سوید/ یۆتۆبۆری یادی ٢٧ ساڵەی تاوانی ئەنفال بەرز ڕاگیرا .
سوید/ یۆتۆبۆری یادی ٢٧ ساڵەی تاوانی ئەنفال بەرز ڕاگیرا .
یوتو بۆری – فەلاح ئەحمەد ڕەشید.
پاش نیوەڕۆی ڕۆژی ١٨/٤/٢٠١٥ لە شاری یۆتۆبۆری وڵاتی سوید ئەنجوومەنی کۆمەڵە کوردیەکان بەهاوکاری کۆمەڵەی هونەرەجوانەکان یادی ٢٧ ساڵەی ئەنفارلیان بەرز ڕاگرت،
لەو یادەدا کە ژمارەیەک لە ڕەوەندی کوردی دانیشوانی شاری یۆتۆبۆری ئامادەی بوون بەمشێوەیە بەرنامەکانی دەستی پێکرد !
سەرەتا بەخێرهاتینی ئامادەبووان لەلایەن بەڕێوەبەری کۆڕەکە گۆران عەلی ەوە کرا..،،
جیاوازتر لەساڵانی پێشتر ئەمجارەیان دوو دەقە بۆ گیانی پاکی قوربانیانی ئەنفال ئامادەبووان بەپێوە ڕاوەستان،،
وتاری ئەنجوومەنی کۆمەڵە کوردیەکان لەلایەن هەڵبەست حەمەساڵح دیلانەوە خوێندرایەوە
فلمێکی دۆکۆمێنتاری لەسەر قۆناخەکانی ئەنفال پیشان درا شایانی بەسە ئەم فلمە لەئامادەکردنی هونەرمەندان [ نەوزاد باهیر و فەلاح ئەحمەد ڕەشید ] بوو،،فلمەکە ١٢ خولەکبوو کە تێدا بە وێنە و ڤیدۆیۆی دۆکۆمێنت باسی لە قۆناخەکانی پرۆسەی ئەنفال کرد کەبە هەشت قۆناخ ڕژێمی بەعسی لەناو چوو بەسەرپەرشنی عەلی کیمیاوی دەرهەق بەگەلی کوردستانی باشووری ئەنجام دابوو..
کورتە فلمێکی ١٣ خولەکی بەناونیشانی [ سموود ] پێشکەش کرا،،لەوێنەرگرتنی هاوڕێ عەزیز و سیناریۆ و دەرهێنانی گۆران بابا عەلی.
دکتۆر فازیل مورادی لێکۆڵینەوەیەکی گشتی لەسەر جینۆسایدی ئەنفال پێشکەش کرد کە تێیدا ناوبراو بەڕونی و بەبەڵگەوە تیشکی خستبووە سەر ئەوە کەپرۆسەی ئەنفال پرۆسەیەکی قات و قڕی گەلی کوردبووە بەیەکێک لە جینۆسایدەکانی جیهان هەژماردەکرێت،،تەواو و سەرجەم بەڵگەکانی خستبووە ڕوو کەمایەی حاشاهەڵنەگری جینۆسایدی گەلی کوردبووە بە ئامار و داتای تەواوەوە تەواوی بەڵگەنامەکان و بڕیارەکانی ڕژێمی بەعسی لەناوچوو پێشانی ئامادەبووانی دابوو،،
-/ پەخشانە شیعرێک بەناوی [ نزایەک لەئەنفالی گەرمیانەوە تا ئەنفالی شەنگال ] بە پیشاندانی فلمێکەوە پێشکەشکرا لە نووسینی بەختیار شارەزووری و خوێندنەوە عادل عەزیز..،،
-/ دوا بڕکەی ئادەکە بەبەخشینی دوو خەڵاتی ڕێزلێنان و سوپاس نامە بۆ هەریەکە لە بەڕێزان گۆران باباعەلی و دکتۆر فازیل مورادی بەخشرا کەلەلایەل ئەنجوومەنی کۆمەڵەکوردیەکان و کۆمەڵەی هونەرەجوانەکان ئامادەکرابوو.
تیبینی :
وابریار بوو وەک لە پۆستەرەکەدا ناویان هاتووە هەریەک لە ” عومەر محەمەد سەرنوسەری ماڵپەروگۆڤاری ئەنفالستان و هاشم محەمەد دەربازبووی کۆمەڵکوژی ئەنفالیش لەو یادەدا هەریەکەیان بە بابەتێک بەشداربن، بەلام بەداخەوە بەهۆی کێشەی ڤیزاوە نەیانتوانی بەشداری بکەن.
بەناوی ماڵپەری “ئەنفالستان”ەوە دەستخۆشی لە ڕێکخەرانی مەراسیمەکەو هەموو ئامادەبوان و پێشکەشکاری باس و بابەتەکان دەکەین و هیوای سەرکەوتنیان بۆ دەخوازین
