بریندارێكی دیكه‌ی چه‌كی كیمیاوی گیانی له‌ده‌ستدا.
بریندارێكی دیكه‌ی چه‌كی كیمیاوی گیانی له‌ده‌ستدا.
![video-1429472691.mp4.mp4_snapshot_00.04_[2015.04.19_22.50.59]](http://www.anfalistan.com/wp-content/uploads/2015/04/video-1429472691.mp4.mp4_snapshot_00.04_2015.04.19_22.50.59.jpg)
ئەنفالستان- هەلەبجە : دوای ٢٧ ساڵ لە بەرکەوتنی ئەمرۆ بریندارێکی تری چەکی کیمیایی گیانی لەدەستدا . ئه‌مە درێژه‌ی ئه‌و هه‌واڵانه‌یه کە ساڵانه چه‌ندین جارلە دەزگاکانی راگەیاندنەوە به‌رگوێمان ده‌كه‌ویت.کە لێرەو لەوێ بریندارانی چەكی كیمیاوی لە شاری هەڵەبجەو شوێنانی تردا، گیان لەدەست دەدەن .
ئەمڕۆ مەحمود محەمەد لەتەمەنی ٧٢ ساڵیدا گیانی لەدەستدا ناوبراو هۆی به‌ركه‌وتن وبرینداربوونیەوە بەچەکی کیمیاوی . ماوەی (٢٧)ساڵە بەدەم ئازارەوە دەتلێتەوەو بینایی چاوەكانی لەدەست دابوو ،چۆمان عوسمان دانیشتووی پاریزگای هەڵەبجە بە ئەنفالستانی راگەیاند تا لەژیاندابوو حکومەتی هەرێمی کوردستان ئاوری لێنەدایەوەو ئەمرۆ ڕێکەوتی (١٩ /٤ /٢٠١٥) بەهۆی كارێگەری گازەوە بەیەكجاری ماڵئاوا لێكردین.
بەپێی ئامارەکان لە ساڵی ٢٠٠٣ وە هەتا ئێستا ٨٥ برینداری تری چەکی کیمیاوی لەپارێزگای ھەڵەبجە گیانیان لەدەستداوەو لە شوێنەجیاجیاکانیتریش بەرەبەرە لێیان دەمرێت و ژیان بەجێدەهێڵن.
جیگەی بیرهێنانەوە ساڵی ٢٠٠٨ ناوەندی چاک پرۆژەیەکی گرنگی خستە بەردەستی حکومەتی هەرێمی کوردستان بۆ خزمەتکردنی بریندارانی چەکی کیمیایی سەرباری پەسەندکردنی وەزارەتی تەندروستی بەڵام دواجار پشتگوێخرا. لوقمان عەبدولقادر سەرۆکی کۆمەڵەی قوربانیانی چەکی کیمیایی هەڵەبجە بەکەناڵەکانی راگەیاندنی راگەیاند زیاتر له هه‌شت ساڵه نه‌خۆشخانه‌یه‌كی تایبه‌ت به‌به‌ركه‌وتوانی چه‌كی كیمیایی له پارێزگای هه‌ڵه‌بجه به‌ردی بناغه‌ی بۆ دانراوه، به‌ڵام تا ئێستا نه‌توانراوه ئه‌و نه‌خۆشخانه‌یه بكرێته‌وه.
