یادی ٢٧ ساڵەی ئەنفالکراوانی دۆڵی جافایەتی و شارباژێرکرایەوە
یادی ٢٧ ساڵەی ئەنفالکراوانی دۆڵی جافایەتی و شارباژێرکرایەوە
ئەنفالستان- دوکان: ئەمرۆ ٢٢ی نیسانی ٢٠١٥ بەبەشداری جەماوەرێکی زۆرو وەزیری کاروباری شەهیدان و ئەنفالکراوان و بەرپرسانی حزبی وحکومی ناوچەکەو ئەندامانی پەرلەمانی کوردستان ونوێنەرانی کورد لەعێراق. یادی ٢٧ هەمین ساڵەی ئەنفالکراوانی دۆڵی جافایەتی وشارباژێر کرایەوە .
سەرەتای یادەکە بە سرودی ئەی رەقیب دەستی پێکردو دواتر وتاری قایمقایمی دوکان ووتاری وەزیری کاروباری شەهیدان وئەنفالکراوان و وتاری ناوەندی رێگا بۆپرسی ئەنفالکراوانی دۆڵی جافایەتی وشارباژێر خوێندرانەوە .
دواتر تاجەگوڵینە لەسەر مەزاری ئەنفالکراوان دانرا .
دۆڵی جافایەتی وشارباژێر لە ١٧ی شوباتی ساڵی ١٩٨٨ کەوتە بەرپەلامارێکی گەورەی سوپای بەعس و شەرێکی بەرەیی ٧٠ کیلۆمەتری دامەزراو هیزەکان
ی پێشمەرگە ماووەی چل رۆژ بەرگرییان کرد، بەلام بەو چەکانەی بەدەستیانەوە بوو نەیانتوانی چیدی بەر بەسوپای پرچەک و بە ئەزموونی عێراق بگرن بەتایبەتیش کە زانییان سوپا درێغی لە بەکارهێنانی چەکی کیمیایی ناکات. ناچاربوون پاشەکشە بکەن.
ئەنفالی دۆڵی جافایەتی وشارباژێر یەکەمین قۆناغی ئەنفال بوو کە گوندو ناوچەکانی تری دوکان وبنگردو کاریزەشی گرتەوەو بەهۆیەوە بێجگەلەوەی بارەگاکانی سەرکردایەتی پێشمەرگەی دەرپەراندو هەموو گوندەکانی ناوجەکەی روخاند نزیکەی ٥٠٠ کەسی خەڵکی مەدەنیش بەرپەلاماری ئەنفالکەوتن و جگەلە ٣٦٥ کەس کە نزیکەی ٢٠ کەسێکیان خەلکی گوندی حەیدەرە سوری ناوچەی گەرمیانن و لە ٤ گۆری بەکۆمەڵی بیابانەکانی حەزەری پاریزگای موسڵ و بیابانەکانی سەماوە دۆزرانەوەو هەڵدراونەتەوە هێشتا ئەوانی تریان گۆڕونن .
