دۆڵی مەلەكان بەسوێی برینی ئەنفال‌و كیمیابارانكردنیەوە دەنالێنێ
دۆڵی مەلەكان بەسوێی برینی ئەنفال‌و كیمیابارانكردنیەوە دەنالێنێ
عومەر محەمەد
دۆڵی مەلەکان کەوتووەتە ڕۆژئاوای دۆڵی بالیسان و ١٠ کیلۆمەتر لە سەنتەری ناحێی خەلیفانەوە دورە ، هەڵكەوتەی جوگرافی و سەختی ناوچەكەیان، لەبار بووە بئەوەی دۆڵی مەلەكان بەدرێژایی مێژووی جوڵانەوەی سیاسی وچەکداری ببێتە جێگەی حەوانەوەی بنكەو بارەگای هێزەکانی پێشمەرگە، گوندنشینەكانی ئەم دۆڵە سەرباری سەختی گوزەرانیان زیاتر لەهەر ناوچەیەكی تری نزیك شارەكان، بەپێی هەڵكەوتەی جوگرافی و شوێنی نیشتەجێ بوونیان ئەركی گرانیان لە نان پێدان و بارەبەری و بێگاری بۆ درێژە پێدانی بزوتنەوە و جوڵانەوە سیاسی و چەكدارییەكانی كوردستاندا كەوتووەتە ئەستۆ، ئەمەش هۆکارێک بووە کە حكومەتە یەك لە دوای یەكەكانی دەوڵەتی عێراق بە چاوی نەیارتەماشایان بکەن و گوشاری سەربازی زیاتریان بخەنە سەر و بەردەوام بۆمبارانیان بکەن و خەڵكی ناوچەكە گەمارۆبدەن.
حکومەتەکانی عێراق هەرگیز دەستیان لە تاوان دژی ئەو خەڵكە مەدەنیە نەپاراستووەو هەمیشە تاوانیان دژی ئەو خەڵکە بێتاوانە ئەنجامداوە ” تاوانی مرۆڤایەتی، كۆمەڵكوژی، تاوانی جەنگ” نمونەی ئەواتاوانانە کەلەم ناوچەیە ئەنجامدراون. درێژە
