سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
پارلەمانی ئەوروپا کۆمەڵکوژیی ئەرمەنی بە جینۆساید ناساند.
پارلەمانی یەکێتیی ئەوروپا کۆمەڵکوژیی ئەرمەنی بە جینۆساید ناساند.
ئاژانسی هەواڵنێریی ڕۆیتەرز ڕایگەی
اند، تەنها چەند ڕۆژێک دوای توڕەکردنی تورکیە لەلایەن پاپای ڤاتیکانەوە، بە ناساندنی کۆمەڵکوژیی ملیۆنێک و ٥٠٠ هەزار ئەرمەنی لە لایەن ئیمپراتۆری عوسمانیەوە لە نێوان ساڵانی ١٩١٥-١٩١٧ وەکوو جینۆساید، دوێنێ پارلەمانی یەکێتیی ئەوروپاش بە بڕیارێک، بە فەرمی ئەم کۆمەڵکوژیەی بە جینۆساید ناساند.
ڕۆیتەرز ڕایگەیاند، دەشێ بڕیارەکە ببێتە هۆی بارگرژی لەگەڵ تورکیا، ئاماژەی بەوەدا کە ئەردۆغان بەر لە بڕیارەکە، ڕایگەیاندبوو کە پشتگوێی دەخا.
بەو پێێە هەر دوای دەنگدانەکە لە پارلەمانی ئەوروپا، وەزیری دەرەوەی تورکیە پارلەمانی ئەوروپای بەوە تۆمەتبار کرد، کە دەیەوێ مێژوو بنوسێتەوە و ووتویەتی: ئەوانەی پشتیوانیان لەو بڕیارە کردووە، هاوپەیمانی ئەوان کە هیچ پەیوەندیەکیان بە نرخەکانی ئەروپاوە نییەو، هاندەری ڕق و تۆڵە و، کلتوری ناکۆکین.
وەزیری دەرەوەی ئەرمەنستانیش پێشوازیی لە بڕیارەکە کرد و ووتی: ئەوە پەیامێکی گرنگە بۆ تورکیە، بۆ ڕووبەڕوبونەوەی ڕابردووی خۆی، دانپێدانانی جینۆسایدی ئەرمەنیەکان و، ڕێخۆشکردن بۆ ئاشتبوونەوەی گەلانی تورک و ئەرمەنی.
ساڵی ١٩١٥ دەوڵەتی تورکیا پەلاماری ئەرمەنیەکانی داو لەماوەی ٢ ساڵدا نزیکە یەک ملیون ئەرمەنی لەناوبرد، کەچی سەرباری ئەوەی هەمیشە تورکیا لەهەوڵی ئەوەدایە بچێتە یەکێتی ئەورپاوە بەڵام ئامادە نیە دان بەو تاوانەدا بنێ و بەرپرسیارێتی هەلبگرێ و داوای لێبوردن لە گەلی ئەرمەن بکات
