سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
سه‌لمه محمه‌د رۆبیتان: به‌هاتنه‌وه‌ى عه‌لى جارێكى تر غایله‌ى گه‌رانه‌وه‌ى براكانمو مێرده‌كه‌م كرده‌وه
anfalstan – سلێمانى: به‌روارى دیدار: 20/ 12/2009 كاتژمێر 12ى نیوه‌رۆ سلێمانى . سه‌لمه محمد رۆبیتان له‌دایكبووى ساڵى 1962 ى ناوچه‌ى گه‌رمیانه، به‌رله‌په‌لاماره‌كانى ئه‌نفالى سىَ له‌گوندى ئۆمه‌رمل دانیشتوونو له‌سه‌ره‌تاى هه‌شتاكاندا هه‌رله‌وىَ له‌گه‌ڵ محمد مجید هاوسه‌رگیرى كردووه‌و ژیانى خێزانى پێكه‌وه ناوه، ئێستا له‌شارى كفرى نیشته‌جێیه.
كه ئه‌نفال ده‌ستى پێكرد ئه‌و دایكى 4 منداڵ بوو، كورێك به‌ناوى شاخه‌وانو سىَ كچى ترى له‌په‌لامارى ئه‌نفالى سێدا له‌گه‌ڵ خه‌ڵكى ناوچه‌كه ده‌ستگیركراونوله‌قۆناغى یه‌كه‌مدا له‌گوندى مله‌سوره كۆیان كردوونه‌ته‌وه‌و دواتر بردویانن به‌ره‌وقه‌ڵاى قۆره‌تۆى مه‌یدانو ئه‌نفالكراون.
سه‌لمه‌محمد باش به‌بیرى نایه‌ته‌وه چه‌ند رِۆژ له‌قۆره‌توو هێشتوویاننه‌ته‌وه، به‌ڵام پێى وایه ماوه‌یه‌كى زۆر كورتى” دو سىَ رۆژى” خایاندووه‌و له‌وىَ گلیانداونه‌ته‌وه‌و دواتریش به سه‌یاره‌ى سه‌ربازى بردویانن بۆ تۆپزاواى لاى كه‌ركوك. له‌و دیداره‌دا سه‌لمه‌محمد ده‌ڵىَ: ئێمه ئازارو ره‌زاله‌تیه‌كى زۆرمان چه‌شت مه‌حاڵه به‌ده‌م بگێردرێته‌وه، وتى له قۆره‌تووه‌وه به مه‌نشه‌ئه‌یه‌ك براین، كاتێك سه‌ریان خستین ناویان نوسینو وتیان به‌رتان ئه‌ده‌ین به‌ڵام درۆیان له‌گه‌ڵكردین بردیانین بۆ شوێنێكى زۆر ناخۆش ناوى تۆپزاوابوو.
سه‌لمه له‌وىَ حه‌شاماتێكى زۆرى بینیوه كه‌هه‌مویان وه‌كو ئه‌وان گیراونو ده‌ست به‌سه‌ربوون ” حه‌شاماته‌كه له‌عه‌قڵا نه‌بوو” ئه‌مه ئاماژه‌ى خه‌ڵكێكى له‌ئه‌ژمار نه‌هاتووه كه‌گیراون سه‌لمه ووتى: له‌وىَ عه‌سكه‌ر هاتن پیاوه‌كانیان جیاكرده‌وه‌و هه‌رله‌ویا پیاوه‌كه‌ى منشیان برد) ئه‌وه‌ى هه‌تا ئه‌مرۆ كارى گه‌ریى له‌سه‌ر ئه‌و ژنه‌ماوه شێوازى جیاكردنه‌وه‌ى پیاوانه له ژنو منداڵه‌كان زریكه‌و فیزاقى ژنو منداڵو ( وه‌كێبڵ هاتن وه‌پیاوه‌كانداو بردیانن، من چاوم هه‌رله‌سه‌ر پیاوه‌كه‌م بوو هه‌تاپێچیان پێكرایه‌وه چاوم تێوه‌ى بوو ئیتر هه‌ر ئه‌و بردنه بوو رِۆىو نه‌مبینیه‌وه.
ئه‌م ژنه گه‌رمیانیه جگه‌له ئازارو خه‌فه‌تى مێرده‌كه‌ى ته‌واوى خوشكو براكانیى خۆیشى ئه‌نفالكراون، له‌وانه نه‌خشینو ره‌نگینو ژیان له‌نوگره‌سه‌لمان زیندان بوونو دواتر گه‌رِاونه‌ته‌وه، به‌ڵام دوبراكه‌ى غالبو بورهان ئه‌نفالكراونو هێشتا بێسه‌رو شوێنن، هه‌ناسه‌یه‌كى هه‌ڵكێشاو وتى: ( بورهان برام ژنى نه‌هێنابوو به‌ڵام غالب دو ژنى بوو پێنج مندالى بوو ئه‌وانیش هه‌موویان ئه‌نفالكراونو نه‌گه‌رِاونه‌ته‌وه) سه‌لمه به‌هاتنه‌وه‌ى عه‌لى جارێكى تر كه‌ڵكه‌ڵه‌ى گه‌رانه‌وه‌ى براكانىو مێرده‌كه‌ى ده‌كه‌وێته‌وه سه‌ر هه‌رچه‌ند له‌دواى پرۆسه‌ى ئازادییه‌وه ته‌واو نا ئومێد بووه، به‌ڵام ئێستا له‌وه‌تاى عه‌لى به‌دایكى شاد بووه‌ته‌وه جاربه‌جار ئومێدێك له‌ناخیدا سه‌رهه‌ڵده‌داو ده‌ڵى به‌شكو ئه‌مه خوایه ئه‌وانه‌ى ئێمه‌ش سۆراخێكیان ببێت.
درۆكانى به‌عس :
كه بردویانن بۆكه‌مپه‌كه‌ى دبس دیسانه‌وه درۆیان له‌گه‌ڵدا كراوه، پێیان ووتوون پیاوه‌كانیان به‌رداوه‌و خۆشتان به‌رده‌ده‌ین، به‌ڵام هه‌رگیز ئه‌و قسه‌یه راستنه‌بوو، چونكه له تۆپزاواوه بردویانن بۆ كه‌مپێكى تر به‌ناوى دبس . گواستنه‌وه‌و هێنانو بردنى ئه‌نفالكراوه‌كان هۆكاره‌كه‌ى ئه‌وه بووه كه‌رۆژانه خه‌ڵكى ناوچه‌كانى تر گیراونو به‌كه‌مپه‌كانى كۆكردنه‌وه‌دا تێده‌په‌رینو ده‌هێنران بۆ تۆپزاوا ئیتر له تۆپزاواوه دابه‌شكردن به‌رێوه‌ده‌چوو زۆربه‌ى گه‌نجه‌كان بۆكوشتن براونوله‌گۆره به‌كۆمه‌ڵه‌كاندا خۆلیان كراوه به‌سه‌رداو به‌جێهێلراون، پیره‌پیاووپیره ژنه‌كانیشان به‌سه‌ر كه‌مپه‌كانى دبسو سه‌لامیه‌و تكریتدا دابه‌شكردووه، له‌وێوه دیسانه‌وه زۆربه‌ى ژنه‌كانیان به‌رێگایه‌كى دورو درێژدا گواستووه‌ته‌وه به‌ره‌و نوگره‌سه‌لمان و له‌وىَ ماوه‌ى شه‌ش مانگ ده‌ستبه‌سه‌ركراوه‌كان،.
له‌م كه‌مپانه‌شه‌وه دیسانه‌وه ده‌سته‌بژێركراونه‌ته‌وه به‌زۆرى ژنانیان له‌دبسو تركریت هێشتووه‌ته‌وه‌و دواتر به‌ره‌و نوگره سه‌لمان گواستوویانه‌ته‌وه.
گرێى ده‌رونى شاخه‌وان
شاخه‌وان كورِى سه‌لمه‌ى ئه‌نفالكراوه ساڵى 1987 له‌دایكبووه ئه‌وكاته‌ى په‌لامارى ئه‌نفالى سێ ده‌ستى پێكرد شاخه‌وان هه‌روا سالێكو چه‌ند مانگێك بووه، شاخه‌وانیش وه‌كو هه‌موو ئه‌ومنداڵه گه‌رمیانیانه‌ى به‌رپه‌لامارى ئه‌نفالى سىَ كه‌وتن ئه‌نفالكراوه‌و به‌و ناسكیه‌ى خۆیه‌وه ئازارو ئه‌شكه‌نجه‌ى كه‌مپه‌كانى قۆره‌تو تۆپزاواو دبسو نوگره‌سه‌لمانى بینیوه، به‌ڵام له‌به‌رمنداڵى هیچ كام له‌و رِودوانه‌ى بیرنایه، كه دیدارم له‌گه‌ڵدا كرد، هه‌موو خه‌مو مه‌ینه‌تیه‌كانى ئه‌ورۆژانه‌م له‌چاوانیدا خوێنده‌وه، به‌تایبه‌تیش ئه‌و ناعه‌داله‌تیه كۆمه‌ڵایه‌تیه‌ى له‌دواى راپه‌رینو ده‌سه‌ڵاتى خۆماڵیه‌وه له‌هه‌موو كه‌س زیاتر كه‌سوكارى شه‌هیدانو قوربانیانى ئه‌نفالى كردووه‌ته ئامانجو به‌رله‌هه‌ركه‌س ئه‌وانى قوربانى باجه‌كه‌ى ده‌ده‌ن ئاخر هه‌رهیچ نه‌بىَ له‌به‌ر خاترى ئه‌وانیش بوایه نه‌ده‌بوو تۆمه‌تبارانى ئه‌نفال، له‌پێشه‌وه موسته‌شاره‌كورده‌كان پله‌وپایه‌ى به‌رز وه‌ربگرنو ژیانیان چه‌ندین قات له‌سه‌رووى ئه‌وانه‌وه بوایه.
ئه‌وه‌ى هه‌تا ئێستاش شاخه‌وانى نیگه‌ران كردووه‌و نیگه‌رانى ده‌كات ئه‌وه‌یه كه‌له‌ده‌مى دایكیه‌وه بیستوویه‌تى حه‌جاجى درِنده‌ى عروبه له‌نوگره‌سه‌لمان بردویه‌تىوماوه‌یه‌ك گرتووه‌یه‌تیه باوه‌ش به‌پێشچاوى ئه‌نفالكراوه‌كانه‌وه وبیره‌ى كردووه به‌ده‌میه‌وه.
ئه‌گه‌رچى من وه‌ك سه‌رنوسه‌رى ئه‌نفالستان ویراى ده‌ستخۆشىو پیرۆزبایم له‌بیرۆكه‌ى پرۆسه‌ى هاوسه‌ر گیرى گه‌نجانى كه‌سوكارى ئه‌نفال ، سه‌رنجم له‌سه‌ر رۆژى مه‌راسیمه‌كه هه‌یه، چونكه به‌لامه‌وه گرنگه خانه‌واده‌كانى ئه‌نفال بنیاتبنرێنه‌وه‌و له‌پێش هه‌ركه‌سێكه‌وه خۆیان هه‌نگاوى بۆبنێنه‌وه، لێره‌وه پیرۆزبایى له یه‌كبه‌یه‌كى ئه‌و بوكوزاوایانه ده‌كه‌م، به‌هیوام پێكه‌وه پیروخه‌رِۆبنو ببینه هاوڵاتى هوشیارو به‌ئه‌زمونو به‌رهه‌لستارى هه‌موو جۆره سته‌م كاریه‌ك.. به‌ڵام ده‌لێم خۆزگه له‌رۆژى 14/4 دا نه‌بوایه .. خۆزگه رۆژێك دواى ئه‌و یاده‌وه‌ریه بوایه چونكه ئه‌و رۆژه رۆژى ماته‌مینى ئه‌نفالكراوه‌كانه، رۆژى رێزگرتنمانه به‌ماته‌مینینه‌وه، ئه‌گه‌رچى جوانترین رێزلێنان له قوربانیانى ئه‌نفال خۆشگوزه‌رانىو دامه‌زراندنى خانه‌واده‌ى كورانو كچانى ئه‌نفالكراوه‌كانه به‌ڵام كورد ده‌لێن شینو شایى پێكه‌وه نه‌كراوه..!
