سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
بایکۆتی یادی ئەنفال دەکەن
بایکۆتی یادی ئەنفال دەکەن
سئ کەسایەتی گەرمیان بڕیاریانداوە ئەمساڵ بایکۆتی ئەنفال بکەن و نەچنە مەراسیمی یادکردنەوەکە لە دێبنەی رزگاری کە ئێستا مەزاری ئەنفالکراوانەو هەموو ساڵێک یادی ئەنفالی لێدەکرێتە
وە .
بەپیی زانیاریەکانی ئەنفالستان ئەو سێ کەسایەتیە هەمووکەسوکارەکانیان لە پەلاماری سێی ئەنفالدا لەدەستداوەو خۆیان تاقە دەربازبووی خانەوادەکانیان و بۆمەینەتی ڕۆژگار ماونەتەوە .
لەپەیوەندییەکدا ئەنوەر حەمەلاو رایگەیاند هەریەک لە ئێمە ( وەهاب ئەحمەدو سەباح نەجمەدین ومن ) کە تاقانەی ئەنفالین جەختمان لەوە کردووەتەوە کە لە يادى 27 سالەى تاوانی ئةنفالدا بەشداری ناکەین و لە ماڵەکانی خۆمانەوە یادی کەسوکارەکانمان دەکەینەوە
ئەنوەرهۆکارەکەی بۆ ئەنفالستان رونکردەوەو گوتی لەبەرئەم هۆیانە بەشداری یادەکە ناکەین :
یەکەم لەبەربێبەڵێنی دەسەلاتدارانی حکومەت کە چەندین ساڵە بەڵێن بەکەسوکاری ئەنفال دەدەن ونایبەنە سەر .
دووهەم لەبەرئەوەش کە فەرمانی گواستنەوەی دادوەر هاوژین کە هەستاوە بەدەستگیرکردنی تۆمەتبارانی ئەنفال لەبەر ئەوە سزایانداوەو گواستویانەتەوە بۆ ئامێدی
سئهەم لەبەرئەوەی چیتر یاری بەهەستمان نەکەن .
وتیشی لەبەر ئەوەی داواکاری گشتی سلێمانی کاک فەرهاد حاتم بەردە وام دۆسێی بەداد گا گەیاندنی جاشو مستە شارە ئەنفال چیەکانی جووڵاندووە کەچی یاسا گوێی لێ ناگرێت و ئێستا دەستی لەکار کێشاوە .
لەبەر ئەوەی دەسەڵات چیتر یاری بە شوعورمان نەکات دوایی یادە کەبەرپرسان خوان لەماڵی ئەنفال جیەکان دە خۆن هەر ئەوسەعاتە ئەنفالیان لەبیرە.
وەهاب ئەحمەد کە یەکێکی ترە لەو تاقانە بەجێماوانە هەرجەندە پەیوەندیە تەلەفۆنیەکەی دروست نەبوو بەڵام لە تۆری کۆمەڵایەتی فەیسبووک بەهەموو هاوڕێ و دۆستانی راگەیاندووە کە بەشداری یادەکە ناکات لەبەر ئەوەی حکومەت بووەتە مۆڵگەی جاش وموستەشارەکان و دژی گواستنەوەی حاکم هاوژین و دەستلەکارکێشانەوەی داواکاری گشتی فەرهاد حاتەمم .
ئەنفالستان هەولیدا قسەی سەباح نەجمەدینیش وەربگرێت بەلام بەردەست نەکەوت .
ئەنوەر وتیشی ئەمرۆ بەرپرسی ئیدارەی گەرمیان وقایمقامی کەلار هاتوونە ماڵمان وداوایان کردووە بەشداری بکەین بەڵام داواکەیانمان رەتکردەوەو جەختی کردەوە لەوەی ئەم ئێوارەیە پێکەوە بووین و لەسەر بریارەکەمان سورین .
نیسانی سالی ١٩٨٨ لەدریژەی پەلامارەکانی ئەنفالدا قۆناغی سێهەم گەرمیانی گرتەوەو بەهۆیەوە هەموو گوندەکان روخنران وخەلکەکەی ئەنفالکران و سەدان منداڵ بێباوک و سەدانیان بێدایک و دەیان مندالیش بێ دایک وباوک وبێ سەرپەنا مانەوە هەریەک لەوەهاب وئەنوەرو سەباح لەو کەسانەن کەهیچ کەسێکیان نەمان و هەموویان ئەنفالکران .
