دەربارەی ئەم وێنەیە
دەربارەی ئەم وێنەیە
Anfalistan – سلێمانی .
زۆرجار لە تۆرەکانی کۆمەڵایەتی فەیسبوک وا بڵاودەکرێتەوە کە ئەم وێنەیە هی ئەنفالکراوانە وەک لە بەشی سەرەوەی وێنەکەدا نوسراوە رێزگرتنی منداڵ و گەورە بەرەو مەرگ : ئەنفالکردنی کورد ساڵی ١٩٨٨.
من بەپێی تێفکرین و وردبوونەوەم لەم وێنەیە ناچێتە عەقڵمەوە ئەم وێنەیە هی ئەنفالبێت، بەڵکو پێدەچێت وێنەکە هی ئاوارەیی ساڵی ١٩٩١ بێت، نەک هی ئەنفالی ساڵی ١٩٨٨ . هەروەک لە شیوەی جل و بەرگ و تەنانەت پێکەنینی هەندێکیاند دیارە، راستە ئەنفالکردن لە کوردستان بووە بەڵام کۆمەڵکوژی بە زۆری لە بیابانەکاندا بووە، هەروەک لە چیاکەی پشتەوەیاندا دیارە کە ئەم منداڵانە لەبیابان نین وای نابینم بۆ مەرگ وەستابن، بەڵکو وای بۆ دەچم بۆ وەرگرتنی هاوکارییەکانی رێکخراوەکانی نەتەوەیەکگرتووەکان ورێکخراوە (ئێن جی ئۆ)کان وەستابن . دیقەت بدەن پێڵاوەکانیان قوریان پێوەیە.
سەرباری ئەو تێبینیانەش دورنی یە، ئەم منداڵانە خەڵکی کوردستانی رۆژهەڵاتبن.
بەهیواین ئەم تێبینیانە سودیان هەبێت لە مەودوا وێنەو بەڵگەکان بە وردبینیەوە بڵاوبکرێنەوە.
وێنەی دووەم بەرەنگاو رەنگی زیاتر هاوکاری تێگەیشتنمان دەکات .
سەرنوسەری ماڵپەڕی ئەنفالستان
