سهردێرهكان
شاڵاوهكانی ئهنفال و تێكهڵاو كردنی دوو كولتوری دژ به یهك
شاڵاوهكانی ئهنفال و تێكهڵاو كردنی دوو كولتوری دژ به یهك
یاسین لەتیف
به دهر لهوهی ههموو هێزهكان پشكێكیان بهر دهكهوێت له بهشداری كردنی ئهنفالدا !! بهڵام تاوانباری سهرهكی و ئهنجامدهری 
تاوانی ئهنفال كردنی هاونیشتمانیانی كوردستان ((حزبی بهعسی فاشیزم)) بوو ، (میشیل ئهفلهق) باوكی ڕۆحی و دامهزرێنهری بهعسیزم ڕستهیهكی سهیرو سهمهرهی ههیه دهڵێت : ـ ((ههموو خاكمان بهرێ ، بهڵام ئیمان و بڕوامان لێ بسێنیتهوه پهرتهوازه دهبیین)) مهبهستی ئهفلهق بڕواو ئیمانی پان عهرهبیزمه كه له ئایینی ئیسلامهوه سهرچاوه دهگرێت ،،ئیسلام و عروبه دوو چهمك و دهستهواژهی كولتوری خێڵهكی بهدهویه و پێكهوه تهنها یهك واتاو مهبهست دهبهخشن ئهویش نرخاندن و تهقدیس و بهرزڕاگردنی عهرهب و عهرهبیزمه له بهرامبهر گهلانی دنیادا . جودا كردنهوهو داماڵینی بیری ئیسلام له عروبه ناسیۆنالیزمی عهرهب دهبێته كهفی سهر ئاوو زوو ئاوا دهبێت ، پان عهرهبیزم خهونێكی ڕاسیزمانهیه و تێكهڵاو به لاهوتیهتی ئایینی كراوه بۆ ئامانجێكی تایبهتی كه بریتیه له پهروهرده كردن و خوڵقاندنی دۆخێكی سایكۆلۆژی و فۆرمهڵه كردنی تاكێكی كۆنسێرفاتیزم به كولتوری سهلهفیهت كه بۆ بهرز ڕاگردنی ناسیۆنالیزمی عهرهبه سهرهتایهكانه ، ئهم زاخاودان و چاندنی ڕۆحی سهلهفیهته له خهیاڵ و هزریی تاكدا به جۆرێكه كه وهكو زهردهواڵه پابهنده بهو كون و كولتورهوه كه لای تهقدیس كراوه و ناوی پان عهرهبیزمه ، له نێو خهیاڵدانی یوتۆپیایهك ڕۆ چووه و گهیشتۆته باوهڕو قهناعهتێكی میتافیزك و غهیبانی وا كه پایهی بهرزو خۆشبهختی ئهو یان ئینسانی عهرهب لهوهدایه ((بكوژێت و بكوژرێت ))له پێناوی فهنتازیاو بهههشتێك كه له دونیایهكی میتافیزیكدایهو له چاوهڕوانی ئهمدایه ، ئهو ڕوباره خوێنهی كه ڕۆژانه له دونیای ڕۆژههڵات و وڵاته عهرهبیهكاندا ڕێ دهكات و دهیانبینین ، ئهو مهشههده ترسناكانهی كه ئێمه له میدیاكانهوه شاهیدی دهبین و مرۆڤ به شێوهیهكی وهحشیگهری و بهڕبهڕی لهت و پهت دهبێت و سهر دهبڕێت ، به دهستی ئهو تیرۆرستانهوه كه پهروهردهی زهلكاوی ئایدۆلۆژی و تێكستی لاهوتیهتن و بهشێكه لهو پهروهردهیهی كه لاهوتیهتی ئایینی بۆ جێبهجێ كردنی پرۆژهی كهڵكهڵهی ناسیۆنالیزمی پان عهرهبیزم پیاده دهكرێت .. شاڵاوهكانی ئهنفالیش بهشێك بوو لهو پرۆژهیه دژ به گهلی كوردستان ئهنجام درا ، پێیانوابوو گهلی كوردستان مهترسیهكی گهورهن له پیاده كردنی پرۆژهی پان عهرهبیزم دا ، بهو خهیاڵه چهپهڵهی ئهوان سڕینهوهی سیمای كورد له بوون دا ههڵگردنی لهمپهرێكه له بهردهم سهرخستنی ئهو پرۆژه شۆفێنیهتهیان . ئهگهر چی ههر له سهرهتاوه مۆدێرنه و ئامانجی بهرههمهكانی مۆدێرنه بۆ خۆشبهختی ئینسان و پێشكهوتنی ژیارو شارستانیهت وكۆمهڵگای مرۆڤایهتی بوو ، له گهڵ ئهوهشدا دژ به پرۆژهكانی ئایینی و كولتوری لاهوتیهت بوو ، بهڵام به داخهوه دیوێكی بهرههمی مۆدێرنه بوو به هۆكاری چهندین جهنگی نێو دهوڵهتی و ههردوو جهنگی جیهانی ((یهكهم و دووهم)) به ملیۆنهها مرۆڤی كرده قوربانی ئهو جهنگانهو شارستایهت و مرۆڤایهتی دووچاری نههامهتی و قهیران كرد ، ههروهها مۆدێرنه جگه لهوهی دیوێكی فهزیلهت و كرانهوهو پێشكهوتن بوو بۆ مرۆڤایهتی ، له گهڵ ئهوهشدا چهندین ئایدو ئهفكاری قێزهون و ناپهسهندی بهرههم هێنا بوو به هۆی نانهوهی پهشێوی و دووبهرهكی له نێو گهلانی جیهان دا و ههروهه به ڕێخستنی جهنگ و خوێن ڕشتن كه ملیۆنهها مرۆڤی وهكو ماشیین هاڕی كه برتیه له ((نازیزم و ، فاشیزم و بهعسیزم و ….هتد)) . هزری بهعسیزمیش بهشێك بوو له بهرههمهكانی مۆدێرنه ، بهڵام تێكهڵاو به كولتوری لاهوتیهتی ئیسلام ، بهعس و ئهرتهشی عێراق له هێرشهكان و قڕ كردنی كورد و گهلی كوردستان سودی له تكنۆلۆژیای سهربازی مۆدێرنهو مۆراڵی نازیزم و تێكهڵاو كردنی به دنیابینی و عهقڵیهتی بهدهویانهی لاهوتیهتی ئایینی ئیسلام كه له ترادسیۆن و بنهمای تاڵانی ((غهنائم)) دامهزراوه به ڕێوه چوو . سهرباری ئهنفال كردن و قڕ كردنی ئینسانی كورد ماڵ و حاڵیشیان به تاڵان برا . زهنجیره هێرشه سهربازیهكان به ناوی ئهنفالهوه ، گهڕانهوه بوو بۆ هزرو ترادسیۆن و ئهو عهقڵێته لاهوتیه كه ڕهوایی دهدات به له ناو بردن و كوشتنی ئهوانیتر تهنها له پێناو داگیر كردنی خاك و به تاڵان بردنی ماڵ و موڵكیان و سهرخستنی پرۆژهی پان عهرهبیزم ،، ئهم تاوانهش به كهرهستهی تكنۆلۆژی سهربازی پێشكهوتووی مۆدێرنه ئهنجام درا . تهنانهت ئهوڕۆ له كوردستانی ڕۆژئاوا جاڕی ئهنفال كردنی كورد دهدهن و دهیانهوێت ئهزموونی كوردستانی باشور دوپات بكهنهوه ، كهواته كورد تا ئێستاش ههڕهشهی ئهنفال كردنی له سهره و دهبێت سیاسهتێكی نوێ و به عهقڵێتێكی نوێوه مامهڵه له گهڵ دهوروبهرهكهی خۆیدا بكات.
یاسین لهتیف
لەماڵپەڕی دەنگەکان وەرگیراوە .
