ئەنفالکراوانی گوندی خدر رێحان
گوندی خدر رێحان – ناحێی قادرکرەم
ناوچەی قۆناغی سێی ئەنفالی گەرمیان .
Anfalistan- sulimaney : خدر رێحان یەكێكە لە گوندە خنجیلانەكانی ناوچەی زەگنەی گەرمیان وخەڵكەكەشی سەربە هۆزی زەنگنەن لەروی كارگێڕییەوە سەربەناحێی قادركەرەمە، ساڵی 1983 لەسەر دەستی مامۆستا (هیدایەت عەلی قارەمان ) قوتابخانەی لێدامەزراوە .
دراوسێی هەردوو گوندی گۆلباخی سەروخوارو هەرێنەوگەڕاوی و دراتوو، تیلەكۆ و بنەكەو لەك هیدایەتە، کەهەموویان بە چری بەر پەلاماری ئەنفال کەوتن وزیانی گیانی وماڵی زۆریان بەرکەوتووە. پێش پەلامارەكانی ئەنفال گوندی خدر رێحان نزیكەی (47) خانەوادەی تێدا دەژیاو خەڵكێكی تریش بەهۆی هەڵاتنیان لە خزمەتی سەربازی‌و گوندەكانی دەوروبەریان لەوێ نیشتەجێ ببوونەوە، ئەم گوندە هەمیشە پەناگای خەڵكی لێقەوماوو بووە، تەنانەت لەپەلامارەكانی ئەنفالدا دووكەس لەدەربازبوانی كۆمەڵكوژی ئەنفال لەوێ نیشتەجێ ببوونەوە، هەریەک لە (عوزێر و رەمەزان عەلی سلێمان پێش ئەنفالكردنیان، لە گوندی جافان نیشتەجێ بوون، بەڵام دوای ئەوەی ساڵی ١٩٨٧ گوندی جافان دەروخێت ئەوانیش كۆچ دەكەن بۆ گوندی خدر رێحان، لەوێ هەتا کاتی ئەنفال دەیانگوزەراند، بۆیە هەرلەوێش لەگەڵ خەڵکەهەژارەکەی جافان گیران‌و ئەنفالكران‌و دواتر لە تۆپزاوا جیاکرانەوەو دوای دوڕۆژ مانەوەیان رەوانەی بیابانەكانی رومادی کرابوون لەو بیابانە گوللەبارانكرابوون خۆشبەختانە رەمەزان و عوزێر لەو کۆمەڵکوژییە رزگاریان ببوو .
سەروەختی ئەنفالیش دانیشتوانەكەی بە كشتوكاڵ‌و ئاژەڵدارییەوە سەرقاڵ بوون، بەداخەوە لەپەلاماری ئەنفالی سێی گەرمیاندا رۆژی 10ی نیسانی سالی 1988 خدر رێحانیش روخێندراو خەڵكەكەشیان گیران‌و لەلایەن سوپاو جاشەوە رەوانەی ئالیاوای نزیكی قادركەرەم كران‌و دواتریش بەقۆناغەكانی گرتن‌و كۆكردنەوەدا بران بۆتۆپزاوا، بەهەمووی ئەوانەی لەوێ نیشتەجێ بوون لەگەڵ خەڵكی گوندەكە 35 كەسیان بەر پەلاماری ئەنفالكەوتن‌و لە تۆپزاوا جیاكرانەوەو هەموویان بێسەروشوێنكران .
خەڵکی خدر رێحان جگەلە ئەنفالكراوەكانیان (9)كەسی تریان لەسەنگەردا گیانیان بەخشیوە. هەرچی عوزێرە لە دیدارەكانیدا باسی یەكێك لە ئەنفالكراوەكانی گوندی خدر رێحان دەكات كە لە هەمان ئەوكاروانەدا بووە كە پێكەوە بردویانن بۆبیابانەكانی پارێزگای رومادی و لەوێ گوللە بارانكراون. شایانی باسە جگەلە رەمەزان‌و عوزێر 12 كەسی تر هەرلەگەڵ خەڵكی خدر رێحان گیران‌و ئەنفالكران .
شایانی باسە لەناو ئەنفالكراوەكاندا 4 برای یەكترن كە تەمەنیان لەنێوان 18 بۆ 32 ساڵدایە
| ئةنفالكراوانى طوندى خدر ريَحان | |||
| ز | ناوی ئەنفالكراو | تەمەن | ڕەگەز |
| 1. | نجم الدین سەعید قارەمان | 32 | نێر |
| 2. | فاتیح سەعید قارەمان | 34 | نێر |
| 3. | نامیق سەعید قارەمان | 18 | نێر |
| 4. | ابراهیم سەعید قارەمان | 22 | نێر |
| 5. | حەسیب عومەر فارس | 34 | نێر |
| 6. | قادر عەلی قارەمان | 35 | نێر |
| 7. | فاتیح محمد خەسرەو | 35 | نێر |
| 8. | عوسمان ئەحمەد خەسرەو | 33 | نێر |
| 9. | محمد عبدالله حەسەن | 21 | نێر |
| 10. | عەلی ئەحمەد كریم | 25 | نێر |
| 11. | عادل عەزیز فەرەج | 35 | نێر |
| 12. | حەمید حەسەن حسێن | 22 | نێر |
| 13. | محمد كەریم ئەحمەد | 31 | نێر |
| 14. | رەحیم عەلی ساڵەح | 27 | نێر |
| 15. | محمد عەلی ساڵەح | 38 | نێر |
| 16. | ئازاد عەلی ساڵەح | 18 | نێر |
| 17. | وادی عەلی قارەمان | 38 | نێر |
| 18. | حەسیب رەشید محمد | 34 | نێر |
| 19. | عبدالله ئەحەد عەلی | 33 | نێر |
| 20. | بورهان حەسەن عەلی | 19 | نێر |
| 21. | عەباس نصرالدین محمد | 18 | نێر |
| 22. | كامیل كەریم ئەحمەد | نێر | |
| 23. | سالار فاتیح | نێر | |
| 24. | سابیر عەلی | نێر | |
| 25. | عەلی جافانی | نێر | |
| 26. | سەعید ئەحمەد عەلی | نێر | |
| 27. | تۆفیق | نێر | |
| 28. | وەهاب ئەمین | نێر | |
| 29. | لەتیف ئەمین | نێر | |
| 30. | رەوف ئەمین | نێر | |
| 31. | مامۆستا حسین | نێر | |
| 32. | ڕەمەزان عەلی سلێمان [1] | 22 | نێر |
| 33. | عوزێر | 24 | نێر |
| 34. | حەمید | نێر | |
| 35. | كەریم | نێر | |
| 36 | لوقمان عەلی | نێر | |
[1] لە ناو ئەم ناوانەدا هەریەك لە ڕەمەزان عەلی سلێمان و عەزیز وەهاب محمد ناسراو بە عوزێر لە كۆمەڵكوژییەكی بیابانی پارێزگای رومادی لەناوپاصێكدابوون لە قەراغی گۆرێكی بەكۆمەڵ دەربازیان بوو ئێستا لە ولایەتی ڤێرجینیای وڵاتە یەكگرتووەكانی ئەمریكادا دەژین . جێگەی ئاماژەیە ( ئەم دوكەسەو فەرەج محمد عەزیزو تەیمورو واحید) لەلایەن یۆست هێڵتەرمان و رێكخراوی هیومان رایتس ۆچەوە بران بۆ ئەمریكاو ئێستا لەوێ دەژین .
٢- بەشێک زانیارییەکانی ئەم بابەتە لە کاک محەمەد قەیتولی وەرگیراوە
