سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ڕونكردنەوەیەك بۆ ڕای گشتی
ڕونكردنەوەیەك بۆ ڕای گشتی
ئێمە وەك بەرەی پێشمەرگە و كەسوكاری شەهیدان وئەنفالكراوان وكیمیاباران بەسەرنجدان لە لێدوانە رۆژنامەنووسیەكانی چەند ڕۆژی ڕابردووی وتەبێژی ئەنجومەنی دادوەری لە هەرێمی كوردستان گەیشتوینەتە ئەو باوەڕەی كە ئەم پیاوە لەپاڵ بوختانی یاساشكێنی و تلیاكی بووندا بۆ كەسوكاری ئەنفالكراوەكان ،هەمیشە دەشكۆشێت گومان لەسەر كەیسی ئەنفال دروست بكات و كەسوكاری ئەنفاكراوەكان بخاتە قەفەسی تاوانەوە ، لەسەرێكی تریشەوە دەڵێت “جاش وموستەشارەكان ڕاپەڕینی بەهاری 1991 یان ئەنجام داوە!” بۆیە لێرەوە بۆ دواجار هۆشداری ئەدەینە وتەبێژەكەی ئەنجومەنی دادوەری كە چیتر یاری بە ئاگر نەكات و خوێ نەكاتە زامە سەختەكەی كەسوكاری ئەنفال و چیتر سەنگەریان لێنەگرێت ،چونكە ئەگەر بەمجۆرە بەردەوام بێت ،ئەوا ئێمە لەبەرەی جاش وموستەشارەكاندا حسابی بۆ دەكەین .
هاوكات هۆشداریش ئەدەینە سەرۆكایەتی دادگای تێهەڵچوونەوەی كەركوك گەرمیان كە لەبەلاغە دوور و درێژەكەیدا داوای سزادان و بەدادگا گەیاندنی كەس وكاری ئەنفالكراوەكان دەكات ، لەكاتێكدا دەبوو ئەم دادگایە بە شوێن بەدادگا گەیاندنی جاش وموستەشارەكانەوە بوایە و فەرمانی دەسگیركردنی بۆ لایەنی كەمتەرخەم لە دەسگیركردنی جاش و موستەشارەكان دەربكردایە،هەر لێرەشدا دەبێت سەرۆكایەتی ئەم دادگایە و هەموو لایەنە پەیوەندیدارەكانیش بزانن ، هەر دەسبردنێك بۆ كەس وكاری ئەنفالكراوەكان و چالاكان و ڕۆژنامەنووسانی هاوسەنگەریان بەزاندنی هەموو هێڵەسوورەكانە و دەرگای جەهەننەم لەو كەس ولایەنانە دەكاتەوە كە بیری لێدەكەنەوە .
هەر لەم بۆنەیەشدا جارێكی تر تەئكید دەكەینەوە كە هەر هەوڵێكی شێواندن و بەلاڕێدا بردن وچەواشەكاری لە دۆسیەی ئەنفالدا و هەر داڵدەدانێكی تۆمەتبارانی ئەم كەیسە تەنیا شەرمەزاری و رسوایی بۆ ئەوانەی ئەنجامی ئەدەن بەشوێنەوە دەبێ و ئێمەش لەم جموجوڵە بەرفراوانە مەدەنیەی ئەمجارەماندا چیتر ئەم سوكایەتی و بێڕێزیانە بە كۆستی نەتەوەیی ئەنفال و كەسوكاری سەربەرزی ئەنفالكراوەكان قبوڵ ناكەین ،هەروەك ئەم شۆرشە سپیەش تا جێبەجێكردنی هەموو ئەم داواكاریانەمان بەردەوام دەبێت :
1 . لابردنی دەسبەجێی سەرۆكی دادگای تاوانەكانی كەركوك گەرمیان .
2 . گەڕاندنەوەی دادوەر “هاوژین حامد” كە لەسەر جێبەجێكردنی بڕیاری دادگای باڵای تاوانەكان دوورخراوەتەوە .
3 . جارێكی تریش جەخت دەكەینەوە لەسەر بڕیارەكانی دادگای باڵای تاوانەكانی عیراق بە دەسگیركردنی تۆمەتبارانی دۆسیەی ئەنفال كە 423 كەسن و 258 كەسیان لە كوردستانن.
4 . ئەنجومەنی دادوەری فەرمانی دەسگیركردن بۆ ئەو لایەنە پەیوەندیدارانەی دەسەڵاتی جێبەجێكردن دەربكات ،كە فەرمانی دەسگیركردنی تۆمەتبارانی كەیسی ئەنفال جێبەجێ ناكەن .
بەرەی پێشمەرگە و كەس وكاری شەهیدان و ئەنفالكراوان وكیمیاباران
گەرمیان 30 /4 /2015
