په‌رله‌مانی كه‌نه‌دا كیمیابارانكردنی هه‌ڵه‌بجه‌ به‌تاوانی دژ به‌مرۆڤایه‌تی ده‌ناسێنێت

نیسان 22, 2015 Omer بڕیاره‌دادوه‌رییه‌كان, كیمیاباران لێدوان نووسین ناچالاککراوە لە په‌رله‌مانی كه‌نه‌دا كیمیابارانكردنی هه‌ڵه‌بجه‌ به‌تاوانی دژ به‌مرۆڤایه‌تی ده‌ناسێنێت

---

په‌رله‌مانی كه‌نه‌دا كیمیابارانكردنی هه‌ڵه‌بجه‌ به‌تاوانی دژ به‌مرۆڤایه‌تی ده‌ناسێنێت

له‌ 22 هه‌مین ساڵیادی كاره‌ساتی كیمیابارانكردنی شاری هه‌ڵه‌بجه‌ دا ، رۆژی 16/3 له‌هۆڵی په‌رله‌مانی فیدڕاڵی كه‌نه‌دا یادی قوربانیانی هه‌ڵه‌بجه‌ به‌رز راگیرا.

رۆژی سێ شه‌ممه‌ په‌رله‌مانی فیدڕاڵی كه‌نه‌دا له‌ ئۆتاوا یه‌كه‌م دانیشتنی به‌ ئاماده‌بوونی په‌رله‌مانتاران و ژماره‌یه‌كی زۆرلة كوردستانیان و نوێنه‌ری حزب و رێكخراوه‌ كوردییه‌كان ساز كرد.

 جیم كه‌راجیانیس ئه‌ندام په‌رله‌مانی فیدڕاڵی كه‌نه‌دا وتارێكی سه‌باره‌ت به‌تاوانى هه‌ڵه‌بجه‌ پێشكه‌شكردوووتى: ئه‌مڕۆ رۆژێكی گرنگه‌ له‌ په‌رله‌مانی كه‌نه‌داوه‌ به‌جیهانی رابگه‌یه‌نین، كه‌ نه‌ته‌وه‌ی كورد 22 ساڵ له‌مه‌وبه‌ر رژێمی له‌ناوچووی سه‌دام لةطةلَ عه‌لی كیمیاوی تاوانێكی گه‌وره‌ی دژ به‌ مرۆڤایه‌تی به‌چه‌كی كیمیاوی له‌ شاری هه‌ڵه‌بجه‌دا ئه‌نجامدا و هه‌زاران هاووڵاتی مه‌ده‌نی له‌ ژن و منداڵ و پیاوی ئه‌و شاره‌ی له‌ماوه‌ی چه‌ند خوله‌كێكدا كوشت.

 له‌ درێژه‌ی وته‌كه‌یدا كه‌راجیانیس ئاماژه‌ی به‌ سه‌ردانه‌كه‌ی بۆ كوردستان كردو وتی:  له‌مانگی ئه‌یلولی 2009 دا سه‌ردانی كوردستانم كردو له‌مۆنۆمێنتی شاری هه‌ڵه‌بجه‌ش به‌ڵێنم به‌ خه‌ڵكی ئه‌و شاره‌ دا، كه‌ تاوانی هه‌ڵه‌بجه‌ بگه‌یه‌نمه‌ ناو هۆڵی په‌رله‌مانی كه‌نه‌دا و به‌جیهانی بناسێنم كه‌ ئه‌و تاوانه‌ دژ به‌ مرۆڤایه‌تی ئه‌نجامدراوه‌ و ده‌بێت وه‌كو جینۆساید له‌ قه‌ڵه‌مبدرێت.

پاشان سه‌رۆكی په‌رله‌مان له‌سه‌ر پێشنیاری كرجیانیس، دۆسیه‌ی هه‌ڵه‌بجه‌ی خسته‌ ده‌نگدانه‌وه‌ و به‌كۆی ده‌نگی پارله‌مانتاران بڕیاردرا تاوانی هه‌ڵه‌بجه‌ به‌ تاوانی دژى مرۆڤایه‌تی تۆمار بكرێت.

ده‌قی بڕیارةكةی په‌رله‌مانى كةنةدا ده‌ڵێت :(په‌رله‌مانی كه‌نه‌دا ئه‌و كرده‌وانه‌ی كه‌ له‌ لایه‌ن سه‌دام حسێن له‌ به‌رامبه‌ر كورددا كراون له‌ به‌كارهێنانی گازی كیمیایی له‌ شاری هه‌ڵه‌بجه‌دا له‌ 16 ی ئازاری 1988 و وێرانكردنی گونده‌كانی كوردستانی عیراق، هه‌روه‌ها سه‌ركوتكردنی خه‌ڵكی كوردستان به‌شێوه‌یه‌كی سیستماتیكی له‌عیراقدا، وه‌ك تاوان دژی مرۆڤایه‌تی ده‌ناسرێت).

 دوای نیوه‌ڕۆی هه‌مان رۆژ په‌رله‌مانی فیدڕاڵی كه‌نه‌دا له‌ دانیشتنی دووه‌میدا كۆنفرانسێكی به‌ ئاماده‌بوونی په‌رله‌مانتاران بۆ جیم كرجیانیس و نوێنه‌رانی كورد سازكرد.

سه‌ره‌تا كه‌راجیانیس له‌ وته‌یه‌كدا به‌هه‌ردوو زمانی كوردی و ئینگلیزی سوپاسی هه‌ڵوێستی پارله‌مانتارانی كرد و وتی “ئه‌مڕۆ خۆشحاڵم كه‌ هه‌ر چوارحزبه‌كه‌ی په‌رله‌مانی كه‌نه‌دا به‌ یه‌ك ده‌نگ بڕیاریاندا، كه‌تاوانی هه‌ڵه‌بجه‌ به‌تاوانی دژبه‌ مرۆڤایه‌تی له‌ یاسای كه‌نه‌دا تۆمار بكه‌ن، بێگومان ئه‌مه‌ش به‌ رووداوێكی میژوویی بۆ په‌رله‌مانی كه‌نه‌داو گه‌لی كورد ده‌ژمێردرێت”.

دواتر هةريةك لة د. فه‌ره‌یدون وسه‌رتیپ كاكه‌یی به‌ناوی ماڵی كورد و دارا فه‌ره‌ج له‌ رێكخراوی په‌یوه‌ندی كوردی دژ به‌ جینۆساید و هه‌ڤال رِه‌زا سه‌رۆكی كۆمه‌ڵه‌ی فیدراسیۆنی باكور له‌كه‌نه‌دا، وتاری خۆیان پێشكه‌شكرد و سوپاسی هه‌ڵوێستی هه‌موو پارله‌مانتارانیان كرد، به‌تایبه‌تی جیم كرجیانیس، هه‌روه‌ها بڕیاری په‌رله‌مانی كه‌نه‌داشیان به‌ سه‌ركه‌وتنێكی گه‌وره‌ی میلـله‌تی كورد وه‌سفكرد.
له‌ كۆتاییدا دووباره‌ جیم كه‌راجیانیس سوپاسی ئاماده‌بووانی كرد و ئه‌وه‌شی راگه‌یاند كه‌ له‌چه‌ند رۆژی داهاتوودا كورد ئاهه‌نگی نه‌وروز ده‌گێڕێت، به‌وبۆنه‌یه‌وه‌ پیرۆزبایی خۆی پێشكه‌شكرد و كۆتایی به‌ دانیشتنه‌كه‌ هات.

ده‌قی بڕیاره‌كه‌ی په‌رله‌مانی كه‌نه‌دا سه‌باره‌ت به‌ ناساندنی تاوانی كیمیابارانكردنی هه‌ڵه‌بجه‌ كه‌ وه‌ك تاوانێكی دژ به‌ مرۆڤایه‌تی له‌ یاسای ئه‌و وڵاته‌دا

سه‌رنجه‌كان

---