بایەخدار
ئەنفالستان – گۆپتەپە : ئەم وینانەی لێرەدا نمایش دەکرێن هەندێکیان بۆیەكەمجار بەهەوڵی بەردەوام وشەونخونی مامۆستا هێمن عەبدولا بەدیداری ئازیزانیان شاد بوون. مێژووی ئەم وێنانە دەگەریتەوە بۆ ساڵانێکی زۆر پێش پەلامارە دڕندانەکەی ئەنفالی قۆناغی چوارەم کە ناوچەی قەڵاسێوکەو بناری خاڵخاڵانیشی گرتەوە.
زۆربەی وێنەکان لە سەرەتای وهەندێکیان لە ناوەراستی حەفتاکان و سەرەتای ساڵانی هەشتاکانەوە لایەن حاجی كاكەوڵا ئاغجەلەری گیراون و باشان لەلایەن وێنەگریكی هاورێی بەناوی عبداللە بازیانی فیلمەکانی بە پۆلێنکراوی هەلگیراون و دواتریش گەیشتونەتە دەستی مامۆستا.عیماد خالید لە ناحیەی (تەكیە) کە بۆ ماوەی زیاتر لە ١٠ دە سال لای خۆی پاراستونی، دواتریش لەلایەن جەوهەر محمد كانی هەنجیری یەوە هەواڵی دۆزینەوەی ئەم وێنانە گەیشتە یاریدە دەری سەرنوسەری گۆڤاری ئەنفالستان مامۆستا هێمن عبداللە گۆپتەپەیی .
جێگەی دەستخۆشیە کە مامۆستا هێمن دەست وبردی کرد لە وەرگرتن و پەرەپێدانیان، هەموویانی لە فیلمەوە کردەووەتەوە بە وێنەو كاری سكان كردنی گرتووتە ئەستۆ، بەهاوكاری گۆڤاری ئەنفالستان و رێكخراوی وادی ئەلمانی و ریكخراوی سپی بۆناوچە کیمیابارانکراوەکانی کوردستان. بە هاوبەشی .
گرنگی ئەم کارە ئەوەیە وێنەی هەموو خەڵکی ناوچەکەی تێدایە کە روی کردبێتە لای کاکەوڵای وێنەگر ئەویش فیلمەکانی هەرگوندێکی کردبوویە کیسێکەوەو بۆ هەرخانەوادەیەکیش کیسێکی تایبەتی داناوەو ناوی سەرۆکی خانەوادەکەو گوندەکەی لەسەر نوسراوە، هەتا ئێرە کارێکی لەرادەبەدەر گرنگ و جێگەی دەستخۆشییە، بەڵام بێگومان لەوە گرنگتر پەرە پێدانیانە ئەویش بەماندوبوون وسەلیقەیەکی زۆرەوە گەیشتوونەتە قۆناغی ئێستا کە تەنها بە هەوڵی تاکەکەسی مامۆستا هێمن بووە،
رۆژی ٣/٥/٢٠١٥ لە یادی كیمیاباران و ئەنفالی گوندی گۆپتەبەدا مامۆستا هێمن ئەنجامی کارە پربایەخەکەی تەنها بۆ ئەنفالکراوەکانی گۆپتەپە خستە روو لە میانەی پێشانگایەكی تایبەتیدا ئەم فیلمە تۆزلێنیشتوانە، کرانەوە بەوێنە ولە میانەی پێشانگایەکدا روناکیان بینی و کەسوکاریشیان بە روخساری ئازیزانیان شادبوونەوە. جێگەی ئاماژەیە ئەمڕۆش ٨ی ئایار (٢٧) وێنەی ئەنفالکراوەکانی گوندی جەلەمۆرد بەهەمان شێوە لە یادی ئەنفالی جەلەمۆردو گوندەکانی دەوروبەری نمایش کران و پێشوازییەکی گەرم لە کارە پربایەخەکەی مامۆستا هێمن کرا .
ئێمەش وەک ستافی ئەنفالستان دەڵێین شانازیت پێوە دەکەین مامۆستا هێمن
تکایە رێز لەکارەکەی ئەم ماندونەناسە بگرن و وێنەکانی بەبێ ئیزنی خۆی بەکارمەهێنن !
بۆ بینینی ئەلبومی وێنەکان کلیک لێرە بکە
