سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ئیداره‌ی گه‌رمیان، داواكارییه‌كانی كه‌سوكاری ئه‌نفالكراوان ده‌گه‌یه‌نێته سه‌رۆكی هه‌رێم
ئیداره‌ی گه‌رمیان، داواكارییه‌كانی كه‌سوكاری ئه‌نفالكراوان ده‌گه‌یه‌نێته سه‌رۆكی هه‌رێم
ئەنفالستان – سلێمانی
دوای ئەوەی کەسوکاری ئەنفالکراوان لە بەردەم سەرۆکایەتی دادگای تێهەڵچونەوەی کەرکوک – گەرمیان خۆپیشاندانیان ئەنجامدا، لەبەرانبەریشدا ئەنجومەنی دادوەری کاردانەوەی هەبوو مانگرتنی راگەیاندو وتەبێژی ئەنجومەنی دادوەری رایگەیاند کە ئەوانەی خۆپیشاندانیان ئەنجامدا بەشێکیان بەلتەچی و حەشیشەخۆربوون، داوای ئەوەش کەسوکاری ئەنفالکراوان بەرەیەکیان راگەیاند بەناوی (به‌ره‌ی پێشمه‌رگه و كه‌سوكاری شه‌هیدان و ئه‌نفالكراوان) و کەوتنە چالاکی .
به‌پێی راگه‌یه‌ندراوێكی ئیداره‌ی گه‌رمیان، دوای ئه‌وه‌ی سه‌رپه‌رشتیاری ئیداره‌كه له‌گه‌ڵ ئه‌ندامانی (به‌ره‌ی پێشمه‌رگه و كه‌سوكاری شه‌هیدان و ئه‌نفالكراوان) كۆبووه، سه‌ڵاح كوێخا، رایده‌گه‌یه‌نێت، كه داواكارییه‌كانی كه‌سوكاری ئه‌نفالكراوان ده‌گه‌یه‌ننه هه‌رسێ سه‌رۆكایه‌تیه‌كه‌ی هه‌رێم وئه‌نجومه‌نی دادوه‌ری هه‌رێم به‌مه‌به‌ستی جێبه‌جێكردنیان.
له راگه‌یه‌ندراوه‌كه‌دا، كه له سایتی ئیداره‌ی گه‌رمیان بڵاوكراوه‌ته‌وه، هاتووه: “رۆژی (29ی نیسان) سه‌رپه‌رشتیاری ئیداره‌ی گه‌رمیان، له‌گه‌ڵ ئه‌ندامانی (به‌ره‌ی پێشمه‌رگه و كه‌سوكاری شه‌هیدان و ئه‌نفالكراوان) كۆبووه‌و و له كۆبوونه‌كه‌دا ئه‌ندامانی به‌ره‌كه جه‌ختیان له ده‌ستگیركردنی تۆمه‌تبارانی كه‌یسی ئه‌نفال كرده‌وه”.
سه‌ڵاح كوێخا سه‌رپه‌رشتیاری ئیداره‌ی گه‌رمیان ئەوەشی رایگه‌یاندووە: له‌ماوه‌ی رابردوودا ئیداره‌ی گه‌رمیانیشان كه‌سوكاری ئه‌نفالكراوان داوای ده‌ستگیركردنی موسته‌شاره‌كانی كردووه و له‌گه‌ڵ ئه‌وه‌شدا، داواكاری كه‌سوكاری ئه‌نفالكراوانی به‌رزكردوه‌ته‌وه به‌مه‌به‌ستی جێبه‌جێكردنیان.
هه‌ربه‌پێی ئه‌و راگه‌یه‌ندراوه، سه‌رپه‌رشتیاری ئیداره‌ی گه‌رمیان، وتیشی: “له ئێستاشدا ئێمه له ئیداره‌ی گه‌رمیان ئاماده‌یی پیشانده‌ده‌ین بۆ گه‌یاندنی داواكارییه‌كانی كه‌سوكاری سه‌ربه‌رزی ئه‌نفالكراوان بۆ هه‌رسێ سه‌رۆكایه‌تیه‌كه‌ی هه‌رێم و ئه‌نجومه‌نی دادوه‌ری هه‌رێم به‌مه‌به‌ستی جێبه‌جێكردنیان”.
سه‌ڵاح كوێخا داواشی له به‌ره‌كه كرد، چالاكییه‌كانیان له‌چوارچێوه‌ی كار و چالاكی مه‌ده‌نی ئه‌نجام بده‌ن ئه‌مه‌ش له‌پێناو ئه‌وه‌ی داواكارییه‌كان به‌شێوه‌یه‌كی باش به‌گه‌نه لایه‌نی په‌یوه‌ندیدار و كار له‌سه‌ر جێبه‌جێكردنیان بكرێت.
ئه‌ندامانی به‌ره‌ی پێشمه‌رگه و كه‌سوكاری شه‌هیدان و ئه‌نفالكراوان ئه‌وه‌شیان روونكرده‌وه، ئه‌وان له ئێستادا هه‌موو هه‌وڵه‌كانیان چڕكردوه‌ته‌وه بۆ به دادگاگه‌یاندنی سه‌رجه‌م ئه‌و جاش و موسته‌شارانه‌ی كه تۆمه‌تبارن به ئه‌نجامدانی تاوانی ئه‌نفال له‌و رووه‌شه‌وه چالاكی جۆربه‌جۆری مه‌ده‌نیان ده‌بێت.
