سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
یادی ٢٧ هەمین ساڵەی کیمیابارانی سێوسێنان کرایەوە
یادی ٢٧ هەمین ساڵەی کیمیابارانی سێوسێنان کرایەوە
anfalistan – سلێمانی : ٢٢ی ئازار- یه‌كشه‌ممه، رێوره‌سمی27 هه‌مین ساڵیادی كیمیابارانكردنی گوندی سێوسێنانی سه‌ر به‌قه‌زای قه‌ره‌داغ کرایەوە.
ئەو سەروەختە سێوسێنان گوندێکی قەرەباڵغ و قەرەداغیش ناحێیەکی ئازادکراو بوو، چوار رۆژ دوای كیمیابارانكردنی شاری هەڵەبجە واتا ئێواره‌ی رۆژی 22ی ئازاری 1988و لەکاتی نانخواردنی ئێوارەدا سوپای عێراق لە سەربازگەکانی دەربەندیخانەوە بە کاتوێشای کیمیایی بەچڕی بۆردومانی ناحیه‌ی سێوسێنانی كرد. له ئه‌نجامی ئەو بۆردومانەدا (٦٩) کەس گیانیان لەدەستداو ٢٠ کەسیش برینداربوون. هەتا ئێستاش بەدەست ئازاری تەنگەنەفەسی وچاوو پێستیانەوە ئاڵودەن .
یادە کە بە ئامادەبوونی بەرپرسانی حزبی و حکومی و جێگری سەرۆك و ئەندامانی ئەنجومەنی نوێنەرانی عیراق و ئەندامانی ئەنجومەنی پارێزگای سلێمانی و لێپرسراوانی حكومی و كەسوكاری قوربانیان بەڕێوەچوو، جێگەی ئاماژەیە جێگری سەرۆکی پەرلەمانی عێراق ئارام شێخ محه‌مه‌د لەوتارەکەیدا رایگەیاند هه‌وڵی به‌جینۆسایدناساندنی تاوانی كیمیابارانكردنی سێوسێنان ده‌ده‌ین ! لەکاتێکدا تاوانەکە لە ٢١ی ئابی ساڵی ٢٠٠٦ یەکەمین دانیشتنی دادگای بۆ کراو لە له 24ی حوزه‌یرانی ساڵی 2007 دادگا دوابریاری لەبارەی تاوانبارەکانەوە راگەیاندو دۆسێکەی بەتاوانی (کۆمە
لکوژی، تاوانی دژی مرۆڤایەتی و تاوانی جەنگ) یەکلایی کردەوە .
هەرلەو دادگایەدا تاوانبارە سەرەکیەکانی ئەنفال هەریەک لە عەلی حەسەن مەجیدو سوڵتان هاشم و حوسێن رەشید تکریتی سزادران .
.
