سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
سبەی لەکفری گردبوونەوەیەک بۆ پشتیوانی دادوەر (د. هاوژین حامد) ئەنجام دەدرێت
سبەی لەشاری کفری گردبوونەوەیەک بۆ پشتیوانی حاکم هاوژین حامد
ئەنفالستان – کفری : ١٥/٤/٢٠١٥ .
وابریار سبەینی ١٦/٤/٢٠١٥ بۆ پشتیوانی لە دادوەر د.هاوژین حامد لەشاری کفری ئەنجام بدرێت لەکفرییەوە حەسەن عەلی فەرەج کە تاقانەیەکی ئەنفالە بە ماڵپەڕی ئەنفالستانی راگەیاندا سبەینێ وەک نارەزایەتییەک بەرانبەر سزادانی دادوەر هاوژین حامد لە قاوەخانەیڕۆشنبیرانی شاری کفری کۆدەبینەوە بۆ نارەزایی دەربڕین دژ بە بریاری گواستنەوەی . وتیشی دادوەر هاوژین لەبری ئەوەی پشتیوانی بکرێت سزای دەدەن و سوکایەتی پیدەکەن .
حەسەن عەلی فەرەج رای گەیاند ئێمە بەشێک لە کەسوکاری ئەنفالکراوانی گەرمیان و بەشێک لە ڕۆشنبیران وچالاکانی مەدەنی داوادەکەین ئەنجومەنی داد وەری بە هەلەکانی خۆیدا بچێتەوە، وتیشی من بەرپرسیارم لەم قسەیەو دەبێت ئەنجومەنی دادوەری بەخۆیدا بچێتەوەو هەلەکانی خۆی ببینێ .
دادوەر هاوژین حامد لەکەناڵەکانی راگەیندنەوە رایگەیاندووە کەوا لەبەرئەوەی یاسای جێبەجێ کردووەو بەبریاری ئەو سێ تۆمەتباری ئەنفال گیراون و پێشتر لەسەروی خۆیەوە داوای لێکراوە ئەو دۆسێیانە دابخات یان چارەسەریان بکات بەڵام ئەو رەتی کردووەتەوەو سوربووە لەسەر جێبەجێکردنی یاسا بۆیە وەک سزایەک لەلایەن ئەنجومەنی دادوەرییەوە بریاری گواستنەوەی دراوە بۆ قەزای ئامێدی لەپارێزگای دهۆک .. ئەمیش وەک نارەزایەتیەک نامەی دەست لەکارکێشانەوەی لەپۆستەکەی داوە .
