زانکۆی گەرمیان خەلاتی رێزلێنانی بەخشییە چەند نوسەرێکی بواری ئەنفال
زانكۆی گه
رمیان بۆ 27 هه‌مین ساڵیادی ئه‌نفال، ئەمساڵ له به‌رامبه‌ر ئه‌و خزمه‌ته‌ی به دۆسێی ئه‌نفال و ناساندنی ئه‌و دۆسییه‌یان كردووه، خه‌لاَتی رێزلێنان پێشكه‌ش به: چەند نوسەرو چالاکوان و کەسوکارێکی ئەنفال.
به ئاماده‌بوونی عه‌بدوڵڵا ئه‌نوه‌ر، جێگری سه‌رپه‌رشتیاری ئیداره‌ی گه‌رمیان و د. فاروق عه‌بدوڵڵا سه‌رۆكی زانكۆی گه‌رمیان و د. سیروان حه‌سه‌ن یاریده‌ده‌ری سه‌رۆكی زانكۆ، ئه‌مڕۆ دووشه‌ممه 20ی نیسانی 2015، له درێژه‌ی چالاكییه‌كانیدا زانكۆی گه‌رمیان 27 هه‌مین ساڵیادی تاوانی ئه‌نفالی کردووە، شه‌ش كه‌س له نووسه‌رو چالاكوان و كه‌سوكاری ئه‌نفالکراوان، خه‌لاَتی رێزلێنانی زانكۆی گه‌رمیانیان پێشكه‌شكرا .
ئه‌و كه‌سانه‌ی خه‌لاَتی رێزلێنانی زانكۆی گه‌رمیان-یان 
پێشكه‌شكرا، بریتیبوون له: (نوسەرو رۆژنامەنوس عارف قوربانی سه‌رۆكی دامه‌زراوه‌ی خه‌ندان و عومەر محەمەد سەرنوسەری ماڵپەڕو گۆڤاری ئەنفالستان وتەها سلیمان سەرۆکی دەزگای جینۆسایدو سەرنوسەری مالپەرو گۆڤار
ی جینۆساید کورد و هونەرمەند سه‌ربه‌ست ئه‌حمه‌د و كۆچه‌ر مه‌لا شكور پێشمه‌رگه‌و كه‌سوكاری ئه‌نفال، شازاده حوسێن كه‌سوكاری ئه‌نفال، ).
هه‌ر له‌و مه‌راسیمه‌دا نمایشێکی شانۆیی و خوێندنه‌وه‌ی شیعرو په‌خشان له‌لایه‌ن خوێندكارانی زانكۆی گه‌رمیان و نمایشكردنی چه‌ندین كتێب سه‌باره‌ت به دۆسیه‌ی ئه‌نفال له‌لایه‌ن به‌ڕێوه‌به‌رایه‌تی كتێبخانه‌ی ناوه‌ندی زانكۆ، پێشكه‌شكران.
