سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
سبەی دادگاکان مانگرتنی سەرتاسەری دەستپێدەکەن !
سبەی دادگاکان مانگرتنی سەرتاسەری دەستپێدەکەن !
ئەنجومەنی دادوەری بڕیاریداوە سبەی سێشەممە لەزاخۆوە تا خانەقین مانگرتنی سەرتاسەری ڕابگەیەنن، گوایە وەڵامی توندی کەسوکاری ئەنفالکراوانی گەرمیان دەداتەوە.
دوێنێ کەسوکاری ئەنفالکراوان و ژمارەیەکی زۆر لە چالاکوانان و ڕۆژنامەنوسان، گردبونەوەیەکیان لە بەردەم دادگای تاوانەکانی (کەرکوک ـ گەرمیان) ئەنجامداو یاداشتێکی چەند خاڵییان ئاراستەی ھەرسێ سەرۆکایەتیەکەی ھەرێمی کوردستان و ئەنجومەنی دادوەری کرد.
حاکم ئومێد موحسین وتەبێژی ئەنجومەنی دادوەری ھەرێمیش لە لێدوانێکی تایبەتدا بەSNNی ڕاگەیاندووە، بڕیارە سبەی سێشەممە لەزاخۆ تا خانەقین، مانگرتنی سەرتاسەری ڕابگەیەنن و وەڵامی یاداشتی کەسوکاری ئەنفالکراوانیش بدەنەوە.
بەوتەی حاکم ئومێد، لە مانگرتنەکەی دوێنێدا، سوکایەتی بەدادگاو داوەرکراوە، وتیشی:”بڕیارمانداوە بەھۆی سوکایەتیەوە پێمان، سبەی مان بگرین، بەردەوامیشدەبین، تائەوکاتەی سەرجەم لایەنە سیاسییەکان و پەرلەمان و حکومەت و سەرۆکایەتی ھەرێم دێنە سەرخەت”.
لەخۆپیشاندانی دوێنێی کەسوکاری شەھیدان و ئەنفالکراواندا، داوای لابردنی سەرۆکی دادگای تاوانەکانی (کەرکوک ـ گەرمیان)و ھەروەھا گەڕانەوەی دادوەر (ھاوژین حامید) کە بەھۆی ھەڕەشەکانەوە خۆیی و خێزانەکەی کوردستانیان بەرەو تورکیا جێھێشتووە، یەکێکی تر لەداواکاریەکانی کەسوکاری قوربانیان، دەستگیرکردنی تۆمەتبارانی کەیسی ئەنفال بوو.
